公路隧道壞巴士過客問題

⑴如果公路隧道壞巴士過客是否一定要車長留係車上等隧道公司人員或者警員到場才可過客？

唔一定要等, 有時係公路邊壞車報差館之後有排都冇差佬到
隧道入面就麻煩好多, 基本上係停左係隧道入面, 已經塞住車, 職員一定會好快到, 要等安排

⑵車長如果遇上同方向路線巴士可否直接舆後方車長進行過客？

理論上有車比個客走就
得
(3)若九巴出現壞車後車是新城巴士，對家車長可否向乘客收錢？對家車長如何紀錄過客？

對家有權要求收返車錢, 不過通常都冇收
家家有求, 停得車比你, 咪當幫行家囉
唔幫就一係直接唔停就算

⑷如果是尾班車，巴士公司如何處理過客問題？

報電台, 等廠務運架好車出黎過客

(5)若巴士在隧道管道壞車，巴士公司工程車未能立即到埸，隧道公司能否立即拖走巴士？

通常都會先拖左架壞車出隧道先

Neutroginger 發表於 2019-6-8 03:30
⑴如果公路隧道壞巴士過客是否一定要車長留係車上等隧道公司人員或者警員到場才可過客？

唔一定要等, 有時 ...

試過尾班971域多利道壞車，司傅叫停後面架73過客（我上咗但冇搭到赤柱），但剩返兩個客真係上石排灣，唯有call電台。二十年前又試過5號壞車，當時趕返學，司傅照樣過47A。

1) 隧道管制區內﹐原則上係。實際上就係在安全情況下都可以做。如在管道內﹐就真係要等管理人員前來指示。

2 & 3) 巴士公司的官方做法﹐係由車長截車﹐就可安排過車﹐包括其他合適的路線﹐乘客不用再付車費。如需要坐對家公司的車﹐就由雙方司機記錄受影響乘客數目﹐交回寫字樓處理車資對數。

4) 盡可能都係車長安排轉乘其他路線。但未能處理﹐都係要call番台安排其他車來接載受影響乘客。

5) 不論係巴士定係電單車﹐任何車在隧道管制區壞車﹐未能駛離行車道﹐管理公司都係會直接安排拖車前來﹐將車輛拖去不影響交通的位置﹐再由車主/司機自行找拖車前來支援。


註: 上文提及的隧道管制區﹐同時包括青馬管制區。

假設九巴聯營線尾車壞車， 乘客又可唔可以免費轉新巴城巴同一聯營線？

363330hx 發表於 2019-6-8 11:02
假設九巴聯營線尾車壞車， 乘客又可唔可以免費轉新巴城巴同一聯營線？

聯營線九巴過客去對家嘅時候，乘客唔需要俾錢，對家車長會記錄乘客數量，對家寫字樓會收返九巴錢
https://www.hkitalk.net/HKiTalk2/forum.php?mod=viewthread&tid=1042674&highlight=%E9%81%8E%E5%AE%A2

我反而想知廿幾三十年前
手提電話未普及的年代
尾班車壞車點算
無得call上台
搵電話亭？

siupy 發表於 2019-6-8 19:39
我反而想知廿幾三十年前
手提電話未普及的年代
尾班車壞車點算

九記舊車有無線電

今日 3 點左右見到城隧沙田入口有架 E42 疑似擺街，唔知會唔會截 A41 俾乘客免費上？

tonychow 發表於 2019-6-9 00:38
今日 3 點左右見到城隧沙田入口有架 E42 疑似擺街，唔知會唔會截 A41 俾乘客免費上？ ...

可能啦, 但係A41唔經青衣, 東涌
唔係人人都岩