屯馬線巴士路線重組集中討論

tszhinchan3 發表於 2020-11-15 09:56
sorry睇唔清楚最後果句，但而家駿洋有88x，已經冇咩可能再開新觀塘線。
而且89C變上下繁，89D永世都改唔 ...

我一直都唔覺得89D有好大需要飛走大水坑

為咗飛走一個大水坑、為咗89D非繁快五分鐘，格硬留條89C係度，仲要因此89C班次唔可以開得疏，九巴角度資源上根本毫無效率

有唔少人指出，繁忙時間行亞公角街其實同行馬鞍山路冇分別，再加上非繁忙並非完全滿載情況下，89D客觀條件都冇未需要改行馬鞍山路

至於火炭，其實仲有成個駿景園係度
我理想中88X會改去駿景（即駿景 - 源禾路 - 沙火 - 老隧 - 觀繞/觀塘道 - 藍田及油塘）
而駿洋邨就搭石門開線，變相呢條線可以有雙向客源，朝早有沙田居民出觀塘，亦有東九居民往石門及火炭工業區

boco1211 發表於 2020-11-14 20:35
咁5仔提速之後，富山去上路搭咩？無可能用116掛？價錢牌問題

我唔明你點樣入家維邨+紅磡站/紅磡繞道，似 ...

富山去上路搭5/5C，5只停馬坑涌道。其餘上路地區絕對係5C步程範圍，真係唔想行就用九龍城轉乘。
好多人都覺得5P好過5X，因為5P可以執到上路流水客。但唔好唔記得，上路地底係有一條鐵直達尖東站唔駛轉車，5P塞死亡交叉去尖沙咀，對鐵的競爭力近乎0，那何不全日化5X，位位收多1蚊之餘，推晒上路堆客用14/26/28出入?

上路在死亡交叉影響下，現時所有路線比港鐵有車程優勢的地區基本上係沒有，就只有方便程度可以玩下。尖碼有28覆蓋，佐敦/彌敦道有26覆蓋，中港碼頭/九龍站有14覆蓋，其實已經好足夠。

2076 發表於 2020-11-15 18:05
富山去上路搭5/5C，5只停馬坑涌道。其餘上路地區絕對係5C步程範圍，真係唔想行就用九龍城轉乘。
好多人都 ...

慈雲山落土瓜灣，理論上有直車都唔會轉鐵，點解有個5P提速機會都唔畀？改完都係塞落5C碌下路兼遠咗(經富山)？慈雲山個個淨係落尖咀？

而家地鐵(不計八折)尖沙咀去何文田收$5.7、啟德$7.1、鑽石山$8.8，5P收$5.8、唔使上上落落，仍然有足夠競爭力，唔好諗到條鐵萬能。

另外順道回有人提議(唔記得係5C定5P)經紅磡繞道落尖咀不經漆咸道，或796X式海皮上返漆咸道(我假設咁講係唔落尖碼)：科學館/寶勒巷及尖碼/海運正正係最遠離鐵路站，又係消費區，係客倉，就算塞死亡交叉都好過左屈右屈，漆咸道一係冇咗架車一係大幅慢咗，邊個要呀。

2076 發表於 2020-11-15 18:05
富山去上路搭5/5C，5只停馬坑涌道。其餘上路地區絕對係5C步程範圍，真係唔想行就用九龍城轉乘。
好多人都 ...

1.5X唔使塞黃金交叉？
2.所以升5P全日除咗掟行雙鳳街落山之外 仲可以經紅磡道 紅繞直接爆過去 唔想放棄尖東嘅咪經紅火平台再落漆咸道
想直過尖碼嘅咪紅繞直落梳士巴利道 有咩問題?

DIH 發表於 2020-11-15 18:16
慈雲山落土瓜灣，理論上有直車都唔會轉鐵，點解有個5P提速機會都唔畀？改完都係塞落5C碌下路兼遠咗(經富山 ...

就係因為慈雲山落土瓜灣有直車就唔會轉鐵，先至唔用5P+5C...... 反正5C再慢少少佢地都一定唔會轉鐵去紅土。
但係尖沙咀就唔同，37M+MTR實在太快，用5P方案都唔夠快，要用到5X方案。加上5X $6.8仲係平過37M+MTR好多，速度上又夠快，慈雲山客先至會改用5X。

我整理好全盤重組建議就會在F1推出。九巴已經開到聲話客量會大跌四成，即係要減車起碼三成...... (Ref: https://www.hkitalk.net/HKiTalk2/thread-1187970-1-1.html)上路如果又有5又有5A又有5P又有26又有28又有鐵，明顯係服務過剩，上路亦都一定係首要開刀對象......真係唔明點解唔比慈雲山以更快的走線去尖沙咀。

DIH 發表於 2020-11-15 18:16
慈雲山落土瓜灣，理論上有直車都唔會轉鐵，點解有個5P提速機會都唔畀？改完都係塞落5C碌下路兼遠咗(經富山 ...

可以經漆咸道+快啲 紅繞過公主道連接路係有個位可以屈入紅火平台 回程就可以紅火平台落返紅磡道

xdxd 發表於 2020-11-15 18:33
1.5X唔使塞黃金交叉？
2.所以升5P全日除咗掟行雙鳳街落山之外 仲可以經紅磡道 紅繞直接爆過去 唔想放棄尖 ...

我建議5X去尖沙咀改行亞皆老街天橋+公主道直插理工大學。除了早繁之外，係肯定會快過上路不停站，車程亦十分穩定。(早繁5X服務另有安排)

2076 發表於 2020-11-15 18:36
我建議5X去尖沙咀改行亞皆老街天橋+公主道直插理工大學。除了早繁之外，係肯定會快過上路不停站，車程亦 ...

1.唔明亞皆老街飛橋點駁公主道 定你指迴旋處嗰個？
2. 公主道點會唔塞 同紅隧車爭都有排磨 紅繞直飛點都唔塞
3. 又要再講 非繁尖沙咀↔慈雲山會有幾多客？ 5X載嘅客應該會少過3X 少咁多旺區 咁如果有車比慈雲山不如升3X啦
5P 唔同喎 喺可預期冇咗5仔(5C食)同5A(5D食) 個人屬意連14都冇埋(15食) 得翻26+半條15/297 (E23/796X) 做埋上路來彩虹道/慈雲山客 一定唔怕運吉啦

xdxd 發表於 2020-11-15 18:52
1.唔明亞皆老街飛橋點駁公主道 定你指迴旋處嗰個？
2. 公主道點會唔塞 同紅隧車爭都有排磨 紅繞直飛點都 ...

另外點解係留15而唔係14呢
近期有啲事要住藍田一排 早繁多數要搭15→108 落山嗰陣坐滿 相比之下望到14仲有走廊位
非繁就唔穩定 但係多數15都多人過14 係咪真係留14我表示懷疑

2076 發表於 2020-11-15 18:36
我建議5X去尖沙咀改行亞皆老街天橋+公主道直插理工大學。除了早繁之外，係肯定會快過上路不停站，車程亦 ...

亞皆老街唔使停燈咩，特別係九龍醫院個段更加要停燈，公主道又係要塞

上路順著去好少停燈，如果紅隧隔離上紅磡站平台落暢運道天橋，係好快，比司機睇情況自由選擇上紅磡站平台過定係跟平時咁行，快過亞皆老街轉入公主道

你想上路得返14/26係冇可能，28得單邊，14/26唔到碼頭，26兜佐敦先到尖東，5/5P有存在必要，富山更加冇可能由上路車變下路車，十三街慢得離譜，富豪酒店ETA預106用5個字先埋紅隧口，116用5個字已經可以去到南洋酒店甚至sogo

尖東仲要唔係個個位近地鐵，近地鐡口都要行段路先到月台，九龍城地鐡口行好遠，土瓜灣馬頭圍唔係個個位都近，上落行一大段路，搭巴士方便同快，漆咸道返土瓜灣上路三個字

通咗地鐵，上路隨時同比而家英皇道差少少，流水keep著有人搭，而家sogo2A/77長期拉龍，上路冇5A/11/可能93K，14減少少班差唔多就夠
西港島線傷係傷長途客，例如銅鑼灣灣仔6 7 個站甚至港島東客，同埋轉鐡客，而家屯馬線個情況唔同，地鐵出尖沙咀係短途，巴士仲有市場，同埋轉鐵客都唔算多，而家巴士去到嘅地方唔似以前西環咁少，巴士競爭力仲係到

5X客源嘅問題其他版友有講，我廢事再講