[2015.04] 東京東北十日遊回顧

DIH 發表於 2020-5-9 15:42
第七日（中）：Resort白神、津軽鉄道、芦野公園

搭巴士出返弘前駅

師兄遊弘前和津輕鐵道，途經景點和路線和我當年住八戶即日往返極接近，很有感覺。

師兄新青森到弘前搭津輕號，用485系3000番台是特見呢，可能是黃金週加班。
這款車當時多用作東日本青森過海到函館用，翻新後老而彌堅(不過現已廢車，可惜)
一般津輕號用E751系四輛編成。

同樣我也有搭中五能線三兄弟中2寶，座距特闊真係好舒適，用佢作為「快速」班次來往弘前青森仲舒服過「特急」津輕號。
津輕鐵道，我搭到金木一帶參觀，然後步行往芦野公園後再回程，人手買票好classic，車內仲有圖書角

如主力在青森縣遊玩，住八戶係幾方便，宿費極便宜(對比盛岡)。
尤其座落在新幹線大站上，搭車隨時比青森站仲方便。

我那年仲有去搭36鐵道，經由八戶線；也有搭大湊線，2段都有搭中Resort Train！

DIH 發表於 2020-5-9 16:07
第七日（下）：新幹線派彩

Resort白神くまげら（Kumagera／熊啄木鳥）編成

極難忘的經驗，新幹線大延誤。
相信當時實會覺得住盛岡/仙台/八戶會比北上方便得多。

盛岡與仙台之間的細站，最慘是接駁班次通常都不太順，先搭站站停到盛岡/仙台，再轉回快車通常班次都不太夾要等好一輪(隨時30分起跳)，回程亦然。

仙台酒店競爭激烈，偶爾都會有特價和推廣，包自助早餐那些就最好。
同意東橫早餐最頹，已淪為較後既選擇，不過佢分店坐落不少車站旁邊地理就唔錯。

有一次經日本網站訂到盛岡大都會(車站直結)有半價包早餐超級開心。
夜check-in(搭尾班hayabusa)仲要upgrade超大間房...
盛岡食野方便又多選擇，最好係開得夜和車站直結，幾次去東北都會轉車/落腳時在盛岡站附近吃東西，例如盛樓閣和其他麵店等。

DIH 發表於 2020-5-10 11:59
我自己當然都鍾意搭公共交通，但以日本為例，好多溫泉酒店或大自然景點係無公共交通，或者搭車好麻煩，若 ...

盛岡住宿好地方來的，主要係因為佢夜晚野食選擇多，食齊三大麵都用左你3晚
北東北個人覺得最靚的係奧入瀬溪、田沢湖+乳頭温泉、同埋五能線白神山地段，而龍泉洞同宮古淨土之浜我都覺得值得去(不過好遠)
松島其實絕對係overrated得最過分的一個景點，同意西貢靚過佢，日本國內就鳥取的浦富海岸同淨土之浜好過佢好多
南東北(福島、山形)未去過，但係五色沼同大內宿都有興趣去
東北個問題係景點之間距離好遠，駕車都要好長時間，點都要靠新幹線穿梭城市之間
去過東北兩次，第二次去睇竿燈祭、睡魔祭、七夕祭同埋花笠祭，結論係新幹線當地鐵坐真係好爽好開心，祭典的感覺如果有一個再去東北的理由一定係睇祭
宜家JR東的新幹線拆左座位裝大型行李架，對旅客來講方便左好多，配合宅急便將行李寄去下一間酒店，令到日本搭車用周遊式的問題細過其他國家好多

有年o係東北睇櫻花住盛岡，落左去秋田，但回程就大風雨秋田新幹線停駛，本來以為停一陣就得，就去秋田站商場食過early dinner，點知去到七點幾，都話最尾果班去仙台既都開唔到，即刻搵酒店訓。

睇返doko train app，原來有d車o係中途站(角館、大曲)幾個鐘都唔郁得，好彩我o係秋田，有餐廳有酒店，唔係的話就要新幹線餓住車中泊或者半夜先去到盛岡。

我個人覺得盛岡幾好住，交通方便又有商場行下，而且都幾多食物選擇。

rickywk 發表於 2020-5-11 18:11
有年o係東北睇櫻花住盛岡，落左去秋田，但回程就大風雨秋田新幹線停駛，本來以為停一陣就得，就去秋田站商 ...

新幹線延誤的確難忘體驗。
我試過2年前年末年始時，山陽新幹線由新山口搭回博多，上車時發現博多和小倉中間電欖故障，有些班次延誤達200分鐘以上。
難得上了Sakura有位坐，搭到小倉再算。
小倉逛了一會見陸續回復正常，又上返車。
結果小倉到博多平時20分鐘內的車程都行了約50分，與搭在來線特急分別不大。

見到月台人頭湧湧，某些Nozomi班次爆到企門口，都幾誇張。
不過日本人秩序好好。