九巴再次考慮取消208

2076 發表於 2019-5-24 06:37
係有2組綠小，但係去樂富果組唔係易等+13號其實好疏車 (分分鐘同208同等班次)
廣播道出街客有2類，一係唔 ...

208 最大問題就係根本太疏，沿途多塞車黑點，放學仲要塞喇沙利道，喇沙利道班客趕時間靠佢真係死得人。
無錯，喇沙利道有獨市客，但批獨市客唔多先死，加上九巴可有可無 ETA，夾唔到班次一定行出窩打老道。

廣播道事實上絕對行出行入既人無大家講到咁少，我次次見親走左 29A 穿梭巴，都會有人係行落山。
反而死等 208 既人，直頭係索性等 208 開車先行出門口，但非繁以前人數係唔多呢？一般啦。

廣播道一帶的居民行上行落聯合道搭車跟本已習以為常，去地鐵站就 29A 或 13A，如果 208 係咁有用，就無理由大部份由廣播道落嚟浸大的班次都係一隻手數得晒的人數。仲有 208 個總站只係晌港台附近，到站就熄車，再入啲那些居民都唔會俾你晌架車度等夠鐘開車送埋你入去，係咪講到咁方便居民出入真係好懷疑。

208擺港台已經算係良好妥協，因為港台係廣播道最高的位，行去廣播道圈所有地方全部都係落山
208唔到旺角，去尖沙咀又慢，去街市的客一早搭左免費巴去樂富街市
嫌樂富街市冇野買的一定係揀九龍城街市，但係現時得13號小巴去，但係13號係無班次可言，208應該改去經九龍城試下吸客
浸大客可有有無，嫌208又貴又疏，去其他住宅區又唔方便，應該放棄
老人家客我知大部分都已經搭MTR，自從29A有$2之後，佢地更加會揀MTR
208只係得廣播道/喇沙利道<->廣華醫院/伊利莎伯醫院 係長者主要需要的路段
另外長者去飲茶的話，一係尖沙咀，一係九龍城廣場，208改經九龍城+轉特快做得番呢批客
但係其實29A/樂富免費巴士<->已經係好合理的替代，喇沙利道又有10號去廣華
掉番轉諗，其實廣播道似似地縮小版的麗港城，去港鐵站唔遠，非繁冇乜巴士客，用村巴219X形式直去尖沙咀係最適合

喇沙利道班客去邊度其實係一個重點問題，我就覺得佢地點都係去尖沙咀多過去油麻地同佐敦......同埋喇沙利道多客的地方(近中學)，佢地多數係行去搭1A而唔係行出窩打老道咁遠......既然都揀得1A，其實1A/7B都可以覆蓋番208

208 收剩一架車收 5蚊做九龍塘站算啦。

不過好似都有小巴?

其實廣播道有幾多客真係介意佢收幾錢...
賓賓星期日出中環?

kmb71k 發表於 2019-5-24 20:15
我諗城巴唔會有興趣為一個冇肉食既舊區插旗

城巴連22都敢投來做，由22再拆一條出來兜下廣播道又兜下九龍城其實有乜唔好？喇沙利道返學放學根本25M做唔晒，10、2D就算把啦，等得車黎我都由九龍城行到上牛津道。
上面有版友講得好，就係九巴無心做208所以無諗過點優化佢，一心只想佢死。
其實返學日中午時分淨係來回牛津道同九龍城都可以吸引到紅van佬開一堆紅van出來做食飯線，你就知九龍城往來喇沙利道有幾大潛力，一個細分段已經夠養條線，加埋出尖沙咀，直頭搶埋1同1A生意。唔使深入牛津道喇沙利道，落城擦邊由窩打老道走，界限街出迴旋處後就可以由馬頭圍直出尖東，回程可以太子道西右轉上返喇沙利道做埋返學客，呢D先係流水線既真諦。

2076 發表於 2019-5-25 01:55
208擺港台已經算係良好妥協，因為港台係廣播道最高的位，行去廣播道圈所有地方全部都係落山
208唔到旺角， ...

要做廣播道去九龍城不如成條7B拉上去

LF6277 發表於 2019-5-25 06:12
要做廣播道去九龍城不如成條7B拉上去

7B淨係經紅磡,做唔到

2076 發表於 2019-5-23 23:07
其實208有一個出路，不過九巴應該冇諗過
208獨市位主要係廣播道同喇沙利道，可是現時208的定線完全滿足唔到 ...

208 唔係唔吸引咁簡單
就算 29A 再加加到同 208 同價個個都只會記得 208 貴

2076 發表於 2019-5-25 01:55
208擺港台已經算係良好妥協，因為港台係廣播道最高的位，行去廣播道圈所有地方全部都係落山
208唔到旺角， ...

13唔到九龍城街市，土瓜灣街市就到。
但完全冇班次。

已經趕客趕到冇乜人會特登等，
土瓜灣去樂富都搭11K係摩士行入去