香港能否仿效新加坡，喺落車門安裝八達通機？

dennislokawai 發表於 2020-3-11 13:16
我晌度諗，依家APP咁流行，
其實巴士公司可唔可以同八達通公司合作，
晌每個巴士站貼個QR Code，

掃QRcode取回贈車資

有無用過老麥apps落order?
有什麼方法﹐人未到老麥間鋪已經落左order?

kitarolo 發表於 2020-3-10 07:42
4條X+271去到太和?
淨係太和去醫院已成問題
搭一個站落大埔墟站再轉

71K本身效率已經好低，上左車兜黎兜去架車都係去左對面馬路，大埔人唔想比出九龍價錢，只係到去 大埔墟街市/廣福道 買野，唯有焗等71K，跟住上左車又要陪人地兜，富亨人更加明顯感受到。反觀有長途線雙向分段，富亨人可坐271到大埔中心 至 廣福道，上車拍卡$11.1落車拍卡回贈$6.2，車程都係10分鍾內。富善人更加叫兩飛73X+75X，落車拍卡回贈$5.2。總好過送車尾企係巴士站食西北風，雖然而家有ETA，但71K班次大部分時間都密唔過出九龍嘅長途線。太和仲有72, 74A可以加密來取代。所以剩低73B可唔可以加強服務，兜一兜怡雅苑(富善)，填埋那打素個真空

Steven_BUS 發表於 2020-3-12 00:23
雖然而家有ETA，但71K班次大部分時間都密唔過出九龍嘅長途線。太和仲有72, 74A可以加密來取代。

原來加密72/74A就係答案?
如果呢兩條線唔夠載你慌個
表列班次唔會密過71K咩……

咁周日停埋73啦,反正唔入工業邨
73A咪有雙向分段囉,知唔知問題喺邊?

你咁講273D又係開嚟唔知做咩鬼,
一係就漫遊273A,一係就270A/278X
做返個雙向分段已經唔需存在。

唔排除新界西北長途線
有條件咁做,反正有輕鐵
巴士短途客未上公路已落車都
唔會太多,但新東多數情況不可行。

Steven_BUS 發表於 2020-3-12 00:23
71K本身效率已經好低，上左車兜黎兜去架車都係去左對面馬路，大埔人唔想比出九龍價錢，只係到去 大埔墟街 ...

你大埔呢個 case 有少少特別，大埔本身區內巴士係有市場，不過最頻密嘅區內線係港鐵接駁 K巴囉。

同時間 K巴淨係去火車站去唔到大埔墟街市，單靠去街市個餅仔又唔夠大，變咗九巴區內線做唔起…

講到呢度就不得不提新加坡另一個偉大發明 "distance fare"。
新加坡唔同公司嘅巴士、鐵路乘車里數係可以累加，再對照 farescale 計錢。

假設我坐完一程火車 HK$10，再坐 2km 嘅巴士駁腳，如果行新加坡式 distance fare 就只須要補返上 2km farescale 嘅差價，少於 HK$1。

換言之新加坡所有非特快巴士都具備 “鐵巴” 功能。
香港都係咁嘅話就唔駛再分開鐵巴、九巴，開一條密車線 富善-運頭街(近街市)-大埔火車站-富善 代替 K17 就得啦。

JC3987 發表於 2020-3-12 21:54
講到呢度就不得不提新加坡另一個偉大發明 "distance fare"

新加坡唔同公司嘅巴士、鐵路乘車里數係可以累加，再對照 farescale 計錢。

新加坡咁大個LTA統籌當然高效
得多,公用服務早就應大政府小市場
雖然營運還是需財政上可行,當地政府有
威信得多,又無咁多刁民叫巴士公司交牌。

kitarolo 發表於 2020-3-11 13:20
QR code好易被複製
一樣解決唔到不誠實嘅case
既然要經手機回值就應設NFC

用動態code?

cruisesnet 發表於 2020-3-14 13:54
用動態code?

用得動態碼咪即係要搭電源