屯馬線巴士路線重組集中討論

kwn1029 發表於 2020-11-13 10:45
總站上就收全費, 下個站就收平個幾, 你呢個到底係咩玩法..

大老山隧道轉車站玩法，唔想大老山轉乘客用比轉85X平的方法落紅土。

5仔一直都係做緊呢樣野，對於調整收費非常有效。如果唔係想用82X食11K東頭邨段，我係想回程分段去到中華媒氣公司先收$6.8，紅磡南道起收$7.5。

AVW28 發表於 2020-11-13 08:31
我估計改75X，樂富果邊會反應更大(先唔理區議員係邊黨邊派)。原因：1. 樂富會變左無車去大埔(搭74A唔係唔 ...

始終跨區長途線，站位方面係唔需要擺到去最就腳的位。
改75X，基本上係要加車比74A，改造佢專門做樂富黃大仙客，順手飛埋沙田，亦都可以提升埔公交通水平，至於行大老山定獅子山，就要再諗諗。
(行獅子山順路，亦都可以做番九龍灣商貿區，但行大老山可以比埔公轉車，加上如果行獅子山，鑽石山就要兜樂富先入到沙田)

RyanPun 發表於 2020-11-13 09:57
鑽石山同黃大仙至少有仲有85M，先唔講班次問題、牙力比樂富橫頭磡少好多。

所以我有理由懷疑，九巴好早 ...

可惜的是，相比85X，75X更值得做紅土特快，因為巴士來往大埔紅土的競爭力遠遠大過沙田區。當然，85M/85X/75X/74X/74A的重組，應該等屯馬綫開通後，睇到85X跌幾多客先可以下定論。如果85X之後係靠大隧轉車客支持，直達石門/馬鞍山的客係少過轉車客的話，85M/85X/75X/74X/74A的重組就應該要推行。

AVW28 發表於 2020-11-13 09:21
就算係85C年代呢度都已經有人咁講，當年由紅磡碼頭搭85C返馬鞍山，成45分鐘都未入大老山。如果近火車站既 ...

其實我成日係度諗，如果當年九巴繼續留85C同86C係恆耀，由得佢地之後入77區，會唔會造成而家85X同286C兩頭唔到岸既局面？
睇返4條77區線（81C、85K、89C、43X），當年利安錦英落成之後，九巴就立即開新線（87D、86K、89D、40X）對應，反而85C同86C就延長。
當85M係對應85C唔計，如果當日九巴肯開86D第一城上隧道去深水埗，85X同286C會唔會造成而家進退失據既局面？

2076 發表於 2020-11-13 10:41
我諗住係借17之名，加翠屏價......又密咁多又去得遠咁多，或者回程都可以$5.1，只係富豪東方返觀塘其實除 ...

1A同16都唔怕啦，反正佢地都唔夠載，班次夠哂密
等唔掂就會自自然然衝上去

只係原本係觀塘道沿線返觀塘/或者係觀塘返翠屏客係捱緊貴

未入到觀塘觀塘道返翠屏收緊$5.1已經係好趕客 (地鐵講既係$4.8既時候，但要上上落落落車要最少行10分鐘)

紅Van啟業起上車返觀塘市4蚊..........

觀塘市中心返翠屏都貴過11C/13M ($4.3)

11B觀塘流水收得平? 又真心未必係

RyanPun 發表於 2020-11-13 09:57
鑽石山同黃大仙至少有仲有85M，先唔講班次問題、牙力比樂富橫頭磡少好多。

所以我有理由懷疑，九巴好早 ...

85X改到快係其中一個原因係鑽石山返第一城/馬鞍山有更好的替代，返馬鞍山搭85M快和平過85X。
但75X唔同，樂富嚴格黎講又得佢去大埔，鑽石山係就係仲有74X，但74X客量係點大家都知。
同係鑽石山出發，返大埔既時間大家接近。

所以先話75X飛走樂富，果邊應該會好大反應。
鑽石山更加唔洗講，聽聞九巴多年前就係試過下繁郁走幾班74X都嘈。
(結果：幾年前下繁74X分拆出74B和274X，但74X正線變左幾個字一班)

2076 發表於 2020-11-13 10:54
始終跨區長途線，站位方面係唔需要擺到去最就腳的位。
改75X，基本上係要加車比74A，改造佢專門做樂富黃 ...

你個建議我覺得ok，係除左大埔去黃大仙樂富要補位外，樂富去大老山都要補位。所以74A和84M都要加車先得，兩線的班次更加唔能夠疏過15分一班。至於74A係九龍灣商貿區既客，過比74B算，最多加BBI解決。

74A無得搞㗎啦
諗吓開74M/75M經大老山去樂富仲好過啦
咁75X就全日食咗彩虹道佢

tszhinchan3 發表於 2020-11-13 11:02
其實我成日係度諗，如果當年九巴繼續留85C同86C係恆耀，由得佢地之後入77區，會唔會造成而家85X同286C兩 ...

都有可能。睇返而家入77區巴士線既客量，基本除左得43X係見得下人外，其他係非繁又點呢？
43X：如果40X當初係做荃灣市中心，你估43X會唔會有見得下人既客量？
81C：馬鞍山段差唔多空載，係出到第一城開始先多客
85K：錦泰前基本上係執810死雞多，富安後先叫好睇
89C：非繁富安前班班車10個客都唔知有無，而家好似連石門第一城既都唔太show佢
(第一城有入邨內兼班次更密既89X，碩門邨和京瑞廣場隔離大大個鐵站)
286M：客源同89C互扯，馬鐵出左市區後更少客

遲下欣安二期和錦駿苑入伙後情況應該會比而家更壞。
(原因：有得快邊個唔想快？)

不過我就有點唔同意85X和286C係兩頭唔到岸，因為兩線而家都叫草到班客，其中85X個定位又真係清晰，去紅土比過往85C快近半時間(相對上去九龍城廣場一帶就行遠左，不過都接受到。現時馬鐵出到啟德對85X的影響暫時無相像中大，始終而家啟德站附近好多地方都仲係地盤，配套發展未成熟，所以由啟德站去新蒲崗顯得唔就腳；不過通埋紅土幾站/果批地盤項目落成入伙後就難講)。至於286C，雖然九龍公司好hard sell呢條線，但九記的硬銷策略其實都算幾成功(馬鞍山/第一城去深長荔位位收多$1-$2，回程的站位又比86C就腳[西九龍中心vs黃金M記、長沙灣道vs青山道])，如意算盤都打得幾響(當然相對86C個客量差左就真)，西九龍中心巴總及其對面基隆街站已經成為左286C的大站之一(另外的大站仲有長荔街/光昌街、長沙灣徑/興華街、長沙灣遊樂場/元州邨等等)。