九巴的資訊科技發展實在太差劣了

自從批出新專營權以來，九巴開展多項資訊科技項目，歷來真是差強人意。
ETA: 不需要問準確率，絕對比新巴城巴低。就算歷來提供的資訊不斷改善，但準確度其實我覺得不能接受。
如過去預定班次失班，居然仍然在中途站當班次有開處理；塞車班次大亂雖然並不出奇，但ETA根本不能知道該巴士究竟在甚麼位置。因為它是用稀疏的藍芽定位，而非用GPS。還有很多問題，相信將來就算增加藍芽定位點，也無法解決當前問題。
上層乘客及全車乘客顯示：很明顯，重新招標，係絕對失敗之作，APPS無論甚麼情況也出低客量，點知一部頂閘又一部。新加坡做上層餘下空位那麼多年，用紅外線掃腳方式多年也相當準確。現時這個系統簡直浪費資源，而且根本很多人也不知上層空間顯示器是甚麼。
報站系統：死都不肯用GPS，到今天仍要車長人手兼顧，壓力不少。後來有些車自動化報站，不知是否又失敗收場，今天也是用人手。進化了大屏幕流動系統，成日Hang機，錯資料，不懂跳轉等。

在採購及招標時，以價廉作標準確時無可厚非，但同樣，當買了這個服務時，公司產品的評價，Vendor支援性如何，九巴的IT質素等，其實也是相當重要。現時對資訊科技日益倚賴，若九巴仍然無法改善這些服務，我覺得根本連專營權條款也不合格，不應延續。

九巴仲有咩車用緊人手報站 ...？

自動報站係好


但佢一到總站又唔會播 咁其實係咪報中途站就可以?

上層乘客城新做得好過厹 點解厹就唔可以參考?

HN745 發表於 2020-1-4 16:20
自動報站係好

城巴上層座位顯示仲有好多車裝好但未能正常運作

HN745 發表於 2020-1-4 16:20
自動報站係好

唔見得新城果套嘢係好，新果批歐六 MMC 搭嘅次數有限唔講
22 果六部長期樓上仲有人都已經出 59，有個別車輛直頭長期壞機

唯一可以講嘅咪個 UX, 左上個圈圈睇到上層大概狀況係幾實用，不過新車已經轉咗用返傳統式數字mon

--
關於 ETA 果度，想問係邊度指套嘢係單靠藍牙咁白痴？
舊年年頭有媒體訪問過九巴當時 show 出黎電子黑盒係睇到部車係唔同位置嘅車速，冇理由會單靠藍牙做到
不過套嘢唔準就真，最黑人憎係完全冇距離資料，變相冇得估計部車實際位置從而評估塞車嘅影響同埋開咗車 trace 唔到部車唔會似新城咁標明

做左同做得好似乎兩回事

不過有D野九巴做得唔好

好似樓上座位數

有D KMB可以好準
有D KMB上層有人座可以寫59

報站/ETA問題係唔可以單用GPS去搵部車位置

凱倫報站係一個伏

Excuse me?
藍芽定位？乜政府有俾佢喺條公路度裝 iBaecon 咩？
關於 ETA 同報站嘅部份錯得好離譜，請重作，謝謝。

kay 發表於 2020-1-4 17:47
做左同做得好似乎兩回事

不過有D野九巴做得唔好

有部分車個紅外線其實係準，主要係因為小朋友上落同埋兩個人距離太近先detect錯，其實依家個個sensor放低啲就解決到個問題。

至於報站同依家加裝緊嘅顯示屏，成日都會見到個報站卡死左，原因係報站機淨係識得過左check point先報下個站。一旦detect唔到個check point，佢就唔會報下一個站，更加唔洗講識得追站。如果報站肯加埋里程去計，個準繩度可以高好多。仲有個動態顯示屏，個idea係好，但係個layout真系攪到不知所謂，其實跟翻新城個個format已經好好。

而ETA個度，根本佢同報站係分開運作，成日架車未出總站都當開左，有冇計里程就唔知，但唯一可以肯定就係個refresh rate 太低，有時部車到左站eta仲話差2分鐘。如果佢可以10秒refresh一次會好好多，最好就show埋個距離同埋係唔係特別班次。

仲有, 而家九巴車廂mon顯示唔同資料, 例如下層輪拱, 下層左/右邊旁板同埋上層樓梯位呢三隻mon, 資料唔係同步.

有時有啲好搞笑嘅資訊, 例如無啦啦喺A線全線站名之後出現B線某些站名, 令A線資料的總站變成B線的總站.

上月某日仲離譜, 搭緊606過九龍, mon顯示此路線是2B往耀華樓, 九巴2B延長左去耀東邨咩? 但mon入面又繼續報得啱啲站, 呢套系統黐錯咗邊條線?

今日上晝新鮮滾熱辣, 藍田站落客站見到部已熄燈嘅258D掛牌, 車內只得上層樓梯位mon著左, 但顯示出下一站係「兆里苑」, 我搭緊架車停正佢隔離(前面有車落客), 望到佢英文地方名係Siu Pong Court.

早兩個月搭259D入屯門, 架車過左屯門市中心, 橙色字嘅報站機一直冇報錯站, 但係個mon喺去到安定邨仍然show屯門市中心, 有個客覺得唔對路, 一問先知已經過左站, 畀mon所累.

我最唔明係幾隻mon show嘅資料點解唔係同步, 另點解有時搭同一路線見到全線資料正確無誤, 有時又會錯到離晒罩?