鑽石山站轉線站開齋，80系等相關巴士線客量有否明顯下跌

今晚試咗屯馬線，鑽石山轉車雖然唔係同月台轉，但好快就轉到，加上晚上都係四五分鐘一班，點都快過巴士，而且啟德唔多人上車，有位坐，睇嚟唔似其他人講到咁差囉。

kei_hk 發表於 2020-2-17 22:34
由觀塘法院去到鑽石山站﹐都唔知有幾多個塞車高危位﹐部份更加屬於例牌位。

唔好過我保鐵﹐根本就係太 ...

唔好忘記仲有條新清/牛池灣街市都係例牌原因之一，觀塘道/老龍冇炒但嗰邊車多，淨係塞入丹鳳樓紅萼樓嘅時間都足夠搭鐵來回新東鑽石山一轉。

RyanPun 發表於 2020-2-18 22:49
唔好忘記仲有條新清/牛池灣街市都係例牌原因之一，觀塘道/老龍冇炒但嗰邊車多，淨係塞入丹鳳樓紅萼樓嘅時 ...

其實問題係丹鳳樓個停車灣唔夠闊，會頂住行慢線去前面停紅萼樓堆巴士，下繁西行又關牛池灣街市咩事

cky 發表於 2020-2-18 22:43
今晚試咗屯馬線，鑽石山轉車雖然唔係同月台轉，但好快就轉到，加上晚上都係四五分鐘一班，點都快過巴士，而 ...

對啊，呢幾日都有 keep 住搭屯馬綫一期，可能因為記熟咗邊卡邊對門出最快，今日計時，由觀塘綫停車開門，到屯馬綫月台只需一分三十秒，絕對唔算太麻煩。而屯馬綫一期月台深嘅程度其實同東涌站相若，一早已經習慣咗！
今日從油塘搭去第一城站，只用咗 27 分鐘，咁嘅速度，以後仲駛鬼等小氣嘅狗巴嚟咩……

keilingha 發表於 2020-2-18 23:29
對啊，呢幾日都有 keep 住搭屯馬綫一期，可能因為記熟咗邊卡邊對門出最快，今日計時，由觀塘綫停車開門， ...

所以屯馬綫一期通車對巴士威力邊會細吖，南港島綫通車對鴨島香隧線殺傷力咁大嘅其中一個主因係香隧塞車
592走客相對冇咁傷，係因為香隧出口去銅鑼灣直接，但下游東九線同屯馬綫一期轉觀塘綫係平行咁款，就算上游嗰堆都可能塞完觀塘道後塞埋大老山，唔走客就奇啦
鑽石山轉車方便，所以屯馬綫二期通車後，除咗九龍城堆線大整頓外，等睇連268C都會走客

kei_hk 發表於 2020-2-17 22:34
由觀塘法院去到鑽石山站﹐都唔知有幾多個塞車高危位﹐部份更加屬於例牌位。

唔好過我保鐵﹐根本就係太 ...

大西北嗰堆線，可以塞完觀塘道，跟著塞龍翔道，之後塞埋汀九橋
九巴仲要收車搞到龍翔道班客留後，等睇屯馬綫二期通車之後走多班客，佢仲會點玩

bestwishes706 發表於 2020-2-19 00:24
所以屯馬綫一期通車對巴士威力邊會細吖，南港島綫通車對鴨島香隧線殺傷力咁大嘅其中一個主因係香隧塞車
5 ...

呢個又係幾諷刺。其實現時認真與港鐵鬥快時間上都係相若：

https://www.youtube.com/watch?v=5BCra__1th8

keilingha 發表於 2020-2-18 23:29
對啊，呢幾日都有 keep 住搭屯馬綫一期，可能因為記熟咗邊卡邊對門出最快，今日計時，由觀塘綫停車開門， ...

油塘係死症。
近油麗邨既請來往東隧口搭東隧線。

paul2357paul 發表於 2020-2-19 00:52
呢個又係幾諷刺。其實現時認真與港鐵鬥快時間上都係相若：

https://www.youtube.com/watch?v=5BCra__1 ...

宜家搭鐵返大西北係唔吸引，因為美孚轉要行又冇位坐，九龍塘轉又慢
第日屯馬綫二期通車後，喺鑽石山轉綫就一次過解決哂兩個問題

bestwishes706 發表於 2020-2-19 00:32
大西北嗰堆線，可以塞完觀塘道，跟著塞龍翔道，之後塞埋汀九橋
九巴仲要收車搞到龍翔道班客留後，等睇屯馬 ...

我反而有興趣想知﹐當屯馬線全面通車﹐由青衣去鑽石山(或更東的地區)。

究竟係
新方法A: 南昌轉車直去鑽石山快
新方法B : 荔景﹐旺角﹐何文田>鑽石山
定係現時 荔景+太子會快一些?

如果新方法快﹐青衣山下人分分鐘坐鐵會快過坐42C
註 : 長安巴士站做起點計算﹐去鑽石山(彩虹道四美街巴士站)。
平日返工時間﹐你坐巴士 及 步行去坐MTR﹐2者時間係相約的﹐2者沒有明顯車程優勢。
只要巴士有少少慢車﹐MTR係可以快過巴士的。