真係要叫「屯馬綫」？

hippohippohippo 發表於 2019-4-26 18:17
樓主話要"修正"，好似人地搞錯咗咁
唔係好明起名時用齊兩地簡稱，點解都會有問題
我諗港鐵係覺得屯馬線應該 ...

港鐵係500萬居民使用, 其實應該由市民話事, 唔應該港鐵話事

其實港鐵可以用徵名比賽形式收集名稱, 可以增加市民同港鐵之間既互動

E3Tsubasa 發表於 2019-4-27 16:30
叫東西綫咪幾好，東西綫呢個名有咩問題先？太受歡迎？

「東西線」同「東鐵線」有交集, 有機會造成混亂

053h4 發表於 2019-4-29 13:42
https://www.hk01.com/社會新聞/174926/網傳沙中線擬命名-屯馬線-及-東鐵線-港鐵-會考慮社區意見

我個人 ...

政府一向都無就鐵路車站命名做地區諮詢
所謂考慮社區意見只係官腔黎
真係有心諮詢係區議會或者社區聯絡小組搞就得啦

全世界鐵路公司改名都有佢地考究嘅野
可能關高層偏好事，不過唔淨止香港，日本都老早出現咗「高輪Gateway」呢個比「屯馬線」唔合理一百倍嘅名
兼且JR東好衰唔衰搞咗投票，「高輪」係一位，但「高輪Gateway」係百幾位，樣衰到痺
不過JR東死都要叫個新站「高輪Gateway」，係無佢符喎，除咗Twitter有人改咗一張山手線圖將所有站名加長黎惡搞之後都無下文

一百個人有一百個路線命名嘅偏好
今日有人話「屯馬線」唔好，他日又有人話「港島線+南港島線」呢個組合唔好，應該改做「堅柴線+鴨脷洲線」，跟住「觀塘線」又有人話時移世易應該改叫「調黃線」，改黎改去，咪仲唔適應？
大陸啲領導怕麻煩，一早將官方路線命名定做數字，邊條線計劃先就邊條線，直情封埋你討論線名嘅空間

timewater 發表於 2019-4-29 13:58
「東西線」同「東鐵線」有交集, 有機會造成混亂

如果有混亂，倒不如通東西綫就東鐵即刻改做南北綫，咪可以即刻避免混亂
甚至可以喺東西綫通之前就將東鐵改做南北綫，俾市民習慣一陣

其實點解一定要叫乜乜綫
既然條線咁獨特,直接跟返原本叫法"東西走廊""南北走廊"咪幾好

叫馬鞍山線或叫西北線, 人地知唔知佢去到另一邊?
叫東西線, 但係, 一個外地人 係馬鞍山搭東西線, 會唔會認為佢去到港島西區? 去到大嶼山?
相反係大西北搭, 會唔會以為佢去到將軍澳同柴灣?
一係叫新界東西線
但係咁叫法, 搞到佢好似唔經九龍咁

荃灣線好, 觀塘線好, 都係由市區核心去呢兩個地方
屯馬線都係跟住咁命名, 市區核心去屯門或去馬鞍山

當然港鐵另一個選擇係, 拆返開兩個名, 紅磡到屯門叫屯門線, 紅磡到馬鞍山叫馬鞍山線, 一樣得

前面就有人用觀塘、荃灣、東涌同港島、將軍澳做例子，話佢改名冇規矩，咁我就試下分析

眾所周知地鐵一開波就得一條綫由觀塘去中環，就咁叫地鐵；後來新起去荃灣嗰條支綫，理所當然地就叫做荃灣支綫，咁原先嗰條自然就係觀塘支綫，後尾費事長氣就省略晒「支」字

港島同將軍澳綫獨立成綫，唔係支綫，結果就用服務範圍嚟改名

至於東涌綫，佢同機鐵規劃嗰陣叫做大嶼山鐵路，去東涌嘅支綫最終就叫東涌綫，機鐵就因爲身份特殊改過個名

同樣情況喺九鐵都有出現，馬鐵被視爲東鐵嘅支綫，所以成個九鐵網絡得佢用地方名做路綫名

既然而家屯馬綫唔係一條支綫，咁自然就應該用服務範圍改名，而唔係其中一邊總站，至於「東西綫」嘅問題上面都有講；叫「新界九龍綫」聽到都覺得噚，所以而家呢個名其實已經係最合適

E3Tsubasa 發表於 2019-4-28 18:06
咁睇嚟閣下嘅口味同港鐵膠層都好相似喎～
恭喜，你一定覺得宜家啲新車好啱胃口啦！

噉「東西線」英文縮寫(EWL)都有問題喎(出處)─

ew
(also eww)

EXCLAMATION
informal
Used to express disgust or distaste.

屯門本身英文縮寫都係TM，係咪以後乜都唔可以以「屯門」命名？定係索性屯門改名？
灣景街 (Wan King Street) 上埋英國報紙、做埋英國書 Rude World: 100 Rudest Place Names in the World 封面，係咪要改名？同書仲有福民路 (Fuk Man Road) 添！
不如索性以後禁用「角」(Kok)字、「福」(Fuk)字啦？