能否把落車門關門速度提速?

ATS131@45 發表於 2020-10-31 02:48
最衰九巴囉, 好學唔學, 整埋d前閘鎖手掣,
仲要呀, 而家d E6M, 開哂尾閘都唔熄鐘燈, 成日都要拖到開哂6-8秒 ...

鎖頭閘呢家嘢真係好反智,宜家連新城堆B8,B9,長青年同埋A95都鎖埋一份,吓吓都要關實個頭閘先就好嘥時間

之前見過有架龍運MMC就係喺關唔到個頭閘郁唔到擺街,結果成車人要換車

渣巴士唔可以急，但可以爽，可以快
不必要既安全裝置只會影響運作
一慢就急，一急就出事

有無人留意過Voith蛋起步，特別係落斜
會先chok前一下再郁?
呢個正正就係ABS同閘鎖控制車長

又可以留意下九巴同善巴MMC起步
踩油解鎖，大部份都chok住走
vs
印迫力解尾鎖，頭門唔鎖，順到不得了


番番黎尾閘問題
恕我睇唔出等6秒先閂門會有幾安全
你隻門慢D，渣果個咪心急D

唔講唔知，Deans外推門有個bug係，
如果車長按左閂門掣再開，隻門點都會閂一下再彈開
第一部用既ATE都就變汽水罐，但專業既工程部同好安全既安全部
有無正視過呢?

要做安全，永遠都做唔盡
物極必反
有D野，適可而止
心態一日不變，意外終歸都會發生

要記得，安全速度係零

EX-TL 發表於 2020-11-2 00:37
廿幾年前多次試過落車門夾腳開車, 其中一次係由現時工業貿易大樓拖行到啓德河(即由當時柏立基健康院巴士 ...

有相機既燈位衝老綠小心亦當衝紅燈。
玩緊類似有D嚴格既學校打鐘入校當遲到果招。

GX7180 發表於 2020-11-3 22:19
渣巴士唔可以急，但可以爽，可以快
不必要既安全裝置只會影響運作
一慢就急，一急就出事

(諗左好耐先至決定到回文，請見諒)

落車門閂得慢，距離隻門遠啲既乘客，都容易啲走埋去隻門度，
唔見得車門咬人既機會細幾多。
當然司機心急既話，隻門快定慢都唔掂。

本身有門鎖，同時又整慢隻門先至衰。
市區線一程隨時要過幾十個燈位，
假設埋完站之後啱啱過唔到之後個支綠燈好快冇、紅燈有排等既燈位
（例如長沙灣道西行/欽州街交帶，紅燈1分40秒，綠燈得廿幾秒）嘅情況發生三四次，
車門夾埋拖慢架車十幾廿秒，影響隨時係車程多成個字。
幾年前返工要巴士轉巴士，第一程部車閂完落車門要成七八秒，
程車遲幾分鐘隨時睇住要轉既車走晒。

好多年前已經話巴士車程時間越黎越耐，係唔係淨係賴塞車就夠？
我寧願落車門繼續留門鎖，但閂快啲，
同埋一撳閂門掣就即刻開始閂，唔好預叮多一兩下拖拖拉拉。

前門可唔可以用快閂門取代門鎖，就要再諗。
由行人路或者馬路拾級而上咁上車，
同埋由行人路直接跳上車，速度都唔同。

同埋有啲巴士係連開門都慢。
以前非地台車就驚隻門開得快砰砰聲嚇人，
而家唔少低地台車，前門後面冇座位（E400、AVC除外），
尾門又變外推，越嚟越遠離乘客，
而且除頂閘以外，車門軌跡正常都唔會有人（唔理危險者除外），
開門速度又有冇條件改快啲？

至於樓主講既情況，而家啲乘客受唔受教都成疑問。

tonytsang_hk 發表於 2020-11-1 22:46
話說，日本真係鼓勵人等架車停定先好開始行落車。
結果搞到即使上落唔多，但每個站都要差唔多停1分鐘

日本同香港唔同，佢同德國一樣中途站有晒固定時間
所以司機點都要跟時間表行車

EX-TL 發表於 2020-11-2 00:37
廿幾年前多次試過落車門夾腳開車, 其中一次係由現時工業貿易大樓拖行到啓德河(即由當時柏立基健康院巴士 ...

見黃燈大dup其實係矯枉過正
正常燈位設計唔會無set個buffer time
somehow九巴流行嘅係係又dup唔係又dup
總之唔理三七廿一，見到轉咗盞黃燈就dup
巴士唔同私家車，唔見得格硬dup會比行埋佢安全囉

你本身慢慢行之下dup 無問題
你預過唔到碌到佢轉燈 都無問題
但有一定車速之下為dup而dup 就值得商確

謂開垃圾乘客真係乜人都有，個男人拖住個女人慢慢落閂埋門先嗌有落又有，行得慢又肥又唔爽手慢慢落車又有

你有時睇見啲人連落樓梯都要捉到兩邊扶手實一實都仲要上樓上坐係咪痴線
要安全就提早一個站落樓下啦,要其他乘客等你

撳鐘一係鬼咁早，未離站就撳，一係有排未到下個站就早早撳，落車又唔見佢哋咁爽手

向外推嘅門都係ATE，AVW果堆快，可惜果批車門製造廠執咗，自從AVBWU之後，所有門都要慢慢向外推再慢慢打開兩邊

試過比那些心急司機，唔理你有冇落車，都快快關門，你就唔會咁講。最近投訴過290X.797的司機，都有犯這個錯誤。現在見公公婆婆落車，已經直頭係下車後扶著車内的那扶手，讓行動慢的人下車，免得那班急到要去急症室的司機亂來。一個797肥少少的年輕司機就最鐘意快快關門，最討厭！

ads190 發表於 2020-11-22 23:06
(諗左好耐先至決定到回文，請見諒)

落車門閂得慢，距離隻門遠啲既乘客，都容易啲走埋去隻門度，

其實都好惡性循環

司機:
因為關門慢, 過少兩盞燈要趕班次-->反正有排叮, 人地未落晒開始按掣關門-->又過唔到盞燈,開始躁底硬CUT線, 都真係唔少見..

乘客:
反正都要叮好多下先關,好遲先起身落車,甚或關好門先大叫有落, 情況開始多.

硬係覺得有D物極必反感覺, 慢過頭, 反而危險左..
最好都係攞平衡..