香港有趣既道路名稱分割位/道路名稱錯位既例子

例如鑽石山斧山既環山道路蒲崗村道與斧山道，蒲崗村道/斧山道唔係兩邊連接哂鳳德道，而係大段蒲崗村道與小段斧山道既分配。

又例如連接紅磡與旺角既過山道路唔係成條叫哂佛光街，旺角東邊留番一段仔叫培正道，遷就果段有培正名校。

馬頭圍道唔直接連接到九龍城迴旋處，留番一段仔叫馬頭涌道。

汀角路唔直接連接到太和路，留番一段仔叫汀太路，遷就周邊既太平工業大廈。

「遷就」之說實在係令人哭笑不得

先講汀角路，原先係一條沿海公路，以下係1975年嘅大埔

後來發展大埔新市鎮，填咗海，變成咁，以下係1985年嘅地圖

再對比返而家嘅地圖，汀太路好有可能係因為連接汀角路同大埔太和路因而得名


之後去何文田，由以下1965年嘅地圖可見，培正道同佛光街本來係兩個唔同嘅世界，而中間嘅何文田邨仲係一片荒地
同埋培正道係由窩打老道開始，至到公主道(舊稱楠道)，即係張圖有個紅圈220嗰度，後來佛光街延長上山，同培正道連接
如果睇返現代地圖，培正道同佛光街嘅分界點正正就係公主道

(以上地圖皆係截圖自http://www.hkmaps.hk/)

至於蒲崗村道同斧山道，維基百科已經有解答
https://zh.wikipedia.org/wiki/%E6%96%A7%E5%B1%B1%E9%81%93

20世紀中期，配合鑽石山寮屋區及製片廠而興建，由下元嶺起向山上修築，直至斧山一帶開始建造新型公共房屋，以新蒲崗北面為起點的蒲崗村道延長至富山邨對開，取代部份斧山道的功能。

個情況就好似上述佛光街同培正道咁樣

相比起街道發展，閣下嘅腦部結構似乎更加有趣，竟然可以諗到如此驚為天人嘅偉論

Ohm 發表於 2020-2-23 19:44
「遷就」之說實在係令人哭笑不得

先講汀角路，原先係一條沿海公路，以下係1975年嘅大埔

但既然這些相關路段有延長/連接之類既變動，
道路概念唔同左，有改變道路名稱既機會確實無可避免。

但點解大埔果個case唔係揀拉長汀角路範圍，或者將市鎮果段直頭改名為大埔北路之類？

而紅磡與旺角過山路果個case，嚴格上就算成條變左佛光街效果都係麻麻地，改名為何文田路之類就最好。

但有D例子卻走另一邊極端，例如彩虹道既實際意義會變成包著新蒲崗，新蒲崗反而冇機會出現在道路名稱。

至於天水圍就仲搞野，為何容許天瑞路覆蓋埋天水圍北部，天城路覆蓋埋天慈邨，而天慈路個名卻彈左去天水圍東邊既繞道咁無厘頭，至於天水圍西邊既繞道卻命名為天影路？

paul2357paul 發表於 2020-2-23 23:50
但既然這些相關路段有延長/連接之類既變動，
道路概念唔同左，有改變道路名稱既機會確實無可避免。

2樓己經從歷史等因素分析你所謂有趣的例子
而你呢，亂up一通以為有真知灼見
論無厘頭邊夠你黎

難得題目無問題
都可以舉一啲屎一般的例子
係勁既

我以為起碼都會講桂林街/白田街呢類唔睇路牌唔知既例子

LAK2 發表於 2020-2-24 16:14
難得題目無問題
都可以舉一啲屎一般的例子
係勁既

南山邨道個名都擺左後面，並非南山邨人流主要出入既位置。
天慈路更加離譜，天慈邨完全冇個車路出入口直接連接佢，請還我哋例如天水圍東繞道之類既正常路名。

先有天慈路命名，後有天慈邨⋯⋯你唔去怪房署唔將條邨改做「天城邨」

LAK2 發表於 2020-2-24 16:14
難得題目無問題
都可以舉一啲屎一般的例子
係勁既

提起白田邨果邊又係喎，
白雲街先至係白田邨既內街環繞哂白田邨咁多座，
反而白田街卻連接出面既大埔道，
又係兩者擺錯位?

paul2357paul 發表於 2020-2-24 17:46
南山邨道個名都擺左後面，並非南山邨人流主要出入既位置。
天慈路更加離譜，天慈邨完全冇個車路出入口直接 ...

類似例子都幾多，例如愛民街唔喺愛民邨，利東街唔喺利東邨，美田路並不直接連接美田邨

又例如，
點解東涌喺西面，西貢喺東面？
點解「愉城選區」唔包愉城苑都叫「愉城選區」？

都有意義過樓主你個新問題
（利申：知道以上問題的答案）

點解啟東道延長要叫做承啟道呢啲不倫不類嘅名？叫返啟東道咪好，延續返舊啟德機場嘅街名。好彩協調道個名仍然能夠保留落來。不過而家啟德入面啲街名更不倫不類，嗰啲乜嘢「振翅里南」、「高飛里南」呢啲名聽到都想作嘔。