疫情下夜晚喺轉車站等車真係等死人

ViviTse 發表於 2020-9-22 16:46
印象中以前有一排，D車長閂門果陣見到對面線咁啱到，就算閂咗門都會開返比班客上車。
以而家非繁忙時段 ...

同埋而家其實仲有唔少打工仔只係休星期日，星期六日朝早9點前4-5分鐘一班，不過星期六係明顯迫過星期日，同埋近來市民抗疫疲勞就梗，星期六晚9點幾返10點，由於疏車入面同平時放工6點半到7點呢段時間冇分別。

星期六日晚由觀塘沿線返青衣搭咗20年都有，真心覺得而家個時間表係最差，講便利唔便利，講唔想俾乘客追車又唔係最好，如果住得再遠啲仲要駁車，因為等車耐搞到駁唔到尾車就係咁先。
兩鐵合併前太子夾到時間，荔景一半機會兩邊一齊有車。
兩鐵合併後就返過境線尾車時間執過觀荃兩線時間表，太子仲係夾到時間但荔景變成等3分鐘或8分鐘，直至13年東涌線加班為止。
15-16年觀荃兩線由5分鐘加到4分10秒一班，太子轉車等耐1分鐘左右（即係等1.5-2分鐘），反而先係「最唔想俾客追車嘅時間」，因為好難兩邊一齊到。

唔知龜記有冇再執過時間表
開5分班，就藍轉紅等三四分，綠轉紅啱啱好
開6分班，就藍轉紅等兩三分，綠轉紅送車尾
星期六日晚唔係自從七一改時間表後都係5分班？

紅綠轉車喺日間仲衰，直情無定向
而家紅線日間3.6分時段run time太鬆dwell time太緊，部分下行車 (以1/2A居多) 即使全程慳電仍然可以早成分鐘埋太子站
於是有啲車可以轉到即班綠，有啲車就送車尾要等下班
加埋條綠黃埔單月台又搞到班次怪怪地

Ricky403 發表於 2020-9-22 19:04
唔知龜記有冇再執過時間表
開5分班，就藍轉紅等三四分，綠轉紅啱啱好
開6分班，就藍轉紅等兩三分，綠轉紅送 ...

7月25日開始又因為第三波疫情星期六日市區四線3.55-6分鐘一班。

其實星期一至五日間非繁個時間表好似唔知14定15年開始行到而家，雖然一至日日間都係3.55分鐘一班，細心留意嘅話荃灣線星期六日同一班車係遲一分鐘到站，就係呢一分鐘，太子荃轉觀星期由一至五多數啱啱好，變星期六日例送車尾。

teddybus 發表於 2020-9-22 12:13
車費包全部轉線 just in time?

轉線接駁順唔順利同車費有咩關係？即係香港收得平啲就可以做得差啲？
咁唔好話自己世界級啦，九流接客水平，連盡力去執時間表都唔願去做
點解人哋日本每次執時間表都要考慮乘客轉線接駁問題？
因為人哋係鐵路公司你係地產公司囉

HV9990 發表於 2020-9-23 02:03
轉線接駁順唔順利同車費有咩關係？即係香港收得平啲就可以做得差啲？
咁唔好話自己世界級啦，九流接客水 ...

原來港鐵公司係原罪，咁相信當年馬鞍山鐵路每一班去到大圍都可以同九廣東鐵一齊埋月台比乘客直接過對面上車

又係樓主依個批鬥分子，自己想獨佔嘅地方 (eg. 北潭凹、烏蛟騰) 就想停晒啲車佢，但自己想方便嘅就係度死怨班次疏。

港鐵主要問題係反應慢，減班同加班都唔係因應當期客量作實時變化 ，第一、二波減班拖咗好耐，之後再減都係，但係第二波疫情完咗都仲要死拖到七月一日先加返班，更加係問題所在，懷疑高層要做靚條數。至於今次，減班反應快咗，但依家等加返班又係等到頸都長，我極有理由相信港鐵又要拖到十月一日先肯加返班，

keilingha 發表於 2020-9-23 12:50
港鐵主要問題係反應慢，減班同加班都唔係因應當期客量作實時變化 ，第一、二波減班拖咗好耐，之後再減都係 ...

上次就係限聚令完咗第二個禮拜先加返班。

如果今次又係一樣，完限聚令先肯加，相信11月甚至12月、出年前都係維持返而家咁個班次。

keilingha 發表於 2020-9-23 12:47
又係樓主依個批鬥分子，自己想獨佔嘅地方 (eg. 北潭凹、烏蛟騰) 就想停晒啲車佢，但自己想方便嘅就係度死怨 ...

要分清楚邊啲係必需邊啲係非必要，你講嗰啲係郊區地方，對99.9%香港人嚟講係非必要去嘅，因為去得嗰度只係郊遊行山，作為負責任嘅香港人，疫情嚴峻下係唔應該進行啲非必要活動，suppose會搭MTR個目的只係平日通勤，放假stay at home或屋企附近買嘢，所以星期六日減得咁勁而星期一至五晚先減少少就咁解。

市區四線唔計尾車時段或康城黃埔站，最疏係5分鐘一班，但疫情變到星期六日晚6分鐘一班，東涌線又係，開咗22年唔計尾車時段從未超過10分鐘一班，疫情變到星期六日晚12分鐘，沙士都冇咁疏。點解要咁疏？因為隻毒傳染力太勁，同人食餐飯都可以無端端害死人，所以政府先有咁大限制措施，沙士有封過羅湖站？沙士有出現過限聚令同全部地方要戴口罩？某程度上咁疏班次，因為唔預夜晚仲有咁多人出街，政府亦唔鼓勵人非必要情況下周圍搭車周圍去。

而家個問題唔係車疏，而係完全唔夾，尾車時段10-12分鐘一班，我可以話近乎班班夾到，星期六日晚計埋等車車程隨時耐過尾車時段，如果作為一個星期六日晚嘅通勤客，夜晚11點幾12點收工後仲要比平時耐三個字先出到站，唔好彩駁唔到尾班巴士/小巴。

gsrc0525 發表於 2020-9-23 14:07
要分清楚邊啲係必需邊啲係非必要，你講嗰啲係郊區地方，對99.9%香港人嚟講係非必要去嘅，因為去得嗰度只 ...

咁請問你係咪係依段期間無去郊區先？如果閣下都有去，又憑咩批評其他市民去郊區依個舉動？再者法例亦無禁止市民前往郊區，只要係符合限聚令及口罩令等前設下前往郊野公園係無犯法嘅，你亦無理由站在道德高地批評前往郊野公園嘅市民，政府唔封山梗係考慮過原因，覺得封閉郊野公園對市民嘅影響弊多於利，以及郊遊對公共衛生帶嚟嘅風險甚低。閣下為咩自作主張要人畫地自限？
仲要閣下嘅建議更加影響埋巴士公司嘅財路，巴士公司嘅利潤係依段期間已經受好大影響，靠返郊區路線幫補一下又要俾你批評，你真係咁想人哋裁員節流，咁想人死？
仲有我係無家者，我無得 stay at home 喎，我每日都係街頭度過，邊個街頭容許我寄宿，就係我嘅 home。