起碼唔好攪到好似地鐵路線圖咁，有時啲站名好長就飛曬上去
|
|
|
|
|
|
|
|
|
ETA Refresh rate 喺公路低反而問題不大，
反正巴士幾乎均速行駛，
但市區或者話係停站段問題好大，兩枝順燈同兩枝唔順燈，車程已經可以係 20 秒同 3 分鐘分別 ，所以點解俾人媽叉到癲。
不過唔好依家先話新城準，
之前呢個板啲人都好神化老九套 ETA 架，早出就是贏嘛，
點知套嘢出咗咁多年都仲係神神化化。
|
|
|
如要討論，請先自貼差餉單一次
|
|
|
|
|
|
E21A 發表於 2020-1-4 22:52
唔明點解嶼巴做上層剩餘座位顯示做到近乎滿分既時候，九巴可以搞左成年都搞唔掂 ...
係九巴主動放棄一個成本高效果好嘅方案姐，用嚟做完公關show就換套平嘢落去就得，一般乘客邊會知架 |
|
|
|
|
|
|
|
|
市區內兩分鐘根本不能接受，但係有冇需要做到 10 秒咁精準我有保留
最理想其實係有系統咁計算更新頻率，例如每 200 米更新一次再加每分鐘強制更新一次，又或者按車輛時速作出調整都可以
|
|
|
|
|
|
|
|
|
九巴好多乘客資訊一開始都冇長遠考慮個系統要做成點, 同埋成日求其做, 往往淪為笑柄. 以下分別就幾樣嘢評論一下.
1. 報站準確度
如你所講, 凱倫報站比起2012年開始試用嗰陣, 依家已經算大致正常, 只係間中detect唔到站位搞到停留咗喺某個站度唔識報.
不過根本問題都係純GPS, 搞到要喺迴旋處兜一個圈先埋站ge情況會出事, 例如108往寶馬山方向, 經過銅鑼灣摩頓台總站後上大坑道天橋會停豪園站同光明臺站, 但係上緊大坑道天橋到達豪園站之前就會報下一站光明臺. 可以參考以下youtube片段:
https://www.youtube.com/watch?v=FIT_xuatks8#t=56m00s
類似情況亦出現喺A33往屯門方向, 臨到達屯門公路轉車站之前, 會經過一個迴旋處, 明明未到達屯門公路轉車站已經報下一站大欖涌.
2.
LCD報站及LCD報站顯示ETA問題
版面設計同字型已經有版友提及, 唔再重覆.
其實套LCD報站重有其他問題:
-九巴應該諗過喺LCD報站出ETA, 不過整極都整唔到, 有個別車輛出過ETA, 不過錯到離譜.
似乎問題在於凱倫報站同ETA系統唔屬於同一系統, 要將兩樣嘢結合埋一齊始終都有難度 (聽聞新城有個別車輛八達通同報站系統未能成功連接).
如果負責ETA ge黑盒 (即係Openmatics) 加埋報站功能, 類似新城LECIP個設計, 由同一個系統兼顧ETA同報站, 應該會容易啲解決報站LCD顯示唔到ETA個問題.
不過咁要重新設計個系統, 根據上年專營巴士聽證會, 九巴Openmatics車載主機唔會記錄架巴士行邊條巴士線, 變相冇儲存巴士站資料, 做唔到報站功能. (記錄巴士行邊條線係由另一個系統負責)
-另一個問題:
只要巴士落車門一開, LCD報站就會顯示 "本站: XXX", 就算架巴士其實係停咗喺YYY站.
佢唔係根據巴士個實際位置去顯示 "本站: XXX", 如果架巴士未離站就報下一站, 乘客就會中招.
3.
手機app
唔只係IT能力問題, 九巴app設計上亦反映九巴冇深思熟慮.
好似行車受阻提示咁, 原意係好, 但係表達方式就唔夠清晰, "行車受阻@A站", 俾人個感覺係架巴士停咗喺A站, 但架巴士其實已經駛離A站.
短站距都還可以, 長站距就大問題, 例如960往港島方向, 如果見到 "行車受阻@屯門公路轉車站", 俾人以為架巴士重喺屯門, 但其實架巴士個位置可能係好接近西隧收費廣場.
重有一出 "行車受阻" 提示就遮住ETA都唔係太好, 雖然塞車個ETA會不斷延後, 但係出ETA起碼可以俾人估計部車大約位置, 當然出埋剩餘距離更加好.
ETA唔標示個班次係唔係實時更新已經講咗好多年, 到依家2020年仍然唔解決呢個問題.
4.
上層剩餘座位同巴士客量計
唔知依家套系統係唔係由Openmatics供應呢?
喺Openmatics官方網頁見到啲配件, 又同九巴裝喺巴士上嗰啲都幾似:
https://aftermarket.zf.com/go/en/openmatics/asset-tracking/passenger-counting/
|
|
|
|
|
|
|
|
|
|
自從上次理大圍城，新城app有心到出埋東隧版路線東隧版ETA，九巴就尖東停少個站都唔出ETA。真係日日都想問候下九巴 |
|
|
|
|
|
|
|
|
喺2016年嗰陣, 即係新城啱啱開始試用LECIP嗰陣, 其實已經見到LECIP/Telargo同九巴套Openmatics表現差一截.
講緊係2016年2017年嗰陣, 城記A線仍然用緊Telargo出ETA, 城記A11往北角, 途經中環灣仔銅鑼灣, 晚繁6點幾有時會好塞車, 但係A11沿途站ETA都constantly每30秒更新一次.
比較返行相同路段ge九巴路線/班次例如680X, 架巴士明明塞住咗, app照倒數 (5分鐘 -> 4分鐘 -> ... -> 快將到達, 冇車出現), 如果ETA換返到站時分 (例如18:10), 就會發覺個ETA根本冇更新過.
話時話, 以前城巴A線ETA獨立查詢網頁會顯示埋預計幾多秒到站, 例如18:25:30, 所以就算ETA延後咗幾多秒都見到, 同埋剩餘距離以米為單位, 架巴士行咗10米都見到.
就算係2016年至2017年LECIP測試期間, 都明顯比九巴套Openmatics準確.
例如城記11線同12A線, 同埋九巴681停靠中環畢打街站, 如果皇后大道中匯豐銀行對出好塞車, 就會阻住巴士轉入畢打街, 從而影響畢打街到站時間.
比較城記11/12A畢打街站ETA同九記681畢打街站ETA已經見到個分別, 有時九巴個ETA顯示 "快將到達" 兩三分鐘, 架巴士先出現.
純GPS始終喺香港地唔太可靠.
不過Openmatics官方網話就算俾隧道臨時阻擋GPS訊號都可以追蹤到架巴士.
但實際運作中又唔係好覺得追蹤到, 香隧一塞車, 107/107P/171北行堅拿道西站個ETA就一定出事.
有樣要讚九巴, 2018年底終於解決 "安排中" 呢個問題.
不過有樣嘢想問, 九巴車長到咗港島站頭, 如果要改開車時間或者踢中途載, 要點樣做? 打返俾九巴站長? 定還是港島總站有電腦俾車長入資料? 但係我見堅尼地城總站同蒲飛路總站都冇九巴站亭.
同埋, 一般嚟講, 九巴車長返到總站拍卡, app就會刪去 "預定班次". 而101, 103, 104呢三條線港島總站好似都冇拍卡機, 但未開出班次有時都冇 "預定班次" 字眼, 究竟個運作其實係點?
|
|
|
|
|
|
|
|
|
RE: 九巴的資訊科技發展實在太差劣了
套o野（唔係講緊紅巴 2.0 o個 4 部）係老朋友凱倫搞o架嘛，用國標字好正常，完全唔出奇
如果負責ETA ge黑盒 (即係Openmatics) 加埋報站功能, 類似新城LECIP個設計, 由同一個系統兼顧ETA同報站, 應該會容易啲解決報站LCD顯示唔到ETA個問題
幾乎唔可能，因為宜家套系統計 ETA 唔係由 ZF Openmatics 計，而係由雲端 Server (當年講過係拍 Microsoft Azure) 收集 Openmatics 報上去o既資料再計
兩套o野除o左 location reporting 之外幾乎冇o野係相連，除非佢又用 4G Network 上返雲端 Server 拎 ETA 啦
|
評分
-
查看全部評分
|
|
公器公用 香港早要有品
|
|
|
|
|
|
不過有樣嘢想問, 九巴車長到咗港島站頭, 如果要改開車時間或者踢中途載, 要點樣做? 打返俾九巴站長? 定還是港島總站有電腦俾車長入資料? 但係我見堅尼地城總站同蒲飛路總站都冇九巴站亭.
同埋, 一般嚟講, 九巴車長返到總站拍卡, app就會刪去 "預定班次". 而101, 103, 104呢三條線港島總站好似都冇拍卡機, 但未開出班次有時都冇 "預定班次" 字眼, 究竟個運作其實係點?
上年完成 ETA 互通後，宜家應該係直接透過兩間公司 Server 交換資料處理
|
|
|
公器公用 香港早要有品
|
|
|
|
|
|
|
Advertisement
Advertisement
Advertisement
Advertisement
Advertisement
|
