建議71A巴士繞經廣福邨，20X小巴加經富亨總站

miklcct 發表於 2019-8-14 12:19
成程車快8分鐘應該點都吸引過個巴士座位掛？74X由大埔去到彩虹都係唔使20分鐘嘅事。
...

74X既絕對優勢係大埔人既認知已經係不爭事實
咁梗係有位坐好過做閘長啦

準巨你未住過大埔應該理解唔到

ate214 發表於 2019-8-14 14:35
74X既絕對優勢係大埔人既認知已經係不爭事實
咁梗係有位坐好過做閘長啦

咁樣改一改，富亨30分鐘到彩虹喎，唔通咁都唔吸引？而家邊做到？

miklcct 發表於 2019-8-14 15:31
咁樣改一改，富亨30分鐘到彩虹喎，唔通咁都唔吸引？而家邊做到？

wfc做唔做到,只要係最吸引就吸到客源嘅大部份,廣福轉74X快多10分鐘都冇乜額外吸引力,反而因為咁要企甚至上唔到就肯定搭返71B

所謂特快巴士好多時候都快唔過似乎兜路嘅鐵,只係差唔多時間+有位就更吸引

如果唔介意嘅(例如我)返工一定搭鐵,巴士如果路上有意外就死得

miklcct 發表於 2019-8-14 12:19
成程車快8分鐘應該點都吸引過個巴士座位掛？74X由大埔去到彩虹都係唔使20分鐘嘅事。
...

咁我問你喇
坐長途巴士
你鐘意坐定係企？

相信無香港人會願意企到出市區

KW2523 發表於 2019-8-14 19:42
wfc做唔做到,只要係最吸引就吸到客源嘅大部份,廣福轉74X快多10分鐘都冇乜額外吸引力,反而因為咁要企甚至上 ...

大埔嘅74X就係出名快過鐵，但係如果要先搭71B，喺大埔中心轉74X，之後兜哂成個大埔，再搭到觀塘嘅話，隨時慢過71A碌鐵。
所謂快過鐵嘅特快巴士，除咗極端情況之外，其實根本快唔過兜路嘅鐵幾多，架巴士碌多幾個站／兜多一個街口就已經同鐵無得鬥嘅啦，所以巴士要發揮優勢嘅話就只能全部做到直出。

講返返工，我以往住洪福邨返西營盤半山嘅年代係K75P/K75S然後全程保鐵，回程就落山搭970，西鐵線轉K75A。不過我保鐵嘅原因係因為咁樣碌鐵已經係最快，樓下條條線除咗K75系列係特快線之外，條條都碌成廿分鐘先上高速公路，例如960P，要50分鐘先到西隧口。

我當時返工嘅情況如下：
K75P／K75S：企閘口
西鐵線：企門口
東涌線：逼上車
港島線：坐5分鐘

另一個方法係搭960P去轉970／970X，估計情況如下：
960P：坐成50分鐘先到西隧口
970／970X：逼閘口
而呢個方法估計至少慢10分鐘（如果970可以即班上到嘅話），所以我已經無考慮過，我的確成年以來一次無喺嗰度上過一次960P。如果969B／969X肯喺石埗村加個站嘅話我即刻棄鐵保巴，因為可以俾碌鐵再快多10分鐘，俾搭960P快20分鐘。大家都知返工係分秒必爭嘅，所以有幾快就得幾快啦！至於點解我收工會搭970而返工唔搭，係因為返工嘅970要塞東邊街出口再慢慢爬上山，放工水街入西隧唔會塞，所以會快過全程碌鐵。

到後來我住旺角返西營盤半山，全程碌鐵同搭904／905再大熱天時行15分鐘上山時間相約，所以就價錢取勝，搭巴士。

到而家我住旺角返數碼港，有奧運shuttle當然搭奧運shuttle，就唔到時間我亦都絕對唔會碌970由數碼港碌返旺角，而會搭58小巴轉904，如果上到即班小巴嘅話起碼會快10分鐘。

kmb71k 發表於 2019-8-14 21:00
咁我問你喇
坐長途巴士
你鐘意坐定係企？

相同車程嘅話就當然係寧願坐好過企，但係如果企特快巴士會快咗嘅話我就唔會坐特慢線。

例子：喺廣福邨出彩虹，我係絕對唔會上74A，只會上74X，有74D嘅話就會考慮埋下班74X會唔會過到部74D。