屯馬線巴士路線重組集中討論

053h4 發表於 2020-11-12 11:34
都係個句, 大巴哥唔想做某一區, 會特別多地區矛盾.

例如之前將北, 隧道跑山可以嘈十幾年, 但話叫新巴開隧 ...

682咪新巴獨營
遲下將馬線又係新巴，到時可能會有改變既

tszhinchan3 發表於 2020-11-12 13:53
682咪新巴獨營
遲下將馬線又係新巴，到時可能會有改變既

將馬線招標有結果咩？
請問來源？

另外上面有人講到286M、89C和89D的問題。
如果我係九巴，應該會拉埋X89D落水，耀安(油站)去觀塘區位位收多$1.X。
雖然去程唔就腳，但回程站位都算吸引(近差館消防局果幾座唔洗過馬路之餘仲就腳d)。
當然，條線係九龍既服務範圍就...

Quanta 發表於 2020-11-12 13:51
5A取消? 九巴咁辛苦踩到入啟德 應該會保佢
3B雖然有獨市位，但有貴啲嘅5C下九巴應該都想斬 ...

不妨睇下我喺呢棟樓 #5 分享出嚟嘅Google docs，模擬屯馬綫通車後嘅巴士路線重組。
基本上屯馬綫全通之後，5A線係立斬嘅，嗰篇文應該夠詳細解釋原因。

要剁5A，唔係我無情，亦都唔係九巴、運輸署殘忍，只係你無理，睇唔清5A線喺延長去啟晴邨之後嘅定位(唔好忘記佢之前係喺盛德街作結)

沙中線基本上對紅土一帶巴士線帶來斷崖式客量下跌......暫時先談論屯馬綫全綫通車，東鐵未過海前的影響。
感覺上紅土一帶的重組會近似西港島線通車時，大刀闊斧整頓流水線。至於沙田來往市區則會近似南港島線通車時，整頓車程及班次均不具優勢的路線。可幸的是，獅子山隧道及大老山隧道相比香港仔隧道，南行擠塞情況只限上午繁忙時間，但相對的是，北行於下午繁忙時間會有擠塞，變相非繁忙時間客流不足的路線，亦未能受惠於繁忙時間好客時段拉上補下。
分開番幾類路線，逐一講下我的看法。

1) 沙田來往觀塘的路線
基本上係沙田圍/大圍/顯徑一帶行獅子山隧道的路線比較大影響，但根據觀察，因為有黃大仙撐住，80/89B跌客未到要去到取消的水平，預料下場會同南港島線通車後的75/90相似。
至於行大老山隧道的路線，除了80X長期載空，有機會與89B整合之外，89C客量亦未下跌到要取消的水平，預料下場會同南港島線通車後的96相似。89D依然旺場，則預料頂多會輕微減班，預料下場會同南港島線通車後的592相似。

2) 沙田來往黃大仙的路線
286M客量斷崖式下跌，加上本身的接駁鐵路定位，與鐵路完全重疊，預料下場會同觀塘線延線通車後的212相似，即係取消。
84M受惠於第一城客非常支持巴士前往黃大仙及樂富，客量沒有大轉變，估計大致維持不變，或會與82X作出整合。
82X因84M的存在，變相只靠廣源的乘客，相信會與84M或85A作出整合。
85M客量出現下跌，但因為恒耀/錦英苑不接近鐵路，加上有車程優勢，未到需要取消的水平，有機會與85X作出整合。

3) 沙田來往紅土的路線
因鐵路能直達紅土各地段，只有近九龍城碼頭一帶是遠離鐵路，加上由獅子山隧道並沒有快速路徑前往紅土，而紅土客源基本盤小，相似於港島西區，因此直達沙田區之需求或因鐵路搶佔市場份額後，變得不足以令巴士繼續營運。
85B客量一向欠佳，與鐵路完全重疊，預料下場會同觀塘線通車後的212相似，即係取消。
85A情況好少少，有富豪花園、廣源等不近港鐵地區，但其餘區域則與鐵路重疊，預料會被取消或與82X作出整合，集中服務不接近鐵路之地區。
85估計客量會有下跌，需要減班，但未到需要取消的水平。
85X情況不甚樂觀。現時石門及第一城客的站位均不及鐵路石門站及第一城站理想，若乘客希望前往紅土，極大可能前往港鐵站乘鐵路直達，以節省前往大涌橋路/小瀝源路的步程。加上第一城、頌安、耀安、家維邨都有2蚊機，未來翔龍灣/偉恆昌亦很大可能會有2蚊機，距離港鐵站稍為遠少少，85X有希望用就腳優勢搶客的地區，係全部都有2蚊機，變相85X連車費優勢也失去，加上港鐵車程估計至少同85X相若(小瀝源路至譽.港灣 vs 第一城至啟德，85X及港鐵均為15分鐘)，石門至馬鞍山-紅磡至宋皇臺 一段，港鐵車程更為優勝。85X具有優勢的客源，恐怕只剩下兩端目的地均需要步行10分鐘到屯馬綫車站的乘客，即是 耀安/濱景花園/銀城街-九龍城碼頭/鶴園街/家維邨 的乘客，因此我估計85X會在與港鐵的競爭中落敗，尤其是繁忙時間，所以有機會需要與85A/85M作出整合。
另外就係紅土總站擺位，到底應該85走線擺九碼、85A走線擺九碼定係85X走線擺紅磡? 相信85走線因為馬頭圍道同鐵路打到正，會被優先取締。85X走線相信會係主流，食返九碼同家維邨一帶唔想行的客。

4) 慈雲山、順利、樂華等半山區，途經紅土後，往尖沙咀的路線
慈雲山在沙中線通車後，地位就像香港仔在南港島線通車後。理論上不能受惠於鐵路通車，頂多提升接駁鑽石山站的服務，例如205M提升至全日服務，正如南港島線通車，提升了香港仔接駁黃竹坑站的服務。但因為部分路線途經紅土前往尖沙咀，變相亦都會錄得客量流失，所以亦都會有可能作出重整。
5大部分與鐵路完全重疊，但仍有富山獨市位，類似於跑馬地，估計會有重組計劃，有可能為富山提速往尖沙咀，亦有可能併入5C，或者大幅減班，預料下場會同西港島線通車後的1相似。
5C因收費較高，估計會成為土瓜灣下路的主軸流水線，九巴大有可能大量削減與5C同路的路線班次，以保5C頻密班次以便收取$5.8，預料下場會同西港島線通車後的23相似。此外，九巴亦有可能將5X全日化，以便吸引慈雲山乘客回流，以及減少重組阻力。
26路線直接，而且受四順居民歡迎，並作為該區唯一前往尖沙咀的路線，亦沒有提速空間，加上5/14等路線均有被取締的可能，以及$6.8的收費，大有機會成為上路主力流水線。
28路線直接，因為收費廉宜而受樂華及牛頭角居民歡迎，加上走線具有獨特性，有機會與5整合，服務上路來往尖沙咀碼頭。

5) 啟德路線
5A與港鐵全程重疊，按照常理理應立即取消，但因九巴有意搶佔啟德區市場，仍有機會借5D需服務流水需求之名，併入5D。預料下場會同西港島線通車後的5相似。
5D路線稍為遠離港鐵，亦有服務沒有港鐵的麗晶花園地區，但因客源基礎不足，而且班次減無可減，只有兩個選擇，取消或與5A合併，嘗試以一條路線服務兩條路線的客源。

6) 黃埔路線
8A及8P在觀塘線延線通車後仍然沒有大改動，估計未來發展最多為進一步減班，或有可能因屯馬線通車後，由黃埔乘坐鐵路前往紅磡及尖東更為方便，而取消8A服務。
12A服務眾多獨市流水，相信不太受影響，未來發展最多為減班。

7) 何文田路線
7B及8在觀塘線延線通車後仍然沒有大改動，估計未來發展最多為進一步減班。
41及45於何文田-九龍城碼頭段部分與屯馬線重疊，但因新界段41提速計劃亦遭反對，有機會借鐵路通車之名，削減41非繁忙時間服務。

8) 紅土流水線
11與港鐵全程重疊，預計會被取消，九龍站一段有機會會被14取代。
14雖然與港鐵全程重疊，但因作為油塘區唯一流水線，預計會被保留，並作為上路流水主軸。
15與14及港鐵大幅度重疊，預計處理平田流水問題後，會被取消。
17擁有何文田天光道獨市位，估計不太受影響，但有可能借鐵路通車而減班。
2E沿途沒有太多獨市位，估計不太受影響，但有可能借鐵路通車而減班。
6C作為旺角唯一前往紅土路線，加上現時客量充足，以及收費$5.8的原因，估計減班了事。
6F大幅度與6C重疊，或會與2E/6C整合而取消路線。
11K與13小巴重疊，但有竹園獨市位，取消阻力大，有機會與其他路線重組，或進一步減班了事。
3B大幅度與5C重疊，估計與5/5C整合後會被取消路線。
21部分與26重疊，但因能進入彩雲總站，以及收費是各線中最為便宜，有機會被縮短路線至九龍城碼頭或進一步減班了事。
11B與鐵路重疊，但沿線部分區域前往九龍城碼頭並沒有更為便利的路線，以及收費便宜，估計進一步減班了事。

9) 將軍澳/觀塘半山來往紅土服務
93K走線問題早已存在，加上105小巴競爭，估計會轉型為康翠-尖沙咀特快、觀塘-紅土特快或取消路線。
297客量基礎不足，有機會借鐵路通車而被取消路線，或改道以吸引更多乘客。
11X走線奇怪，往上秀茂坪方向有機會與其他路線整合重組。
15X或有機會全日化，全日掠水。
796X作為新巴唯一紅土路線，與港鐵大幅重疊，土瓜灣上路乘客預料會流失，但因行車速度理想，都未必需要重組，但減班就難以避免。

10) 其他路線
61X有機會借鐵路通車而減班，令乘客多付車費改乘258D/259D來往黃大仙及屯門。

053h4 發表於 2020-11-12 11:34
都係個句, 大巴哥唔想做某一區, 會特別多地區矛盾.

例如之前將北, 隧道跑山可以嘈十幾年, 但話叫新巴開隧 ...

將軍澳個問題係好多方面的, 本身唔少位都燈多+多行人過路線, 特別係尚德同調景嶺等既將南一帶,
好似290而家呢種模式, 先後行晒將南 <> 坑口 <> 寶林 <> 山上, 你睇呢個版幾多 290 post 都知幾多爭拗幾多麻煩野,
好多時做地圖黨既會睇到係走線+站位問題, 自己區搭開既仲會知道埋等燈會用多幾多時間..

將軍澳既唔提太多啦, 出面D po已經多得好緊要,係呢度再講盞又幾十頁, 所以回歸沙田,

我覺得九巴起沙田馬鞍山短期都唔會推一輪新既雙向分段住架喇,
正如你最尾果點所講, 就算真係做, 都做左北區/大埔果邊先,
個輪次點都未到沙田馬鞍山

2076 發表於 2020-11-12 15:55
沙中線基本上對紅土一帶巴士線帶來斷崖式客量下跌......暫時先談論屯馬綫全綫通車，東鐵未過海前的影響。
...

我只回應 1) 沙田來往觀塘的路線 果part啦,

89D/89P 呢排朝早其實真係跌左唔少客,
因為成個十月既馬鞍山路/亞公角街塞車問題突然急劇惡化, 回復返 2019 年甚至比當時更差情況,
前幾年若果8點上到89P既話基本上9點唔會遲到, 但10月係講緊7點半上咩車都遲硬... 結果送晒客比屯馬線,
而下繁其實89D而家都繼續旺場既, 上層去到創紀之城/定富街已經坐得7788

80X.. 冇你所講咁差吧? 就算係應該非繁時吧, 放工時段 80X 客量問心不差, 然後大老山隧道又有獨市位, 就算開刀重整都唔會首選整佢先,
89C 依然係石門/第一城 vs 馬鞍山海皮固有既利弊問題, 連帶 286M 情況黎講 89C 情況係唔湯唔水, 整唔整佢問題都係多

如果真係搞 80X/89B 重組, 其實都要拖埋 80 落去諗諗, 因為80,89B我感覺都有少少互補既角色做緊

2076 發表於 2020-11-12 15:55
沙中線基本上對紅土一帶巴士線帶來斷崖式客量下跌......暫時先談論屯馬綫全綫通車，東鐵未過海前的影響。
...

回應你紅土流水、慈雲山個啲，其他唔熟

我諗 11B可能會同11X/15/15X整合，此終太平同獨市位少，可能15改行全段下路頂走11B，11X跟15X飛站返觀塘，15X可能發大嚟做，11X 有安達臣，如果拉埋上去就一定冇事，15就減，11X/15X可能有一條改行欣榮花園，家計會直飛九龍灣

28應該唔太關事，最多交一兩部出嚟，減到回程返樂華減唔到出去尖沙咀個邊

上路會唔會比5P全日，換5減班，畢竟有慈雲山同埋行上路算快同直接，變5/5P/14/26做上路主力，5X全日就難啲，5P有流水但都夠快

11應該死，但BBI要補足，特別係黃大仙，最差情況可能5要入黃大仙總站

下路有啲位唔近地鐵站，但5C似會做主力，21/3B/5D是但死一兩條，如果15好似跟我咁講推咗去行木廠街下路，隨時下路21/3B/5D全死，九龍城BBI

可能有啲車會比咗慈雲山開特快，同埋紅土觀塘11X/15X特快

kwn1029 發表於 2020-11-12 16:11
我只回應 1) 沙田來往觀塘的路線 果part啦,

89D/89P 呢排朝早其實真係跌左唔少客,

基本上上繁大老山已經失去希望，同南區塞香港仔隧道冇分別，所以要搭鐵的都會搭晒鐵。或者早繁cut大老山巴士，換下馬鞍山直達北區/大埔區/科學園，方便區內客返工好過。
下繁因為彩虹上大老山仲未係塞死，加上放工唔趕時間，所以巴士仍然吸引。

80X同89B幾乎一定要重組，80X非繁嚴重載空，但同意你所講的沙角獨市接駁大老山，cut唔到，所以變相一定係80X食89B。

80顯徑圈或者只行隆亨圈，兼且改方向，顯徑倒晒落鐵。即係出市區順時針行隆亨圈，第二次經新翠就停站補89B位，返美田方向逆時針行隆亨圈，第一次經新翠就停站補89B位。

至於沙角來往黃大仙，或許非繁80X大老山後經鳳德、黃大仙總站、四美街返彩虹原線，反方向彩虹後經四美街、黃大仙總站、鳳德、鑽石山站總站返大老山隧道原線，甚至補大老山85M BBI/新翠80 BBI比沙角算數。

boco1211 發表於 2020-11-12 16:47
回應你紅土流水、慈雲山個啲，其他唔熟

我諗 11B可能會同11X/15/15X整合，此終太平同獨市位少，可能15改 ...

11B同11X整合機會大，但都要考慮返翠屏道獨市位，以及九龍灣站/啟業/采頤花園<>九龍城碼頭的空缺。
拉15落下路其實可行，因為平田流水好難補，17就去翠屏道頂11B個位，14專做上路。不過九巴口味應該係11X/14/15X/17的組合，而唔係11X/14/15/15X/17的組合。

28影響甚低，但衰在價錢牌，$5.8去到尖沙咀同213X爭樂華/牛頭角客，九巴絕對有動機去搞28，但點搞就諗唔到，因為點搞都唔會好睇。最掠水重組方法係213X來回繞經樂華總站及尖沙咀碼頭......然後28縮短去紅磡區，去樂華方向行紅磡繞道，去漆咸道南返回原線。樂華來往尖沙咀碼頭位位加價到$7.5/$8.5.....

上路大大條鐵，估計死剩14、26同隧巴線，好彩的話會有5/5D，唔好彩的話連5都提速飛走埋上路，順手取消分段收費。慈雲山落尖沙咀特快唔駛諗，一定係5X，除非5P無端端收到$6.8。11的BBI，14/26富豪東方轉9號就搞掂。鐵路通車車費上調南區早有先例。

下路雖然有啲位唔近鐵，但去計埋行去地鐵站，去遠少少的地方，只要係鐵路沿線，車程仍然有優勢。5C下路主力幾乎係必然，加埋15就真係其他路線可以準備被陰乾。更甚者，係用11X+5C做下路主力......