輕鐵最賺錢/最蝕錢嘅路線

請問輕鐵網路入面，最賺錢/最蝕錢分別係邊條路線?

輕鐵應該係一整體？好難話邊條路線賺錢蝕錢

每架車一個單100幾人點計到邊條線賺/蝕呀

你以為電車咩?輕鐵有獨立錢箱/八仔機? 點準確計算某線收入? 仲未計西鐵/鐵巴免費轉乘,好難比較。 如果用最多人最少人輕鐵線較為接受
我本人認為最多人:761P
最少人: 615

groom1002 發表於 2020-9-25 12:31
你以為電車咩?輕鐵有獨立錢箱/八仔機? 點準確計算某線載客量? 如果用最多人最少人輕鐵線較為接受
我本人認 ...

仲有一大問題﹐就係有幾多客真正有比錢 (非西鐵/鐵巴轉乘)?

點去計算車費收入才公平?


天水圍2條打圈線﹐返工放工時間﹐都唔知有幾多個有實際支付車費。
會唔會成為蝕得最多的路線?


結論﹐根本無得去計邊條線盈利幾多錢。

Ohm 發表於 2020-9-25 00:23
輕鐵應該係一整體？好難話邊條路線賺錢蝕錢

輕鐵盤數應該要同鐵巴、西鐵一齊睇。如果冇咗輕鐵/鐵巴轉乘優惠，以西鐵嘅票價一定冇咁多人搭，所以唔應該單憑輕鐵嘅帳面收入就斷定輕鐵蝕錢。

Twinings 發表於 2020-9-25 15:05
輕鐵盤數應該要同鐵巴、西鐵一齊睇。如果冇咗輕鐵/鐵巴轉乘優惠，以西鐵嘅票價一定冇咁多人搭，所以唔應 ...

輕鐵由1988年通車到西鐵通車都未有過盈利

joelty 發表於 2020-9-25 19:19
輕鐵由1988年通車到西鐵通車都未有過盈利

之後有西鐵轉乘再有學生優惠，只會愈蝕愈甘

好難喎，例如我係大棠路搭去豐年路，你計落610/614/615定761P？有時兩條線兩架一齊埋站，根本分唔到我上左邊架。而且仲有搭鐵巴西鐵既轉乘優惠，條數好難計。以前九鐵係成個西鐵+鐵巴+輕鐵一齊計。
而且就算蝕錢都值得做，輕鐵為西鐵輸送人流，而西鐵人流數量會影響到店舖租務+廣告收入。作為一間地產商鐵路運輸只係副業，租務先係最重要架

Hopuco 發表於 2020-9-26 12:18
好難喎，例如我係大棠路搭去豐年路，你計落610/614/615定761P？有時兩條線兩架一齊埋站，根本分唔到我上左 ...

試下除開四份，再唔係按班次比例去計返

呢條問題相比巴士，應該要用到多D嘅數學/統計技巧先答到
不過我估輕鐵關心嘅應該係邊段路段會多客D