為何馬鐵延長只揀鑽石山站為轉乘站但黃大仙一帶卻忽略？

ryandroid 發表於 2020-2-19 16:58
其實馬鐵點改駁去鑽石山同東鐵
都快唔過大老山隧道巴士
呢個係非戰之罪

黎緊觀塘山下變哂凱匯幾期之後來往觀塘通勤既客流反而大跌?唔會掛?CBD2只係發夢?十幾二十年後觀塘山下只係變左豪宅區為主?

否則近代改plan沙田區來往觀塘區直達鐵路線有乜大問題?
至於車廠問題，例如在鑽石山/啟德/油塘之類攝位起車廠真係完全做唔到?

mckhgc 發表於 2020-2-18 12:21
其實馬鐵延長，順路應該做青沙鐵路版：顯徑後繼續向西南，以長沙灣或/及南昌為轉乘站。長遠可考慮再轉向西 ...

關於青沙鐵路版：1993年《鐵路發展研究》入面係有咁樣建議

《鐵路發展策略2000》之檢討及修訂個陣ban咗

ryandroid 發表於 2020-2-19 16:58
其實馬鐵點改駁去鑽石山同東鐵
都快唔過大老山隧道巴士
呢個係非戰之罪

郁到九展嗰頭嘅話，應該都要等T2起好先起得..
搞得黎都2047..

paul2357paul 發表於 2020-2-19 17:51
黎緊觀塘山下變哂凱匯幾期之後來往觀塘通勤既客流反而大跌?唔會掛?CBD2只係發夢?十幾二十年後觀塘 ...

其實我唔知你講近代即係幾時。。。
我只係講當年冇人有水晶球知道今日個發展同當初概念出有幾大變化

起沙田去觀塘鐵路不是問題
不過也要諗點樣令河東河西都受惠於馬鐵出東九鐵路
車廠當然可以喺啟德/油塘嘅
不過十幾年前油塘、啟德就唔填得海
啟德市中心有地但整一個九龍灣式車廠似乎會阻礙出行

同埋我想講其實唔止新東有去觀塘嘅需求
新西都有嘅
所以啟德/宋皇臺轉九龍東西綫去九龍灣、觀塘商貿區才會比較善用鐵路資源
真正疏導觀塘綫往東九商貿區嘅客流

Ricky403 發表於 2020-2-19 21:43
郁到九展嗰頭嘅話，應該都要等T2起好先起得..
搞得黎都2047..

沙中綫同灣仔繞道都係一齊起
協調好工程就可以了
不過政府永遠慢唔止半拍

ryandroid 發表於 2020-2-19 21:54
其實我唔知你講近代即係幾時。。。
我只係講當年冇人有水晶球知道今日個發展同當初概念出有幾大變化

我夠知新界西最好都需要鐵路來往九龍東，
但到頭來整到D乜出黎？世界笑話既繞經西南九龍既東南西線只係直達黃大仙區。
觀塘區仲弊，只得山下一條觀塘線直通。

至於馬鞍山線既東鐵線轉車站，
我之前已經講左，北移至火炭一帶都得啫，
洗鬼南移到至沙田頭一帶？其實咁樣仲爽，東鐵南下在現時馬場站個位就有得轉捷徑貼住沙田路去埋第一城然後直衝落北九龍（沙田坳隧道），而大圍一帶搭東鐵亦冇咁迫。

至於馬鞍山線既車廠就最好拆細至幾處學港島電車咁樣。

paul2357paul 發表於 2020-2-19 22:31
我夠知新界西最好都需要鐵路來往九龍東，
但到頭來整到D乜出黎？世界笑話既繞經西南九龍既東南西線只係直 ...

如果香港學深圳識一早規畫定四五期嘅鐵路網絡
咪理順到沙田點樣可以以第一城出九龍東之餘
顯徑至沙田圍、上水至大圍同馬鞍山可以三個方向都可以經第一城出九龍東囉
問題係政府一直都係起完依家啲鐵路工程先再研究新工程
往往好短視咁一條鐵路要覆蓋最大嘅範圍
所以馬鐵要直通大圍才出東九
西鐵冇得直達天水圍市中心
沙中綫冇咗馬頭角站直達體育園、都會公園同跑道區
而唔會諗九龍東西綫可以做九龍城、宋皇臺嘅客
唔會諗屯門區應該有另一條直達市區嘅鐵路
自然亦冇諗到馬鐵點樣可以有3條路軌由顯徑至沙田圍、上水至大圍同馬鞍山可以三個方向都去到第一城囉

不過如果當日已經規畫咗
馬鐵由烏溪沙經第一城、大圍出西九龍
沙中綫由火炭經第一城出鑽石山東九龍
咁咪得囉

問題係政府同顧問一直以嚟都唔係咁嘅思維嘛
馬鞍山有鐵路需求
啟德有鐵路需求
紅磡有過海鐵路需求
所以三樣嘢就夾埋一齊
政府要河東出九龍東鐵路方案入面揀啟德定觀塘
一定係揀啟德
因為當年啟德講緊係有二三十萬新增住宅人口及大量商業區
唔似得依家啟德規畫又少人住又冇乜商業地
咁依家睇觀塘自然可以同啟德一較高下
但當年睇唔係咁㗎嘛
甚至乎啟德填得成海嘅話
裕民坊都可能遲多十年先重建


不過依家都可以叫政府諗下一條觀塘直達沙田區嘅鐵路嘅
不過以政府思維
顯徑至鑽石山N 年都唔會飽和
新界東出九龍西反而因為東鐵綫大圍至九龍塘樽頸仍然持續時
就真係有需求了

ryandroid 發表於 2020-2-19 23:05
如果香港學深圳識一早規畫定四五期嘅鐵路網絡
咪理順到沙田點樣可以以第一城出九龍東之餘
顯徑至沙田圍、 ...

東鐵線馬九線轉車站北移至火炭一帶仲有個大好處就係已經俾到何東樓車廠共用，新線唔使再頭痕另搵位置起總修大廠。
唔夠位泊車先至另外再搵位起側線停車場之類。

同埋咁扮優雅先起完全版沙田區內線串埋沙田圍沙田頭為乜？
事實情況唔到大家咁優柔寡斷，
已經急需要起新鐵路盡快出入至少黃大仙區。

發覺前九鐵既規劃有D位都幾論盡，
例如果個所謂第一城站到頭來變左愉翠苑站，令第一城既皇牌形象被稍稍降級？
跟住果條新沙田線到頭來起唔到總修大廠？

paul2357paul 發表於 2020-2-20 01:40
東鐵線馬九線轉車站北移至火炭一帶仲有個大好處就係已經俾到何東樓車廠共用，新線唔使再頭痕另搵位置起總 ...

何東樓仲有位?

Oliver_ME16 發表於 2020-2-20 02:06
何東樓仲有位?

我既意思係共用維修大廠，泊車根本上可選擇另外位置。

咁既車務安排港鐵反而跟得唔錯，
於是例如東鐵線收車已做到多個位置泊車。

惟獨是輕鐵就陰功D，自從上半年戰事頻繁之後取消哂總站泊車安排。