（有感而發）30X/234X/33A/41/45 重組

Ricky403 發表於 2019-1-21 14:33
咁你不如舉下例有邊條細車線係用哂命車做得好？
勉強得一條64K可以算做得好咁大把，而又嘗試過用新車
當 ...

就唔講 64K，以前 5C 用短車唔好？對面海 23 唔好？
唔好倒果為因，唔係因為啲線用短車所以先做得差
明明宜家孖寶已經掛梗十二部短雙，比 6C 換完都有剩
唔一定話減去做 934，能夠蝕少十部八部車已經有足夠誘因去做
正正係顧全荔景山利益，唔係無啦啦走去減班收車，置居民於不顧

首先，6 嘅表列班次日間大部份時段同 6C 相約
維持 6C「以深水埗區為總站嘅曬命線」而反對重組根本唔成理由，根本聽都冇聽過
要打造多一條「以深水埗區為總站嘅曬命線」，揼條 214 俾你
大家更在意嘅係路線正正常常、開足車，理得你邊條係曬命線，架車幾新幾靚
905 係因為港島北岸 quota 縮短多過因資源不足而縮短，兩個類比根本風馬牛不相及

你去講乘客觀感，我就同你講西站環境觀感差，事實上西站嘅污染物係超標
唔好塞字落我把口，從來冇講過冇吸引力係因為總站等車黑
歸納一下先，西站出深長荔
去長、荔 30X 贏車程
MTR 落深水埗贏車程
班次、價錢（$8.0) MTR 勝
MTR 要行大段路轉線，方便度 30X 稍勝
沙咀道出深長荔
當行去月台要十分鐘
去長、荔、深 30X 贏車程
班次、價錢（$8.5） MTR 勝
MTR 距離稍遠，方便度打和
對於荃景圍而言，行大涌道沙咀道走比西站街楊屋道走稍快
政治現實上，飛市中心取西站，市中心嘅區議員冇誘因放行
兩者兼取，西站前段嘅區議員冇誘因放行
考慮現實條件，避免地區資源失衡，我認為行沙咀道係地區間嘅最大公因數
至於回程，我一直嘅想法都係跟 934A 落橋

成份建議冇搞過 2F
擺慈雲山第一係保住 $8.9
其次係喺現有基礎上穩固客源，看似兜路，但係荃灣內街七個字到新蒲崗，相當有競爭力
唔藉執 30X 撥亂反正，有生之年都唔會見到 230X 全日
落太子旺角繼續倒客，尖沙咀繼續冇車
唔會拆到一條深長荔，一條太子以南，仲可以齊齊四個字一班

Edward_Chan 發表於 2019-1-21 20:38
簡單來講係剝削曬其他區比車荃灣 ----完----

睇車數就係
講服務質素其他區唔會差得過以前

k58 發表於 2019-1-21 22:32
就唔講 64K，以前 5C 用短車唔好？對面海 23 唔好？
唔好倒果為因，唔係因為啲線用短車所以先做得差
明明 ...

地區觀感上，我幾肯定區議員會用接近我嗰套去諗
我無講過因為用短車就做得差，不過觀感上，有邊條線焗用短車而仍然做得好？先唔好講加唔加價，6F大部過6C等等超越九巴同地區底線嘅潛在問題，本身6C上麗瑤成件事就可見有唔少阻力
第一，深水埗區有理由唔過你
6C拉上麗瑤，編號分分鐘改埋做46C，觀感上，為咩要將呢18部車拱手相讓比麗瑤祖堯？令荃灣區成就30X改叫39X，再拆230X建功大業？如果你可以做到39X捆綁6C拉上麗瑤，乘數或者大啲；不過深水埗無咗總站線王，你好難同人交代
第二，荔景知道係減車重組，亦有理由唔過
正如之前所講，區議員唔一定睇哂班次，更重要嘅係車數；車數係爭取服務嘅籌碼，係爭取選票嘅籌碼
好似之前葵涌新區某位之前咁話願意研究縮33A去美孚換取加密班次，絕無僅有
6C取代45/46，變相係46縮短至中郵，45飛走何文田，再由兩者同6C合併產生；睇落無33A縮美孚離譜，不過都係縮減條線服務範圍
做呢類重組，係要有充分理由，或更好嘅服務補償地區先願意，當然亦最好捆綁，因為區議員係會支持A (服務補償)，反對B (服務削減)
觀感上亦似係荔景、深水埗減車比荃灣成就39X、230X大業，咁同你選舉過票比其他人，無分別㗎
有位站友都講咗呢點出黎 (荔景削車比荃灣)，傾嗰陣區議員問起，點解釋？踩人地底線嘅重組唔會有好結果
第三，九巴係間僵化嘅大公司，你要佢主動大搞呢啲複雜改動，真係不如叫佢去死
九巴服務點差 (其實又唔可以話好差，係唔穩定) 文化點僵硬B2版同其他地方已經有一大堆觀點，亦係而家越黎越多九龍新界人比較支持新城原因之一，呢度就唔詳述了，有興趣自己去瞭解下
如非有屯馬線全通，使6C/6F客量再下跌甚至變埋頹線契機 (，相信6C上麗瑤係極難實現

30X最終入唔入西站，好大程度睇田二少態度
不過如果真係為荃景圍著想，去程就理應行青山公路轉德士古道出去，一條直路快快趣，回程跟934A走無異議去程有得選擇擦邊而係要塞入去沙咀道，搵笨
比較嗰度，你又有冇考慮美孚長通道轉車嘅趕客程度？就咁比較車程時間、價錢，唔止西站深長荔線，元朗、天南深長荔68X、69X都會輸比西鐵南昌月票加紅線；但呢兩條線有冇接近268B、269B咁差？又無喎，69X做得唔算好，但起碼未到30X咁嘅境況
沙咀道出去，比西站加楊屋道出去，做少成個西站上蓋；客源會少咗，又唔見得特別吸到荃景圍客返黎，你可能會覺得係「一人讓一步」，我就覺得係兩頭唔到岸，相信亦因為咁，所以你需要額外十部八部車，拉30X去慈雲山再吸荃灣新蒲崗客
只要荔景或深水埗唔滿意，個重組就企咗喺度搞唔到落去

Ricky403 發表於 2019-1-22 22:34
地區觀感上，我幾肯定區議員會用接近我嗰套去諗
我無講過因為用短車就做得差，不過觀感上，有邊條線焗用 ...

99 299X 未解禁之前咪一樣泵車落去攪
大部分短車線做得唔好，係伴隨著車輛損耗高同客源不足嘅問題

長沙灣、荔枝角、深水埗根本無人理你擺美孚定麗瑤，因為佢哋本身就唔係總站區
至於美孚，有半個美孚坐 6C 方便左
總站繼續有車坐
唔好吹到成個深水埗反對，有條自己區嘅總站線王又唔會加少啲價
最起碼我冇聽過咁嘅理由令重組擱置
咁鍾意總站線嘅，頭牌繼續打美孚，去到美孚就直通運行返麗瑤，感覺可能會好啲
講車數，荔景山由十幾部車變到廿幾部
就算拉到上荔景山，深長荔一樣照搭到 6C，一樣係咁嘅服務
我唔反對等到沙中線之後再執 6C
反正根據何文田站嘅先例，沙中線通左 6C 唔會跌得少

行青山公路不如大涌道直出
喺正地鐵站隔離，行完市中心都白做
咁就真係搵笨

比較不當
西鐵入大西北，車費貴巴士一半，大部份地區要轉乘輕鐵
但係都足以令到 69X 由 3 分鐘跌落全雙位數班次
西站係鐵路上蓋，唔使駁車
方便過大西北唔少

唔好誇大車數
39X 深水埗止步比起入慈雲山，只需要用多三部車
咁做亦都最平衡到西廊特快同深長荔慢線嘅客量
成個建議預留嘅走盞位好大，就算孖寶全 part 扳倒
唔難砌返車比佢哋