[7系特快] 建議720/722改經中環灣仔繞道，增設722A線

castanopsis 發表於 2020-9-3 18:51
如果講資源
我睇唔到你條720/720B，點可以用6-7部車做10/12分鐘一班
你自己都話全程行車時間分別要60/75 ...

假設用Plan B: (720/720B/722/722A)
當722行車時間80分鐘，新巴都係派8部車開12分鐘一班，我新720行車時間60分鐘，10分鐘一班派7部車都唔會有大問題，到時落地做唔到，12分鐘一班都好好睇了
720B我預75分鐘跑，如果唔夠時間跑，縮去林士街開又得，縮去交易廣場又得

至於循環線脫班班次問題，
1) 720B由12分鐘一班脫到6-18分鐘一班我都覺得問題不大，反正回程係愛東/鯉景灣直出，佢地搭720B優勢極大，筲總又有720幫手
2) 新722中環碼頭後直入繞道，比現時722東行要先入中環碼頭+交易廣場會好好多，係反而改善到脫班情況
3) 新720行車時間優勢大，車程穩定過宜家720，對乘客來說一定除笨有精

至於拉722A上半山問題，其實都係幫佢搵下新客，當然係要趁722A客量唔好，再同12M合併上半山
記住我呢個重組計劃只係First Step，唔先拆722A出來，就會令議員死攬2A，就幫唔到2A客加價 (呢個做法係似當年8H重組)
半山線都好同意值得做，只係點樣做先係問題，而我堆建議都係留條尾喺金鐘止步，比佢地有潛質去同12M合併做埋半山

18X問題係新巴唔會郁佢，北角中環特快有去冇回的問題，其實廢物利用，搵18P重組食左佢就OK，唔駛特登開新線做。
主要係我個方案要借2A/77/99過橋確保車源 (如果唔係，耀東冇可能拆到線，條722做太多位，班次又疏)
所以會係東行4條東廊特快，西行3條東廊特快的框架下重組

同埋想知道你個計劃入面，西筲係咪全部都係西灣河<->電車路<->筲總<->愛東<->嘉亨灣行法，因為考慮到722回程上耀東，必定繞經鯉景灣，所以有可能有減少冗長走線的空間，呢度我Plan B就係咁樣做，慳到好多行車時間出來 (720筲箕灣止步，因為有722補鯉景灣，而720B行一次愛東鯉景灣就得)

P.S. 你建議的721係行唔到，太古城上東廊東行係出唔到去鯉景灣，另外係冇做太古城中心<->西筲的流水客......呢個係好大的漏洞，上次唔記得講

如果連埋半山的話，我個方案會係Plan A入面的720A同12M合併成為723，乘客亦都唔會無所適從，走線亦都對稱
723 嘉亨灣<->柏道 (循環線) $7.2
舊720A延長版，海富中心後跟12M上半山，海富中心比$4.6分段，順便幫柏道/羅便臣道落山客加價，東區方向加番$6.8分段
東行：柏道>羅便臣道>金鐘>金星>灣碼>太古城中心>電車路>筲總>愛東>嘉亨灣
西行：嘉亨灣>愛東>筲總>電車路>太古城中心>灣北>金鐘>中環>擺花街>堅道>般含道>柏道
720 筲箕灣<->中環 (循環線) $6.8
來回經中環灣仔繞道
東行：中環>上環>太古城中心>電車路>愛東>筲總
西行：筲總>電車路>太古城中心>中環>上環
722 耀東邨<->中環碼頭 (循環線) $6.8
東行經中環灣仔繞道直達鰂魚涌
東行：中環>上環>中環碼頭>鰂魚涌>康怡>鯉景灣>耀東
西行：耀東>康怡>鰂魚涌>灣北>金鐘>中環>上環
722A 耀東邨<->金鐘(西) $6.8
西行同2A同路，東行做金鐘灣仔去鰂魚涌
東行：金鐘>金星>灣碼>鰂魚涌>康怡>鯉景灣>耀東
12M 取消

Plan A Plan B 用車數少之餘，又冇明顯大的已知漏洞 (對比現有720/722組合)，新客未必做到好多，但效率提升唔少，加上中環灣仔繞道行車時間穩定，中環客會有誘因回流
現時720/722主要問題係
1) 722東行好慢，脫班，又做唔到上環客......反而西行問題不大
2) 720西行入金鐘之後倒走左好多好多太古城<->中環客
3) 西筲客嫌720唔夠快
呢三個問題都可以完美解決到，722東行改入繞道，西行原封不動，解決晒(1)的問題，720改中環特快，拆723，可以解決(2)同(3)的問題，同時723比起舊720A其實多左好多客路，一來係720飛走左灣北直去中環，灣北變相畀晒723，二來係你所講的半山新客

仲有一個好處，就係可以分3階段重組，降低重組難度
1) 722/2A/99重組722A
2) 720重組720A
3) 720A/12M重組

castanopsis 發表於 2020-9-2 19:10
越搞越複雜，慢慢理解

我無睇錯既722早繁東行唔開，班碼頭/大西北轉車客全部俾你倒走曬？

你建議 720／722／18X 三拆五會唔會大諗頭咗啲呢？呢三條線老實講又未去到需要各自一拆二，個客源未有咁穩陣同咁大去拆

無睇錯嘅，你建議18X雙向行繞道，我當去筲箕灣停埋港澳碼頭先落繞道，咁西行都飛中環？西環有冇咁大舊客去support 到全日特快線？未有地鐵時都唔係特別標青，最多放工時間開到15分鐘一架，咁有信心玩到咁大？唔見得西環support到全日北角以東特快。依家18X好靠去中環特快客，大半車客係果度

big picture講先，720／722二拆四，有啲位無咗，太古城流水冇咗已經講唔通，唔好話康怡行落去或者上戲院到上車。2A更加爆煲，冇咗722幫手，朝早做到死都做唔切。最後用車，有無咁多部車？

720，有少少質疑非繁單靠西筲撐唔撐到，做唔做反依家咁密（朝早就故然無事），720都靠太古城，依家兩區串埋先相對地好睇。但放長線理睇做埋沙中線轉車客，應該唔係大問題

721，回程兜入太古城一圈之後上東廊係落唔返鯉景灣，要兜愛東，或者跟返720出電車路，結果會好兜路，觀感好差，仲慢過鰂魚涌落橋

722，因為建基於你要改快18X，其實條線唔係太大問題，當然班次唔會做到好密，但如果18X無可能咁改就好大問題。本身722都唔係好密，真係做到，鰂魚涌真係可以做到灣仔一線中環一線西環一線？

723，呢part先係最大問題，723可以收幾錢？$6.8？定$7.2？定再貴啲？依家23收緊$7.2，722收緊$6.8，收$7.2就唔存在比23平呢個問題，但就有個問題係東區去灣仔仲貴過去中環。收$6.8就變相收平過23，顯得無可能。原本23北角以東特快呢個concept唔係唔好，獨立咁做可以收8蚊甚至更多，因為都係繁忙時間特別車，但只要連咗落去720／722到，價錢牌呢個問題即刻浮現。再講，拉上半山用車唔少，條線其實唔短。同埋本身半山班客要轉車都會23轉車，第一程程其實都算係袋袋平安，比架冇貴到嘅直車可能仲收少咗錢。如果720好似788／789咁拆，做好金鐘轉車客嘅，比唔比BBI都已經流落去巴士到

冇錯，金鐘／金星／灣仔碼頭得而且確係難攪同埋要改改，但係用繁忙時間線去改會唔會好過720／722二拆四？車都冇咁多啦？（當然你可以話東鐵過海後可能加車）呢度都唔少版友有建議，好似720X回程，經愛東直插鯉景灣、耀東，甚至中環逆走落繞道等等。都未去到玩720／722二拆四，本身兩線未有本錢去咁樣發咁大嚟做

而 25／26X 果度，我自己係隔離post都講過唔少次，費事重覆

boco1211 發表於 2020-9-4 17:52
你建議 720／722／18X 三拆五會唔會大諗頭咗啲呢？呢三條線老實講又未去到需要各自一拆二，個客源未有咁 ...

我反而想知道我2拆3.5的方案你有冇意見?
利用中灣繞回程Cut行車時間，減車來拆番金鐘灣仔線有冇得考慮?

東鐵過海後要睇下會展站出口駁7系線會唔會有時間優勢，如果有的話，金鐘灣仔線係有機會有新客源

我唔太明點解係都要搞到咁複雜...

brianso198 發表於 2020-9-4 18:52
我唔太明點解係都要搞到咁複雜...

720拆返720A做灣仔金鐘，但720改來回中灣繞慳車
722東行拆722A做灣仔金鐘，722東行入中灣繞慳車，唔夠的車由2A東行度抽，SOGO少左的班次用99補

應該唔算難明，對乘客都會user friendly?

2076 發表於 2020-9-4 18:55
720拆返720A做灣仔金鐘，但720改來回中灣繞慳車
722東行拆722A做灣仔金鐘，722東行入中灣繞慳車，唔夠的 ...

係咪一定要條條線全日落繞道先?
唔講上下繁, 其實告士打道唔係塞到行車時間大幅增加,
A12呢D就應該全條行繞道只係因為條線就算行告士打道唔塞車, 行車時間都係好長...

仲有,
極度唔明點解722A總站同第一個分站價錢差咁遠,
耀東總站係2A其中一個客倉, 而家你個Plan係玩緊呢堆客...
只係呢點區議會係唔可能通過...

brianso198 發表於 2020-9-4 19:03
係咪一定要條條線全日落繞道先?
唔講上下繁, 其實告士打道唔係塞到行車時間大幅增加,
A12呢D就應該全條行 ...

中環入繞道直飛東廊，係快過東行經灣仔碼頭，同埋觀感好好多，亦都係借用中灣繞的理由來改線
722A第一個站收全費，第二個站收分段，運作上類同九巴5號線，富山總站收全費，第一個分站收分段，因為要就返回程的全程收費$6.8

2076 發表於 2020-9-14 11:32
中環入繞道直飛東廊，係快過東行經灣仔碼頭，同埋觀感好好多，亦都係借用中灣繞的理由來改線
722A第一個 ...

即係咁,
2A總站亦係客倉之一,
5號總站既使用人數同2A總站使用人數係兩碼子既事...

根本就唔可能直接apply落去...