計巴士成本/收入，應該用時間計定行車里數計好？

HV7025 發表於 2019-12-15 16:47
呢層當然明白，但現時香港市區路線情況都相當唔健康
九龍區大量路線連最密12分鐘一班都保唔到，非繁20分鐘 ...

市區路線重疊嚴重，好多時都可以叫幾飛，能夠容許部份路線疏到25-30
有幾多情況真係要等足25-30？

tunghang 發表於 2019-12-15 17:23
市區路線重疊嚴重，好多時都可以叫幾飛，能夠容許部份路線疏到25-30
有幾多情況真係要等足25-30？ ...

落到大路就係叫幾飛，但而家各市區線基本盤弱，叫幾飛都周不時超過十分鐘無車，吸引力早已大降
最慘係由路線各自嘅總站屋村出發，大部份都係獨市，一係硬食疏落班次，一係轉搭鐵
而呢啲村客轉搭地鐵，大部分要轉車，時間金錢所費不少，係當今環境受害比較大嘅一群

又有人話用巴士折舊計出嚟
4112架巴士，每架車每年折舊12萬3 G$ {7 W  W( ^% F' w
即係一條路線有幾多掛牌，就知每年營運成本幾多
例如全港最多掛牌嘅74X (44架)
一年就燒咗九巴528萬
(當然亦同時幫九仔賺/掠咗好多錢)

折舊係會計制度﹐目的係將有使用年期的資產分散於多年撇賬﹐避免去到某一年有資產達到使用年期後賣出/廢棄時﹐令到相關的一年做成大額支出﹐直接影響盈利。

原理係每一年﹐將資產面值逐年下調﹐令到這件物件越來越不值錢。
而這個差額就視為公司每一年的支出一部份。


根據九巴年報﹐不是每一部巴士每一年都要計算折舊支出的。
巴士係會以14年作為使用年期﹐直線法撇銷其成本。
這一樣係同巴士可使用年期(18年)/實際使用年期係無關係的﹐純粹係會計賬目問題。

換句話說一部巴士14年後﹐其資產價值係$0(或某一指定金額*)。
第14年之後﹐就唔需要為這一部車再做折舊計算。
*註:印象中﹐14年後一部巴士係值$5000

用這一個方法﹐原則上每一批巴士的折舊金額係唔同的﹐因為購入價係有些少不同。
但計算的方程式係相同的﹐就係 (車價 - 預期金額 *如適用) 除以 14﹐得出來的數字就係這一部車首14年﹐每一年的折舊金額。



如果你真係認真計算成本﹐要將拆舊計算入內﹐睇怕你都無辦法準確計到一部車運作的成本。
又或者要計算一條路線的運作成本﹐派車齡0-14年的巴士 及 14年以上的巴士﹐前者要加入拆舊成本﹐後者唔需要﹐得出來的成本已經唔同晒。


而會計制度上﹐仲有一樣複雜野﹐就係部車最終會賣出。
假設14年後部車會計上係值$5000﹐巴士退役後當爛鐵賣出﹐每部賣到$6000。
這一年﹐就需要將盈利增加$1000﹐作為資產升值﹐對沖番賣出的資產價值。
同樣地﹐低於$5000賣出﹐亦要在同年的盈利扣減差距。


你真係要將折舊準確地計入每部車的營運成本﹐真係一日部車未賣出﹐一日都唔可能計算到。



認真去講﹐當車隊數目這麼大的時間﹐根本唔可能逐部車去睇﹐逐條路線去睇﹐只能夠睇大數去取平均。
上面有人講 "人工" ﹐唔知大家會唔會計埋維修團隊的人工﹐寫字樓的團隊(eg. 派更/會計/保險.....)的人工?
沒有這一班人﹐巴士都唔可以出街做生意﹐真係認真計﹐都係一部巴士的運作成本。

你問我點去計出一個平衡成本﹐就係將全公司的所有開支(與巴士業務有關)﹐除番巴士總數﹐就係每一部車的運作成本。


至於你的標題﹐問埋收入。
結論就係全公司所有的收入(與巴士業務有關)﹐除番巴士總數﹐就係每一部車的平均收入。
收入﹐包埋車身各式各樣的廣告。

用時間計好D 加埋每小時用油量去睇
450L油跑到600km去計

一缸油
450×14.5=$6525
$6525/600km=$10.875/km

用某7公里既線計
1.5轉用3小時跑21km
油錢每小時就$229/3=$76.125

人工大約$80/hrs

每小時成本大約$156

該綫收5蚊

其實每小時有30-35個客就已經大致維到皮

HV7025 發表於 2019-12-15 17:41
落到大路就係叫幾飛，但而家各市區線基本盤弱，叫幾飛都周不時超過十分鐘無車，吸引力早已大降
最慘係由 ...

新區線下下20-30分班起跳，仲要班班頂閘走
拉高左客量標準，舊區流水相比之下直頭開密左
舊區基本盤低，其實又係乘客本身問題，繁時唔難見唔少舊區流水大把位剩
當舊線班次已經開得比實際需求多，但客量依然唔理想，無得要求巴士公司繼續供過於求
路線成功與否都係睇客量，而新線條條20-30分一班都可以班班爆，舊線要幾密先追到？

GA6072 發表於 2019-12-15 17:46
用時間計好D 加埋每小時用油量去睇
450L油跑到600km去計

#25已提後勤人員
也是要計入工資成本

另外,雖然有啲線票價唔低
仲有一個問題係單向多客…
例如 307 673 978 之類,早上
頭班車入新界都比較晏,個別班次
真係30人都未必有,私牌都係成本。

kitarolo 發表於 2019-12-15 19:36
#25已提後勤人員
也是要計入工資成本

仲有一些無形支出，例如無備車/支援的工程車。

機器唔會任何時候都無故障，亦唔可能完全唔發生意外。

所以，就要用類似保險的concept，每部車加入一些成本，夾夾埋埋去換取工程車及後備車的支援。

所以，無法精準得出每一部車的運作成本，只能用平均成本。

tunghang 發表於 2019-12-15 19:07
新區線下下20-30分班起跳，仲要班班頂閘走
拉高左客量標準，舊區流水相比之下直頭開密左
舊區基本盤低， ...

舊區線好多本來都唔係咁少人搭，係多次減班下，惡性循環趕客，疏到我作為巴士迷都無胃口唔想等

我一開始已經講，全商業主導下，巴士公司鍾意做長途路線，放棄市區線，生意角度係有佢道理，只係結果對市區公共交通影響好壞啫

當新加坡改善巴士服務到絕大部分市區線唔超過15分一班，香港堆市區線就仲有15分鐘班已經皇恩浩蕩，唔爆到豬籠車咁都嫌唔夠客
去其他地方大城市市區等巴士，即使當地有地鐵，巴士需求不大，但人哋都以方便市民為主導，唔多例子係要好似香港等咁耐
係日本做到市區大部分地方有鐵到先係例外，但去到鐵路唔強大嘅市區，例如京都、福岡，市區巴士都變得密車得多
當然背後牽涉唔少政府補貼，但至少呢方面我唔覺得香港全商業主導有乜咁好
香港巴士好嘅係郊區線疏極都有60分一班，第二度郊區好多都係一日得幾班，就真係需求主導