呢個「旺角」巴士站，吸客定趕客？

cong 發表於 2020-6-8 16:31
20引證到九龍區收費平+正常班次 (大部分班次15分鐘內)既短途路線係有得做既, 果間話大部分短途路線都係蝕本 ...

單睇20梗係有得做 但要記著20/22/608係一組咁招標

20同608明顯得兩繁有客 其他時間客量只能叫一般

我都幾肯定20/22/22M/608 成組加埋要蝕錢

JX9097 發表於 2020-6-8 21:48
咁當年24唔係跟27走但旺角道西行經常受到紅小頂死而改成依家咁
之但係只停水務署根本吸唔到客
若果跟27走 ...

24無論站位（好心當日入啟德就將24兜返過菜街）定班次（日中開埋啲13~23分鐘嘅班次），都貫徹九巴 “平線是臭的” 嘅概念

而家成個啟德巴士線嘅班次，睇得過眼嘅得5M 20 108

不過20都仲可以越加越密
24就越做越頹（明明旺角舊客實大過油麻地）
九巴真係反省吓

10598C 發表於 2020-6-8 23:33
24無論站位（好心當日入啟德就將24兜返過菜街）定班次（日中開埋啲13~23分鐘嘅班次），都貫徹九巴 “平線 ...

旺角客多過油麻地，但有D位，尤其近登打士街/廣華醫院，20 比 24 仲就腳，特別係回程啟德方向

20 仲有一堆大角咀往來油麻地流水客，比 24 好做唔出奇

雖然係咁，20 一單應該都要有 60 個全費客先回到本，條線頂盡只會係微賺

S3BL100 發表於 2020-6-9 01:08
旺角客多過油麻地，但有D位，尤其近登打士街/廣華醫院，20 比 24 仲就腳，特別係回程啟德方向

20 仲有一 ...

或者咁講，24全程客多，20流水同半獨市位多，變相20個客量盤都唔細

但20呢條線近乎係救埋22 22M 608全家
如果20都只係微賺，其他三條想回本睇嚟都有排捱

水務署個站經常搬黎搬去，又疏車，只到旺角邊皮，旺角中心地帶要行一段路先搭到，
各種不利因素下好難吸引人特登去搭，既然要行何不等1A, 2A, 13D,16,27堆線密密黎，去到啟德附近再行？
更何況個站咁近旺角/旺角東站，行去搭鐵好過喺度乾等。

S3BL100 發表於 2020-6-9 01:08
旺角客多過油麻地，但有D位，尤其近登打士街/廣華醫院，20 比 24 仲就腳，特別係回程啟德方向

20 仲有一 ...

車程20一程等於24一轉，做到兩水客
出車24會比20少，隨時24仲好做

雖然兩繁都係差，不過608 明顯儲起左班客，早繁下繁雙向坐滿兼企少少，非繁則有待改善

能夠係呢個站等24真係要好高EQ，面對海量27/2A/16/小巴密密有車，你都可以無動於衷；架24最後姍姍來遲，睇住ETA逐分逐分
加上去，話等3分最後變等6分，有幾多人仲有下次？



單講24呢個case，我始終認為九巴當年只係「理想地」希望24原本先達
班客改搭2A/16，目標係賺多啲，因為在九巴的角度，班客唔搭24，咪又係
左手交右手。

不過佢唔係唔知有條小巴食咗佢24四分之三的客量？仲要擺去水務局
方便人地食飽啲？

那個「避塞車」的理由八年來都冠冕堂皇，但我認為猶如自殺，睇返
2012-2013那一年內改路之後未入啟德之前，客量有無因為呢個
「最佳理由」有所改善？我當年只係見到下繁每班都未必有
十個人等車，分分鐘小巴有位上到仲少咁幾個。

到啟德入伙，未有20爭食，又未通地鐵，變返仲有少少獨市，
先至好彩多返些少人等，當年勉勉強強仲有對面大廈擋吓
太陽，有人肯等，加上換晒12米車，咁就令人以為條線
「嗱！而家咪做得幾好？」呢種虛火錯覺出現。

結果20一開，亞皆老街返啟德班客俾人哋食晒，地鐵一通，
更無誘因山長水遠行到去呢個「旺角」巴士站，我相信
疫情過後24好快會cut車兼減班。



如果你問我點樣在有限資源下救返生，第一要諗清楚
24可以做到咩客，有乜競爭對手，又點樣可以爭到最多客？

本身24個客量pool已經細，唔同27有成個四順大獨市(而家仲要
送個安泰！！)，卅幾年前齋做旺角其實已經唔掂，不過當年
諗住抄27K成功例子定佐碼大碼無位？過咗去再諗無意思，
諗吓今時今日有乜空間做到。

最好就梗係延長在西九龍一帶的服務範圍，但當前來說太複雜，
所以第一件事係執返旺角站位，要吸客一定要就腳！24應該繼續
直行太子道，停旺角警署，再入返西洋菜南街，停13D/16，
先達可以唔停，但其實廿年前都有停，當年兩個站足以坐滿
一架12米熱狗！伊中和水務處就算吧啦，夜晚靜英英無人等，
等的都係由原本旺區行過去。

呢個時候又會有人話「會塞車影響班次」喎！但係去得旺角
預咗塞，213D/2A又唔怕塞？而家24係「唔塞」但無客呢！
咁條巴士線開黎有乜用？6架車下繁15分鐘一定夠行，有機會
做到12分班添，市區線仲要去旺角日光日白俾盡應該
要15分一班，超過15之後根本無人願意死等。

另一方面，就係全日延長到九龍灣企業廣場開，好似107咁行，
過咗麗晶商場入返啟德，就算唔係，特班都應該改，
九龍灣大大個客倉唔識搵食，特車又用一個最蠢的方法行，
衝去食消防局燈陣。

最後總結，以24呢類無乜獨市位的路線來講，停站，特別是
上車位一定要就腳，否則只係陰乾、等死！

kaiyip24 發表於 2020-6-9 09:06
能夠係呢個站等24真係要好高EQ，面對海量27/2A/16/小巴密密有車，你都可以無動於衷；架24最後姍姍來遲，睇 ...

仲有亞皆老街醫院線既

tunghang 發表於 2020-6-8 18:35
24自沙中線通車後少咗好多客
但20客量亦唔見得標青，以九巴標準應該唔算賺錢線 ...

以九巴既客量標準，20客量只會開到20分鐘一班