點解除咗973之外，其他去九龍嘅西隧線都唔過彌敦道？

而973又點解過到？

你究竟喺度講乜嘢？睇唔明喎

咁西隧線港島嗰邊
夠有民間「推測」除A線外
唔會過天后以東,但西北過海線
都有少量特班到達鰂魚涌,實際上
赤柱亦位於天后以東,並無明文規定
邊條海隧線唔准跨過邊一條界線。

kmb71k 發表於 2019-11-24 20:20
你究竟喺度講乜嘢？睇唔明喎

除973外，所有於九龍設總站的西隧巴士線，路線均不途經彌敦道以東路段

757 發表於 2019-11-24 20:54
除973外，所有於九龍設總站的西隧巴士線，路線均不途經彌敦道以東路段

904,905途經嘅西洋菜南街咪彌敦道以東

HT408 發表於 2019-11-24 21:22
904,905途經嘅西洋菜南街咪彌敦道以東

。。那便西洋菜南街以東

其實你認為尖沙咀過海搭港鐵快定巴士快呢？

望望以前條100定100D就已經明晒啦！

kitarolo 發表於 2019-11-24 20:38
咁西隧線港島嗰邊
夠有民間「推測」除A線外
唔會過天后以東,但西北過海線

純推測 :

你講西隧 A線 在香港可以向東行超過天后﹐我覺得只係因為順路﹐A線的獨特服務地區及開線時的交通網絡情況。

順路﹐唔係指港島區的道路﹐而係由機場一條路去到西隧。
而機場又係全港不同區域都有一定的需求﹐強行要港島區的A線行紅隧及東隧﹐達唔到最佳效果。

行紅磡﹐塞車。
行東隧﹐兜大運﹐同埋定線上難以 '一線走天涯'﹐唔能夠成條電車路都有服務。
*雖則現時都2條線﹐不過只係做分流。


973 話佢距越彌敦道的東邊﹐只是西邊未有合適位置做總站 (eg. 尖沙咀碼頭)。
尖東總站都唔算特別東﹐同上面2條90X路線相同﹐只是道路上/總站上的安排。

973 強行要在彌敦道以西設站總站﹐而總站又要在油尖區域﹐又唔可以過彌敦道﹐好難有足夠的客源。

我就唔認同這3條路線﹐係同唔可以過彌敦道這個規定有關係。




至於其他路線﹐西隧線唔過天后。
我相信只係睇路線的設計定位﹐主要的服務地區而定。
行西隧﹐同時要服務港島西區+東區﹐路線會太長﹐機場A線都因此拆成2條線。
行西隧但只服務東區﹐就要好似A12中途飛走西區+中區﹐這就可能唔係太夠客﹐暫時未有公司願意開這一類路線。
*註 : 唔包括現有/舊有路線做延長。


以地理而言﹐九龍彌敦道以東的新發展區唔多﹐就算有都係紅隧東隧之間﹐有新線都行東隧 (城巴 608)。
睇怕﹐九龍彌敦道以東再有新需求﹐要行西隧過海去港島東區﹐需求+實用性好低﹐應該都唔會出現這一類路線。

qunow 發表於 2019-11-24 23:16
。。那便西洋菜南街以東

同樣道理，去九龍嘅大老山路線全部都唔途經窩打老道、公主道以西路段；東隧亦有相同情況 (618等特別情況唔計)。
講到尾，根本就係地理問題。巴士唔會無端端有較短路程路線唔使用，反而去行一條較長路線。

973初期擺尖東康宏廣場, 經麼地里一段麼地道, 在酒店門外經過易於讓旅客知悉, 而家擺尖東麼地道總站, 方便酒店客集中在總站等車.

973做旅客生意, 尖東多外地人入住的星級酒店, 唔過彌敦道即係等同放棄.

其實唔止彌敦道(西洋菜南街)以東沒有西隧線, 長沙灣道以東本來都有計劃開辦西隧線, 分別係901又一村-西區, 以及912蘇屋-東區, 但最終都沒有成事.

而緊貼長沙灣道就有904(905P) 905 917, 917主要服務大道東 中區-旺角 深水埗, 行走西隧反而變得迂迴, 904(905P) 905就因以西區-旺角 深水埗為服務對象, 行走西隧過海可謂理所當然.

至於914, 開辦之初跟970一樣途經彌敦道, 及後旺角西道路完善, 914九龍客源便以渡船角 旺角西 大角咀為主, 行走西隧就可以一次過做到往返上環-銅鑼灣的服務.

分析後, 我會認為不應著眼於「唔過彌敦道」, 更要明白各條路線的服務對象為何, 以及各區地理和通勤習慣如何使巴士路線運作達至更佳效果.