為乜觀塘呢排三點幾四點就咁塞車

根本成個香港就唔應該有咁多人
港共仲話香港塞得落1000萬人,到時行路快過搭車

Ricky403 發表於 2019-12-6 14:40
九巴ETA喺呢啲線唔識update，夠鐘就打「尾班車已經開出」，點等
有心做嘅，觀碼1845拉一架車去做234D接咗 ...

觀塘塞車，碼頭自己啲線都未顧得掂啦，仲拉車
都未計話識唔識揸

234D都仲有遲佢半個鐘開既234C守尾(但會ignore了九龍灣商貿區及青龍頭)   有時好好笑 正常車流我趕唔到轉258P 反而大家都塞 就會趕到架258P  一落雨 觀塘道等車仲恐怖 車在你面前走都冇野可以講 條隊真係排得好樣衰。。。。

EX-TL 發表於 2019-12-5 16:47
「咁塞車」即係有幾塞? 平時非繁(朝10-12, 午2-5)商貿區上落貨導致塞車都幾常見, 但唔會喺食飯時間發生, 亦 ...

閒日下午兩三點坐80出觀塘, 喺定富街就開始塞, 望唔到因咩事塞, 但就知唔對路, 因為拉晒手掣, 最後司機提早開門比你喺296A個位落。

果陣喺牛頭角站路口見到606 & 619排隊轉出來, 到我行到去606站頭, 仲要企15-20分鐘架車先埋站

而619仲慘, 條龍本身有8個, 但喺呢10分鐘入面全數走晒, 但其實架車已經喺車龍入面。

去到油站, 發現可能係左轉康寧道有倒灌引起連鎖反應, 因為觀市只係排隊埋站 & 塞燈, 而迴旋處亦尚算正常。

到我架606去到太古城果陣, 終於忍唔住要去廁所, 一出番來已經有第2架606, 過多一分鐘就第3架606。我上左第3架, 最後居然喺大澤道路口爬埋第一架.....

tkf_2005 發表於 2019-12-6 06:57
最慘條承啟道分流唔到太子道東/機隧 來往 土瓜灣-九龍灣觀塘 車流

如果有多條臨時路由宋皇台道承啟道交界 ...

機隧西行可以落到土瓜灣，可惜東行無入口。
如果啟承道可以分流得到就最好，或者6幹都可以睇吓幫唔幫到手ge

ViviTse 發表於 2019-12-7 00:05
機隧西行可以落到土瓜灣，可惜東行無入口。
如果啟承道可以分流得到就最好，或者6幹都可以睇吓幫唔幫到手 ...

東行九龍城道有入口,不過緊急車輛先用得

barking 發表於 2019-12-6 01:53
反方向，將軍澳上隧道，至中午11點仍塞。
自從康城、俊瑩等大型豪宅入伙，觀塘塞車問題加劇。
...

其實將軍澳上隧道「塞至中午11點」分分鐘已經係近依1、2年前ge事啦，依家係直頭連平日晏晝、甚至黃昏條將隧往觀塘方向都可以「無事塞一餐」


所以我覺得康城、甚至環保大道ge各幢樓，周邊個交通規劃真係做得好差。
無論係陸路交通、定係鐵路系統，自入伙之後漸見不勝負荷，
陸路交通可見倒塞入觀塘、鐵路系統可見將軍澳/坑口站上繁留後、北角站月台往寶林下繁迫爆、甚至未來可能觀塘綫更難過海等。

chamberlain 發表於 2019-12-6 17:34
根本成個香港就唔應該有咁多人
港共仲話香港塞得落1000萬人,到時行路快過搭車 ...

奴才點會用腦ga，以為掘個窿起到公屋塞到人入去就解決問題﹔佢當市民係貨物?塞落個倉之後唔會郁ga?
市民一定外出，移動去唔同地區，但班奴才從來唔會顧及新社區對現有社區嘅生活影響

你睇下觀塘重建，交通網路有變咩?成個觀塘人車多n倍，交通負荷又多n倍
安達臣道一帶入伙，人車變多但落山途徑有多過咩?

tkf_2005 發表於 2019-12-6 06:57
最慘條承啟道分流唔到太子道東/機隧 來往 土瓜灣-九龍灣觀塘 車流

如果有多條臨時路由宋皇台道承啟道交界 ...

不過承啟道的確係九新城唔多想用，
例如早前冇左紅隧既日子有堆過海線都係傾向調頭去堆太子道東上觀繞多於順勢行承啟道：https://www.youtube.com/watch?v=AuvcoPv9FO8
https://www.youtube.com/watch?v=FIT_xuatks8
https://www.youtube.com/watch?v=0X_kzEtf1jw

ViviTse 發表於 2019-12-7 01:03
其實將軍澳上隧道「塞至中午11點」分分鐘已經係近依1、2年前ge事啦，依家係直頭連平日晏晝、甚至黃昏條將 ...

根本康城丶環保大道堆樓一開始就要用珀麗灣模式, 只准公共交通工具進入, 環保大道只留比搵食車用, 確保行車暢順&安全。

什至其實將軍澳工業區都唔應該有民用私家車存在, 要出入就坐進一步加密的公共交通 & 放寬廠巴申請條件。

但可惜hk係自由市場, 唔可以管得太犀利, 呢個係意識形態問題, 唔係政府決策層面可以解決到。

長遠來講, 將軍澳線有無可能延伸到將軍澳工業區, 吸晒大部分番工客, 都可以研究下