[忽然一周年] 2018關西旅～第三章：關西北陸雜攝

第一章
第二章
第三章：關西北陸雜攝

這次旅程係飛關西，用JR關西北陸Pass搭Thunderbird往金澤，租車四日，然後搭返Thunderbird落大阪，持Pass玩兩日，現分享拍攝到的西日本鐵路片／相。

関西空港駅


首日落機就去Outlet，所以唔搭Haruka而搭関空快速。


223系関空快速




事後回想，應該將Outlet放在臨走之前，一家大細真係搭Haruka好過。不過有早知冇乞兒，我原本行程係最後一日離市觀光，所以將Outlet放第一日，但在Day 5（即第二章玩鐵道單車當日）知道颱風將至，臨時改行程，last day才變成市內shopping。但亦因為呢個風，令到尾二日去姬路城天氣超好。

最後一班Haruka在22:16由関空開出（在月台見到佢飛過），之後的関空快速超級多人，我有一段路冇得坐。尤其是當時関空大橋仍然實施限制行車，連旅行團都要搭関空快速，亦可能有很大部分本來搭巴士的改搭火車。


225系関空快速




住在天王寺的酒店，早餐位置望到天王寺駅。


買少見少的201系


天王寺站牌，右邊燈牌很有歷史感。JR阪和線前身為阪和電気鉄道，1930年已全線複線電化連接天王寺與東和歌山（現和歌山駅）。因此，天王寺駅構造特殊，阪和線軌道正線係頭端式車站，環狀線在下方穿過，兩者之間有連絡線，関空快速／紀州路快速列車由阪和線經連絡線進入環狀線，繞行一圈又去返天王寺做終點站，亦有部分列車以京橋為終點站（京橋以南有留置線，亦可通往車庫）。這些trivia對一般旅客而言無甚特別，但我就好鍾意研究發展史，因為可以解釋現有硬件來由及分析鐵路服務編排。


八點就要搭環狀線去大阪轉車


225系紀州路快速


銘牌


此福島不同彼福島


大阪駅跨線橋，大阪駅近年經過翻新，周邊商廈林立，建築非常宏偉，但一張相片難以捕捉全貌。


環狀線轉東海道本線又係歷史問題，環狀線東圈（天王寺－梅田[大阪]）在1895年已建成，屬於大阪鉄道，後經1900年與関西鉄道合併再於1907年國營化。

兩線雖然同在一站，但只有一條弱弱的「非常用」連絡線，任何列車想由大阪南面往北面，必須取道單線、有踏切及低限速的梅田貨物線，由於容量有限因此只有Haruka（遙）及Kuroshio（黑潮）特急使用，而且不能停靠大阪駅。旨在解決此問題的北梅田駅到2023年才落成，至於貫通大阪南北的なにわ筋線更要到2031年才開通。

本來我可以在天王寺搭Haruka到新大阪轉Thunderbird，但由於(i)出發前research發現Thunderbird極受歡迎，當日係星期日驚冇位坐；及(ii)本來新大阪可以跨月台轉乘，但因應大阪東線開通，新大阪駅月台安排變更而冇呢支歌仔唱，既然都係要跨線轉就不如去起始站上車。

223系對咀


08:40班次是其中一班最快的Thunderbird，只停新大阪、京都、福井三個中途站，11:14到達金沢，車程2h34m，全程267.6km，平均時速104km/h，於日本在來線當中算是極品，但在北陸新幹線延伸至敦賀後應會被斬一大截。


683系Thunderbird入站


Thunderbird影片（可能有家人聲音）
大阪至新大阪：https://youtu.be/jH1LLN5tr-k
京都至唐崎／琵琶湖：https://youtu.be/nlKuTLD-O8o
福井至金沢沿線：https://youtu.be/yryp-xkLLwo

金沢駅



富山電車



万葉線電車


遊完北陸後，見時間許可，搭早一班Thunderbird，因此在金沢駅沒有逗留太耐，鼓門都費事走出去影。



當時短時間內有兩班特急開出，左為17:48往米原的Shirasagi，右為17:54往大阪的Thunderbird，月台上人頭湧湧，尤其是Thunderbird那邊。


影唔到Thunderbird就影Shirasagi補數，反正基本上係同一款車，但車身色帶不同。我個人比較喜歡子彈頭，但論數量應該遇上凸頭的機率較高。


對面舊車


Thunderbird入線


金沢開車影片：https://youtu.be/rBubb5EvEOQ

去到大阪又再轉環狀線去天王寺，住另一間酒店。大阪市區如果想左右逢源，最好係住新大阪，但附近平價酒店供應有限，亦沒有熱鬧商業區，所以我出入都係住天王寺。



（下續）

翌日（臨走前一日）上了Harukas 360登高觀景，該大樓位於近鉄大阪阿倍野橋駅樓上，位於JR天王寺駅對面。（我去倫敦時發現呢個setting同London Bridge + The Shard很相似）


向東望，左下方為JR天王寺駅，右下方為近鉄大阪阿倍野橋駅。


近攝


離開天王寺逆時針方向行的大阪環狀線323系


近鉄南大阪線。近鉄主要網絡為標準軌，但亦因為歷史原因而擁有軌距1067mm的南大阪線。



阪和線上一列225系


一列223系經連絡線往阪和線南行


大阪環狀線寺田町駅


天王寺駅以西一段大阪環狀線


天王寺駅上蓋


大阪環狀線兩列列車


往南望，南海電鉄天下茶屋駅


往西望，遠方可見大阪港，右方鐵路為大阪環狀線，打橫天橋係阪神高速14号松原線，畫面中下方一堆低矮建築物係飛田新地，一般遊客唔好入去。


環狀線221系


特寫


新今宮駅，係大阪環狀線與南海電鉄交匯點，剛好有一列289系（683系直流專用型）Kuroshio駛過。


阪堺電軌上町線


阪和線兩列225系


落返地面，223系関空快速


搭大阪環狀線323系往大阪駅，車頭相攝於大阪駅。



前面展望



轉乘快速往神戶，雖然新快速停較少站，但遲8分鐘開係追唔到架快速。



神戶牛



JR三ノ宮駅


搭新快速往姫路，這次明顯新快速佔優了。


神戶Port Liner，1981年通車，係世上首個無人駕駛載客列車系統，現時線路可以直通神戶空港。


快速唔上


223系新快速到站


三ノ宮至明石影片：https://youtu.be/BJIwkRMZz34

明石大橋


加古川


姫路駅北口，有電梯連接天橋供乘客轉乘各線巴士。



搭中特色巴士



姫路城




回程巴士


姫路駅北口


搭新幹線返新大阪


對面線往岡山的Hikari




車來了


新幹線影片，包含高速通過、開車、到站，以及姫路駅至西明石一段：https://youtu.be/b3TK7TnsYHc

落車攝



新大阪駅內奇怪電梯


閘機


售票機


轉乘大阪地下鉄御堂筋線


御堂筋線新大阪至中津影片：https://youtu.be/Yg5SaNGQ1UU

心齋橋駅，這種設計頗為美觀，但大堂被分開，在有閘機的系統好睇唔好用。


之後再去難波，地下街內竟然有魚缸。




經過非常充實的一日之後搭御堂筋線返天王寺，這些站牌係大阪地下鉄特色。




（下續）

最後一日，由於颱風迫近，只往Aeon Mall購物。

289系



221系


於西九条轉阪神難波線



ドーム(Dome)前駅，位於大阪巨蛋旁邊，故有此名。



2009年啟用


之後返天王寺拎行李去機場，此時已開始大雨，類似香港三號風球。


221系


323系



281系Haruka






関西空港駅內模型


旅程至此到達尾聲，本次「忽然一周年」分享亦在此完結，多謝觀賞。