再談電動雙層巴士

kitarolo 發表於 2020-4-8 10:05
又豐田? 好似石油氣小巴/的士即將
停產,咁現時嘅加氣站又要改建囉……

香港呢啲慢十拍既地方個代理肯搞先算

電動巴士可以取代柴油巴士的話，只會有兩個原因：
1.電動巴士購車及使用的綜合成本比柴油巴士低，且綜合性能“接近”柴油巴士的水平。
2.電動巴士的綜合性能（加速性能、續航等等）完全優於柴油巴士，且這些優點可以平衡翻多出的使用成本。
大陸大搞新能源補貼，做嘅就係第一樣嘢，現時國產單層空調電動巴士性能已經接近傳統燃料車（加速優於傳統燃料車，續航已經可以大致滿足一日嘅運營需要），且運營成本大大低於傳統燃料車（據我所知，柴油車一日油費大致為600人仔上下，混能車一日燃料費400人仔上下，電動巴士的電費一日不足200人仔，且日常維護保養更易做。政府補貼做嘅，就係幫輕企業購車成本。然而，目前並沒有綜合性能接近柴油車的電動雙層巴士。所以，喺香港無論1或者2都做唔到，雙層電動巴士登陸香港乃至統治整個市場的日子依然非常遙遠。

唔扯咁遠，講番充電式電池車(主要係鋰電池)
深圳得，城市似飛機場，無坡。
但香港，扯坡用多幾倍電。
落斜回充不設實際，中途開開停停，抵消晒。

barking 發表於 2020-4-9 23:26
唔扯咁遠，講番充電式電池車(主要係鋰電池)
深圳得，城市似飛機場，無坡。
但香港，扯坡用多幾倍電。

深圳嘅大部分電動巴士都係單層，現時嘅單層電動巴士可以唔影響載客空間嘅前提下盡量裝更多嘅電池（單層巴士成個車頂都可以放電池，墊高後山又可以放多幾塊），所以可以做到唔影響載客量嘅前提下續航滿足運營所需。但雙層首先就做唔到喺唔影響載客量嘅前提下搭載大量電池。所以要麼犧牲載客量去換取續航里程，要麼犧牲續航里程去換取載客量，而呢兩樣嘢喺香港嘅環境下一樣唔掂都係致命嘅。放眼成個世界都冇一款可以做到載客130人開冷氣續航滿足一日運營所需嘅12米雙層巴士。更加咪話其他細枝末節嘅嘢。

neoplan720p 發表於 2020-4-7 22:46
所謂電動車比較靜，
其實黎到歐六，B8L同A95都好靜。
係某款車最嘈而已（偏偏卻係最主流） ...

B8L靜?
你認真定講笑?!

2019年二月份搭過深圳
BYD巴士,冷氣都唔覺夠力,
唔知七八月份實際係點。

另外唔太熟巴士嘅人問
中電嗰幾部員接係唔係充電
(實際上用柴油)可見電費以成本價
而非零售價計算、無需要一天之中長
時間行走、無企位,雙層電動巴都唔吸引。

好現實講句，唔計架車，要搞掂配套都唔易

你要起到幾個車廠夠成千架巴士充電，淨係個變電站要幾大先夠

你睇睇深圳果啲巴士充電站規模
要響香港搵咁大地方，又要附近居民唔反對
機會仲低過楊利偉上多次太空

Oliver_ME16 發表於 2020-4-10 01:34
B8L靜?
你認真定講笑?!

停車震過洗衣機D啪啪聲出哂嚟

停車震好正常，大把車都係咁，歐六MMC停車震過佢百倍啦又唔見有人講，V6B濕濕碎啦，V6B要模落去車廂件先感覺到佢微震。

有啲B8停車嗰陣係唔知點解打冷震震得好勁
有啲誇張起上嚟係震到啲車身組件 (應該係上層車尾回風位) 直頭"itit"聲