歷年邊條新鐵路對巴士、小巴造成最大衝擊？

271_N271 發表於 2019-2-13 21:18
唔該呢位師兄先

「鐵路優先政策」嘅定義，個人認為根據當年首次出現呢個概念嘅文件會比較準確

https://hkbus.wikia.com/wiki/%E5 ... F%E6%94%BF%E7%AD%96
一九八六年的「公共交通協調政策」已把鐵路優先具體說明。

如果講估錯數的話,
南港島線開通後當局係估錯香港仔經薄扶林道出中西區的客流變化,

271_N271 發表於 2019-2-13 21:27
唔該呢位師兄

其實我係讀新聞嘅，嚟緊要做一集時事節目，暫定係呢個題目

有人講開運輸處理想中嘅計劃 同市民實際嘅選擇 之間差異大、甚至好似當年馬鐵同南港島線通車咁，估算同實際載客量不成正比，我會覺得與其話誤判，講白啲就係堅離地，根本理解唔到當區居民要乜嘢，當鐵路好似抗生素係萬能藥咁，冇巴士都冇問題。

當年Cut 681件事，主因除咗鐵路不及681一程方便之外，反而我覺得背後原因係就算當年搭鐵快極都冇可能做到681半個鐘港島返到馬鞍山（半個鐘唔係我老作，曾經問過啲司機，當年冇乜自遊行/旅遊巴嗰時，半個鐘行完一程單向係好常見），再者當年好似有人認為運輸處為咗做靚馬鐵通車條數，被指亂咁cut巴士線。

其實有版友都講多咗一樣嘢，都好睇本身鐵路個定線對巴士有幾大影響，馬鐵快極都要兜到出大圍先至過獅子山出到鑽石山（當屯馬線通咗車），但同時間馬鐵到石門，巴士都已經差唔多到大老山隧道口，架馬鐵到大圍巴士都已經過咗大老山好遠。同樣情況將軍澳過海線，將軍澳線調景嶺下站油塘之後就過海，但巴士就要入隧道出到藍田先至入到東隧過海。表面上時間差唔係太多，但計埋轉線或者等巴士時間，分分鐘總行程時間差好遠。

馬鐵定線差，注定難發圍，就算屯馬線通車，最多只影響到 85 系，85 系對巴士公司來說只係雞肋，食之無味 棄之可惜

271_N271 發表於 2019-2-13 21:27
唔該呢位師兄

其實我係讀新聞嘅，嚟緊要做一集時事節目，暫定係呢個題目

但很諷刺地673北區方向港島段跟貼681但上座率仍然不高，當然673理應最好例如改為跑馬地止步主力銅鑼灣。

271_N271 發表於 2019-2-13 21:27
唔該呢位師兄

其實我係讀新聞嘅，嚟緊要做一集時事節目，暫定係呢個題目

近年玩法唔同左,減班代替重組

不過樓主可以參考其他人做法

網上隔一排就有人問呢D野

S3bl430 發表於 2019-2-13 22:35
如果講估錯數的話,
南港島線開通後當局係估錯香港仔經薄扶林道出中西區的客流變化, ...

其實都係估錯條4號姐

睇下40/40M,都唔知減左幾多次

而71/90B係2017年都有減

kay 發表於 2019-2-14 07:11
近年玩法唔同左,減班代替重組

不過樓主可以參考其他人做法

最近直情開新線養舊線，特別係邊境線養埋本地線，同埋一輛班繁時線變半全日然後慢線變2/30分鐘一班，等大家齊齊有車坐。

將軍澳綫開通後, 過海線691, 692, 693要取消, 小巴18線停辦。
寶琳至北角, MTR, 只需16 mins, 加上尚德,富寧花園商場有MTR平2元機, 巴士及小巴車資及車程上好難競爭。

另一方面, MTR去荃灣或沙田要轉線, 而798, 290 可以一程過到 ,坑口,寶琳, 翠林比較多客上, 但將南(尚德,彩明)車程上不吸引。