慈雲山巴士交通的困局

Handsome 發表於 2019-1-13 22:20
想問問喺咪冇客由慈雲山/鳳凰新村去紅磡、土瓜灣下路？喺咪冇客由橫頭磡/九龍塘上慈雲山？係咪冇客由橫頭 ...

我無講過唔理流水客

用 5C 去做慈雲山往來紅磡土瓜灣、下路來往尖沙咀係合理，但唔代表 5C 做慈雲山尖咀係合理；
用 3C 去做慈雲山來往九龍塘橫頭磡、橫頭磡來往旺角係合理，但唔代 3C 做慈雲山來往旺角佐敦係合理

如果一條流水線就滿足晒頭尾區需求，九巴直頭連 5P 5X 都唔會試喇，
但原來 5P 載客率 98%，你仲好意思話唔夠需求

成堆繁忙時間班次同 5P 差唔多既尖沙咀特快，高峰載客率唔到 98%，都可以做到全日而且夠客

至於 2X，事實係三彩人口唔到慈雲山一半，都做到呢個成績，
真係有人專登等；如果人口多一截既慈雲山有真特快，你慌無客？

又咁講，2A 比 2X 好客好多，係咪代表如果當初唔係做 2X，而係做 2A，盤數會好過今日？

無錯如果三彩都係擺流水，表面上呢條線全日客數會多左，但班流水客咪又係 2A 過檔，
2A 客量都會有相應減少，流水客條數無分別。
但同時三彩客隨時不增反減，仲要每位收少 $1，三彩流水線因為回車慢亦令成本上升。客量代表一切？

根本當日殺 6X 再抽兩部 2A 開 2X，成本無變過，但即時多左新客源，又將部分客 $5.8 upgrade 到 $6.8，
九巴已經贏左，呢個重組模式只要改善盤數、增加收入，已經係成功，
複製落慈雲山，絕對係大有可為

TuNg''=) 發表於 2019-1-13 23:36
其實呢幾條，5X係最有條件。
當允其沙中一定會影響5線客量
而家開定特快可以保返住尖咀來往新蒲崗既客

而且 5X 全日既話，非繁用既額外資源真係好少

至於 302 回程，我建議既走線正正係紅隧東九廊不停站，頭站王仲銘，不過之後我會停埋四美街先上山，真係做埋特快版 111 功能

10598C 發表於 2019-1-13 23:38
冇人話要放棄呢批流水客唔做
一直都係話繼續做呢批流水客之餘，同時開拓特快線客源 ...

慈雲山特快線嘅客量其實只可以做兩繁通勤。如果3x, 5x係做得掂，相信巴士公司已經加咗班，至少3x回程開埋下繁，其他3x, 5x或者2F特班假期週末都會試辦幾班，但係巴士公司冇咁做就知點解。

S3BL100 發表於 2019-1-14 00:25
而且 5X 全日既話，非繁用既額外資源真係好少

至於 302 回程，我建議既走線正正係紅隧東九廊不停站，頭 ...

5x南行其實係一條「假」特快，根本上冇行過快速道路，只係飛走幾個站，嚴格來講唔可以收特快價，行車時間跟北行相比差別好大，返工客要搭佢真係要預時間。況且巴士公司同運輸署已經有數據，非繁/兩繁有幾多客出尖沙咀，如果客量足夠，應該已經加班。

繁忙時間，好多巴士線嘅載客量都好高。例如5或者5c，兩繁極多人，頂閘係等閒事，超過9成一啲都唔出奇。況且5P唔係特快線，只係經上路去慈雲山，當中包括唔少流水客。

Handsome 發表於 2019-1-14 00:51
慈雲山特快線嘅客量其實只可以做兩繁通勤。如果3x, 5x係做得掂，相信巴士公司已經加咗班，至少3x回程開埋 ...

我又想知點解同樣係山上住宅區，安達臣講緊20000多啲人口，又可以支撐到咁多條非流水巴士線喎...

ricky 發表於 2019-1-14 00:04
可能因為2A本身多人搭，2X在2A班次中出現，隨時都執到唔少客。

咪就係執雞線，貴一蚊都無所謂。不過我試過喺週末晏晝由Mikiki搭2x西行出深水埗，樓下同樓上都係得十個八個，反而2A流水就坐滿大半車客。

10598C 發表於 2019-1-14 01:40
我又想知點解同樣係山上住宅區，安達臣講緊20000多啲人口，又可以支撐到咁多條非流水巴士線喎... ...

兩個字「插旗」。安達臣新區除咗安泰、安達兩邨，來緊重會發展前礦場嘅土地，果度會大量發展公私營房屋，容納幾萬人口。九巴唔老早插定旗，一個唔覺意畀新城搶咗就真係大鑊。

Handsome 發表於 2019-1-14 02:00
兩個字「插旗」。安達臣新區除咗安泰、安達兩邨，來緊重會發展前礦場嘅土地，果度會大量發展公私營房屋， ...

安達臣唔只係多線，仲係幾乎所有線都overload

Handsome 發表於 2019-1-14 01:48
咪就係執雞線，貴一蚊都無所謂。不過我試過喺週末晏晝由Mikiki搭2x西行出深水埗，樓下同樓上都係得十個八 ...

有心等，真係搭2X，唔好搭2A。搭2A由新蒲崗去長沙灣要八九個字，但搭2X只係四個字