大鑊在西灣河縱向距離, 係由海皮嘉亨灣去到山邊興東邨, 有架車直接由嘉亨灣開出, 加上附近私樓 公營樓林立, 又有法院 健康中心 蘇豪區, 儲到客係應該, 唔止樓主呢次, 我記得之前有板友統計客量, 嘉亨灣上客數字同各站比較都唔係太樣衰(唔知有冇試過0).
而行人由嘉亨灣行出電車路嘅距離雖然唔算好長, 但無論之後係搭鐵定係巴士, 都仲要落幾層或者過對面西行線, 同興東邨自己有路線過海, 無需要落電車路, 上左車就喺山邊鏟過去太祥街落康怡類同, 啱路嘅客係會搭巴士.
只要一日興東邨有606, 電車路有站嘅608都好難話搶到606九龍灣客, 頂多係做番以前筲箕灣道 鯉景灣, 唔會行入惠亨街搭606而搭左鐵嗰班人, 因為問題仲有任何時間觀繞多車利用宏照道落橋位, 相比起常怡道天橋落同一個交界燈位, 606要轉入宏照道, 會比由觀繞落直去宏照道容易.
606過咗牛頭角上邨彎位之後, 行到地鐵橋上面前方視野變得清晰, 有經驗嘅車長就會知道踩油過唔過到常怡道/宏照道燈位, 情況等同非繁由電照街巴士站一轉綠燈踩行油會啱啱好轉埋上東廊過海一樣, 608觀繞落嚟就冇呢種優勢, 而且每轉燈, 在九龍灣商貿區, 特別係宏照道, 紅燈時間係零舍長.
觀塘塞車與否, 興東邨及之前上車去九龍灣唔搭地鐵嘅, 應該都搭咗606, 康怡至電照街兩飛之間選擇, 除左睇觀塘塞唔塞車之外, 班次都好緊要.
而家608非繁班次30分鐘起跳, 幾分鐘內有608就等得過, 否則如果606到站都唔上就笨. (事實上, 乘客好少理邊架嚟先, 通常見車就上.)
講返轉頭, 西灣河因為道路設計問題, 東行去興東邨要先經過鯉景灣, 但西行可以選擇唔經鯉景灣, 直接由太祥街去康怡, 除非想608性質同77 99一樣, 想填番以前84做山上-海皮短途客, 608係可以筲箕灣兜上山再落埋鯉景灣/嘉亨灣, 加設與77相同的短途分段, 究竟咁行係得不償失(筲箕灣嫌慢), 定係有出人意表嘅結果呢!
大方向正確, 但我諗10598C板友要認真諗諗啲細節位, 唔係話經「西灣河」就等於做到改路前嘅客, 要睇埋地理因素, 居民/乘客出行習慣.
舉個例: 24年前606改行耀興道之後, 趕晒西灣河去九龍班客落地鐵, 同惠亨街嘅地理位置有好大關係, 當年我喺太康街等606, 望出去電車路見到有車嚟緊(靠全廣/車型), 即使要等佢兜埋基利路 太古城中心, 佢幾時會轉番過嚟, 起碼我有數得計, 改行惠亨街落太祥街之後, 佢要我行上去一條靜英英嘅惠亨街等車, 我不如落地鐵站好過.
自此之後, 本來太康街上606過海班客, 九成以上唔再搭606, 我去親惠亨街等車, 一個起兩個止, 當時都未有694同小巴, 你可以諗吓班客去咗邊, 同時亦因為606往九龍唔再停太古城中心, 康怡廣場承接唔到太古城班客, 個個去晒搭地鐵.
所以, 我成日都話, 606要行番舊路用西灣河直出唔係唔得, 應該喺知道改行鰂魚涌 北角少咗客後即時修正用番西灣河出入東廊, 起碼班客仲記得直出有幾快而回心轉意, 儲落班鰂魚涌客之後又想行番舊路, 即係玩鰂魚涌客......, 不過606嘅嘢算啦, 用家先會明.
藉此希望喺FF 608改路的同時, 能夠吸取過去606改道的一些教訓, 因為我都想見到一個合用家心意嘅建議可以落實.
離題一講: 110由西灣河延至筲箕灣後, 往九龍不再繞經鯉景灣, 過咗咁多年, 海皮起好晒樓, 平日早繁開兩班特車110X由嘉亨灣開出, 太古城後直往尖沙咀 九龍站應該有得做. |