282線班次脫班問題

98C290 發表於 2019-4-17 00:42
其他公司啲司機邊度變出嚟?'

九巴唔肯俾多幾個錢請人
實有其他公司肯

九巴已經收到單一條線都留後成百人
請多個司機閒閒地都幫佢一日搵3,4千蚊生意
問題係出係九巴自己

lingling_cc 發表於 2019-4-17 08:25
你估比其他公司做一定解決到人手不次班次不足問題咩?
倒不如搵更加好建議去解決問題仲好
...

我唔會話招標轉其他公司營運一定解決到人手、班次不足問題，但對比其他公司嚟講，最少識得借機會要求運輸處加人加車去做，對比九巴依家嘅態度，柴小都追唔上、差成幾公里遠，明知唔夠人開足車仲可以厚著面皮話比人聽，我係唔夠人開足班次嫁喇，唔鐘意就咪鬼搭囉嘅態度。

何達文嗰陣都冇咁離譜，收完車至少識得平均返班次，唔會郁啲就收其他線嘅車左救右救，依家? 喺沙田或者搭到車返屋企已經要還神，收工已經攰，搭親巴士下下排成3/4班車都上唔到，住其他區啲同事都落咗車差唔多返到屋企，而我仲係街度食緊塵等緊巴士。有得揀邊間巴士公司做沙田堆線，我第一腳一定踢走九巴先。

其實九巴當初開咁多招標線，只係為咗想有更多收入
但係結果就大家都見到，欠人欠車問題嚴重咗，尤其係沙田廠
之前都有師兄喺另一帖子講到北區收車問題（都唔算舊架，2019年3月嘅事來的），而家輪到282等沙田區內線中伏

尤其對新田圍街坊嚟講，巴士服務已經係佢哋外出嘅唯一選擇，因為佢哋未必願意落秦石坐車（記住47X新田圍特別班次都係區議員爭取開辦的…）

282等路線若果開足班次已經算好了，若果跟足開車時間表開，相信絕對唔會似而家咁惹嚟地區人士反對，甚至有政黨上TD/九巴交建議

若果九巴服務真係繼續「日日退步」（巴士脫班、班次變疏問題嚴重化）嘅話，恐怕2027年續專營權都有啲難度了…

純屬個人意見，歡迎討論。

98C290 發表於 2019-4-17 00:42
其他公司啲司機邊度變出嚟?'

港島綫西延 + 南港島綫加埋收咗百幾部車都唔夠人嘅話可以交牌

流星☆雨 發表於 2019-4-17 03:25
睇樓主提供數據，10/30果日好明顯開少左班車，09/03大致上係出齊車如果真係環境問題，倒不如抽一兩班車改新 ...

抽車新田圍起載，沙市班學生轉車客點先

s20131417 發表於 2019-4-17 19:12
其實九巴當初開咁多招標線，只係為咗想有更多收入
但係結果就大家都見到，欠人欠車問題嚴重咗，尤其係沙田 ...

但係單睇數據282是出夠車，只是車長及路況問題，這樣又是別一個故事

離題一説，283收車同樣嚴重

THomas20010808 發表於 2019-4-17 20:41
抽車新田圍起載，沙市班學生轉車客點先

據小弟目測所知，非學校假期亦都有一班學生客搭完鐵，喺「秦石邨石瑩樓」分站等車，見到有車就上
令81K、281M、282等路線喺前往新田圍果段路係直頭下層可以企滿

若果九巴有意管理旗下路線，首先就應該改善路線服務質素，喺適當時機加密班次
e.g. 282線應該上下課時間加密班次，而唔應該單純中途起載；反而非學校假期就可以考慮喺下課繁忙時間抽車私上新田圍，載走班學生落山，方便佢哋盡快到車公廟站/沙市轉車
（反正你都要cater班循道衛理中學嘅莘莘學子們嘛…）

但係最重要嘅始終都係人，係車長（尤其係全職/時薪車長）：
你冇可能為咗班學生，而其他線收車去救學校路線；
車就有一堆spare，可以用嚟加掛牌車落282等高載客量路線；
但九巴肯唔肯就唔知道了…

s20131417 發表於 2019-4-17 20:55
據小弟目測所知，非學校假期亦都有一班學生客搭完鐵，喺「秦石邨石瑩樓」分站等車，見到有車就上
令81K、 ...

其實你知唔知 Spare 車有咩用

KE7066 發表於 2019-4-20 12:07
其實你知唔知 Spare 車有咩用

各專營巴士公司均設有後備車輛，供一般突發事故時調動，例如交通意外、交通阻塞、巴士故障等，令編定的服務時間表不致受到影響，避免脫班。

其實282等路線一旦有班次不穩等情況（尤其小弟本文提到嘅282線），係可以調動Spare車，增加班次，不致引起地區人士及乘客不滿

s20131417 發表於 2019-4-20 18:27
其實282等路線一旦有班次不穩等情況（尤其小弟本文提到嘅282線），係可以調動Spare車，增加班次，不致引 ...

但啲車喺廠無人揸出街呢
有又點