屯馬線巴士路線重組集中討論

dennis28a 發表於 2021-1-30 23:56
10 分鐘就兩睇，正如前面講家維邨班人唔會搭鐵，
當你知道家維邨 2 蚊機使用率幾高果陣，就會發現居民係 ...

前面好似係話由唔同地方行去家維，再由家維行上何文田站嘅吸引力較低…？
aii唔緊要
我唔否認2蚊機使用率低，攞下面2076師兄話嘅6C/F嚟做例子，比著我都會揀搭鐵而唔係巴士啦。
但係當本身連去2蚊機都有返一啲距離，又係咪真係咁大吸引力呢？
仲有一點，家維去何文田站，無論係大出口定仁風街，都係大約三、四百米距離。但偉恒昌去麥記係接近六百米，翔龍灣係七百幾米左右，同海防道去佐敦道嘅距離差唔多，差唔多一個地鐵站嘅距離，係咪真係會有你哋想像中咁多人轉搭地鐵呢？
攞85X嚟講，十三街係唔生性，大隧下繁同樣唔穩定，但行一段唔短嘅距離轉沙中線，又係咪真係有咁高吸引力呢？

FBI2 發表於 2021-1-31 00:37
紅土最大既問題係道路網,所以乜巴士入去都死,結果班客落晒地底.

成個紅土巴士想做得住,一係要夠密,一係 ...

呢點啱，但我咁改41又未至於做唔起嘅。
即使全日30，但點都係要用返6、7架車做，抽極都有個譜嘅。但咁樣改落荃葵，無錯係幫唔到44手，但相對地做到嘅客源多唔少，而陰得嘅線都有多啲選擇，30X/33A/37之類。
當然，厹鐘意keep住30分班去執44客，我都奈佢唔何，要煩嘅嘢都少好多；但係喺同樣甚至少啲資源做到嘅嘢唔少，亦都更對地區口味嘅話，我覺得值得執下。

另外，唔少版友(包括師兄您在內)都值得尊重(除咗某啲覺得自己好現實嘅人)，但有啲線係出現錯判，有啲瘀血值得殺，去cut更多車嘅相對輕手(例如6F，基本上掟架車落202再改202走綫其實已經殺得，但係你寧願減6F一車，又或者3B等等)；但有一兩條未必需要咁重手(主要係85X)。

xdxd 發表於 2021-1-31 11:58
呢點啱，但我咁改41又未至於做唔起嘅。
即使全日30，但點都係要用返6、7架車做，抽極都有個譜嘅。但咁樣 ...

良性討論是非常好而且值得尊重，意見和立場不同也很常見，只要大家知己知彼，多角度思考，得出的效果往往是最佳。每個建議都有利有弊，多聽不同意見也是很有用，也許會想到一些新看法。

不過，現實上，要做一個全區大重組，今天已不容易，北區和元朗區域性重組落地咁多年，到今天仲俾人鞭緊屍，就明白而家班官都唔敢破格改革。我自己都想做起202去殺6F，或將6F改行上路去殺93K，但預計地區意見會好大。情況等如41一樣，點改都唔完美，但係又唔合乎成本效益，最終諗到一係求其交數，一係行政指令成條斬線。

FBI2 發表於 2021-1-31 12:34
良性討論是非常好而且值得尊重，意見和立場不同也很常見，只要大家知己知彼，多角度思考，得出的效果往往 ...

劉國勳當年支持北區搞區域性重組，新開既線其實幾受歡迎，好多都加班、轉全日，九巴講過北區乘客量係有增加，但始終牽涉資源再分配，總有人係唔開心，所以到左今日仲係大把人喺網上面不斷抽水、鞭屍
莫講話大型重組，每年RPP除左普通加減班項目易d實行，一牽涉路線改動，不論延長、縮短、加經，改路，傾足成年都無結果落實唔到

jocosben 發表於 2021-1-31 14:25
劉國勳當年支持北區搞區域性重組，新開既線其實幾受歡迎，好多都加班、轉全日，九巴講過北區乘客量係有增 ...

知易行難
好似將軍澳咁
寶林，調景嶺，環保自己都有直出
佢哋肯唔肯大洗牌？

仲未計兩家為鬥氣爭食嘅尚德同環保
兩間公司點樣「分餅仔」？

而且仲有行山定行隧道呢個有無敵收視嘅topic
（跟手馬生仲隨時叉埋隻腳落嚟嘈嘈嘈）
根本就冇可能「解決」

jocosben 發表於 2021-1-31 14:25
劉國勳當年支持北區搞區域性重組，新開既線其實幾受歡迎，好多都加班、轉全日，九巴講過北區乘客量係有增 ...

新路線開大家都有so，但係改線好易涉及對區利益（尤其今屆山頭主義嚴重咗好多），所以一年、兩年過去，都傾唔到囉

FBI2 發表於 2021-1-31 12:34
良性討論是非常好而且值得尊重，意見和立場不同也很常見，只要大家知己知彼，多角度思考，得出的效果往往 ...

其實北區我係認為做得好成功......277E、978、270B的開辦，其實係3贏。

唔趁鐵路重組做大規模的區域重組，只係容許cut車方案落實，結果就好似西區同南區，巴士服務每況越下，南區香隧線條條都開30，590最後都係取消，又乜都換唔到，西區條有用的5仔又冇埋，5X/18P又搞到不似線形。如果南區鐵路通車果陣唔做重組，華貴到宜家都唔會有架咁好用的70，而係得番30分鐘一班的43X。西區宜家都係攬住唔會搭的101、104，101X就全日無期，又係唔係一個理想的狀況? 觀延果陣，何文田乜都唔搞，結果7B/8/18/41/45就又係每條線都30分鐘一班......宜家cut車後先諗重組，就完全唔夠車搞了。未來只係會越減越疏。

不過屯馬綫通土瓜灣，變成重疊的路線係自將軍澳綫同西鐵綫通車後，受影響最多的一次。當年都有cut線同重組計劃，如果條條變30分鐘一班，相信都唔係居民所樂見的。