有冇遇過巴士就快到總站而唔願停站嘅情況

通常城巴A線到咗市區就會覺得自己就快到總站，A22 係紅磡土瓜灣就開始飛站唔畀人上都唔係未試過
而有時候係唔同路線號但相同走線返總站嘅車，會學人玩飛站，但如果等車乘客有轉乘優惠要用就慘

10897106606 發表於 2020-5-27 17:36
都預咗有d離題回應會出現，但估唔咁早已經有。我選唔選擇行路，同車長肯唔肯停車有乜關係？定係閣下覺得 ...

網上所見，不少巴迷嘅世界入面都係咁，巴士公司同司機就最偉大，而乘客地位係最低等

jpoon 發表於 2020-5-27 19:02
我覺得車長唔停，同同站有5C/8/8A等巴士上火車站，司機冇預過會有人搭87D有關多D囉
...

你個諗法恰當
但我上面都無寫嗰個係唯一可能性
所以先有得討論車長唔停站個思維

所以，離咩題啫

Ohm 發表於 2020-5-27 20:40
網上所見，不少巴迷嘅世界入面都係咁，巴士公司同司機就最偉大，而乘客地位係最低等 ...

但例如260Xpoly個站都有人特登截既話真係幾尷尬，多數都會認定乘客搭錯車，當然員工上車另計。

有站確實理應行番慢線
但係將心比己
客鐘冇著
前面一路綠燈
但偏偏有一個人截車要上
停完再起步就實轉紅
畀著係我會盡責埋站，但黑你面囉

尖東去紅磡
同站咁多車揀，偏偏鍾意上我呢架車
你去搭其他車我有多2分抖呀大佬

10897106606 發表於 2020-5-27 22:25
我個topic係講截車而個車長唔想停，姐係討論方向已經係假定咗選擇咗搭車，你同我講行路都得唔係離題係乜 ...

九咩唔搭八
一個二個幫你諗車長點解咁做
未就係分析緊有咩可能遇到巴士就快到總站而唔願停站嘅情況

一日個車長無出回應
我都可以推斷佢覺得段路行路都得
人地都可以推斷佢覺得同站有5C/8/8A等巴士上火車站
無扼殺你覺得車長無任何合理理由咁做嘅可能性
死駁?你對無咩機會出到聲嘅車長何嘗唔係要死駁

10897106606 發表於 2020-5-27 22:25
我個topic係講截車而個車長唔想停，姐係討論方向已經係假定咗選擇咗搭車，你同我講行路都得唔係離題係乜 ...

佢嘅意思應該係有啲司機唔預計做到同條線嘅定位唔一樣嘅客人啫，加上尖東去紅磡又真係比較多選擇，甚至行路都不失為一個好辦法， 真係唔需要係啲枝節位執著

dennislokawai 發表於 2020-5-27 20:25
其實我諗車長未必因為覺得短途客Cheap或啫阻住收工問題，而係有啲站一向少人上落而無留意，
好似我平時搭95 ...

以下呢單之前講過: 我試過搭完新界車出觀塘去瑞和街買嘢, 見到米平買左袋, 諗住轉14B 16M落觀塘站行番屋企行少啲, 又唔駛經協和街勁窄行人路(當年未擴闊), 16M到站我遞手, 佢有停低落客, 但唔開門畀我上車, 我再遞手, 佢一打開門就同我講架車去觀塘站(唔耐煩mode), 我冇串佢, 只係回佢一句: 我係去觀塘站.

我拎到成身嘢佢都嫌棄我, 落車佢唔係停坑入面, 停喺有鐵欄檔住嘅行人路邊畀我落, 真係招積得佢, 呢啲車長, 係... 我係四肢健全, 但我唔係唔畀錢, 又唔係冇遞手, 又拎住咁多嘢, 物華街唔係冇人落車, 你落緊客我上車, 都唔知有咩問題... 呢單嘢真係記一世, 但我諗呢種心態嘅車長唔止一個, 而係大有人在!

paul2357paul 發表於 2020-5-27 22:12
但例如260Xpoly個站都有人特登截既話真係幾尷尬，多數都會認定乘客搭錯車，當然員工上車另計。
...

呢個原因都講到悶，而家有$2客，仲有月票，再加上又可能有人唔介意少少車費，作為車長無理由假定嗰個站唔會有人上車
反而曬證可能未必會咁搭，因為可能會唔好意思