【三部曲之一】建議234X、30X二拆三改循環 [已修改]

Ricky403 發表於 2020-11-27 14:39
個人觀察逆向客係旺角打後比較多，油尖嘅外區客，其實通常搭去深水埗區，呢批客趕去塞爆2/6好過，上234X ...

其實可以用返你好耐之前一條 230 嘅方案，但我會放多 2-3 架車非繁 238X 延長上荃景圍，亦唔見得海濱多到非繁載唔到
我唔知道海濱點睇，但係 2-3 架車足夠穩定班次（事實上單計行車時間 3 架車應該夠加密），兜海濱巴總亦唔慢得過兜如心好多
淨返攞 6-8 架車開荃景圍 - 西約 - 尖沙咀特快，或者怕唔夠客亦可以西約 - 愉景巴總 - 楊屋道 / 沙咀道 - 龍德街 - 尖沙咀特快，似乎慳車好多
同一時間 234X 縮落高鐵站，可以減到 1-2 架車，想嘅話可以再一拆二

而對荃景圍而言，去到中港碼頭某程度上都好過去黃埔，亦可以尖咀特快去黃埔

Snoopy@FB8617 發表於 2020-11-27 16:51
Sorry睇漏左230唔入荃市不過旺角番荃威應該會抵消晒
另外大涌道無晒車落旺角以南可能係一個問題

福來邨可以搭230，只係落車行遠少少
滿樂祈德尊出佐尖都上哂西鐵，係爭個油麻地，呢個位要address嘅就加30X/234X<>42A算數

主打旺角返荃灣，其實可以順手解決埋祈德尊個問題
但係呢份建議主力改善荃景圍麗城巴士服務，無謂為咗祈德尊<>油麻地搞到荃景圍<>油尖旺要原路出入
再者，230做雙總站就要出多兩部維持同樣班次，相對累贅，呢兩部係可以考慮擺落934

tonychow 發表於 2020-11-27 18:36
其實可以用返你好耐之前一條 230 嘅方案，但我會放多 2-3 架車非繁 238X 延長上荃景圍，亦唔見得海濱多到 ...

坦白講，今次建議相對保守，主打密車
荃威麗城純尖沙咀特快，我最擔心係唔夠客撐起足夠吸引嘅班次
假如尖沙咀返荃灣接受到20分班唔落西鐵 (事實上要等15分鐘唔少人已經想走)，咁樣可以承你貴言，佐敦道以南循環，佐敦道以北兩條雙向線
純尖沙咀特快可以只配5-6架基本20分班，剩17-18架畀30X/234X，都開到聯合10分班，不過荃威麗城出油旺班客就係大輸家，230X/234P兩條晨早特快亦好難處理，去又唔係留又唔係

30X併238X可以活用資源，但個人始終對海濱態度有保留，併完238X海濱又唔會有甜頭，咁點解要讓條邨巴出黎？
如果30X兜海濱縮旺角，238X改快延長至荃威，或者過到，不過荃威唔夠位塞咁多條線，塞多條230已經夠哂飽
實際運作上相信會有幾班30X/230要借用30條坑泊車開車

Ricky403 發表於 2020-11-27 19:24
坦白講，今次建議相對保守，主打密車
荃威麗城純尖沙咀特快，我最擔心係唔夠客撐起足夠吸引嘅班次
假如尖 ...

其實而家 30X 234X 都唔係密車線，居民都已經（被迫？）接受左基本班次只得 15 甚至 20/25 既事實，我會傾向覺得走線同站位比起班次更重要

彌敦道南行上車，經尖沙咀返新界，真係離經叛道左少少

我個人口味，你最初 230A+234E 方案絕對係佳作，230 做荃威麗城西九龍公路尖咀特快亦相當唔錯，但今次方案係三次入面最唔理想

S3BL100 發表於 2020-11-27 23:59
其實而家 30X 234X 都唔係密車線，居民都已經（被迫？）接受左基本班次只得 15 甚至 20/25 既事實，我會 ...

呢個前提唔係絕對正確
客黎講，密車好過疏車，順路好過逆走
兩個effect會offset，所以疏車順路唔一定好過密車逆走

麗城叫做接受234X 15分班，但出奇嘅係AN2開咗之後，234X深水埗區都多咗客上車，可能受惠於協同效應
荃景圍唔見得接受30X 15-25分班，減完班客量不升反跌，相信比起以前開15分班已趕咗人落地底

之前個回覆講過一個走線上比較傳統嘅方案：
230荃威麗城尖沙咀特快大循環
30X/234X一齊擺九龍站聯合班次
但係230暫定只係夠客開20分班，未必好過西鐵+行路/駁腳，呢個係我最大擔憂
加上呢個方案底下，彌敦道旺角至佐敦每小時雙向減得1-2班，會影響稍後上葵涌/中葵涌重組計劃

Ricky403 發表於 2020-11-27 09:02
彌敦道南行左轉旺角道，再左轉洗衣街、太子道西，跟42返長沙灣道驟眼睇係可行
行亞皆老街就不了，太塞車
...

唔反對以上建議
但我覺得入西洋菜南街停個站會更就腳，雖然一樣會塞

Ricky403 發表於 2020-11-27 19:02
福來邨可以搭230，只係落車行遠少少
滿樂祈德尊出佐尖都上哂西鐵，係爭個油麻地，呢個位要address嘅就加3 ...

但係回程冇服務始終而家大涌道又唔係少客
無咩理由只為兩個山頭然後玩中間班客

其實我覺得跑循環未必比雙向用得特別少車
雙向可以玩私牌可以玩不對稱班次
但大循環一定要硬食所有班次係區內兜

Snoopy@FB8617 發表於 2020-11-29 14:01
但係回程冇服務始終而家大涌道又唔係少客
無咩理由只為兩個山頭然後玩中間班客

雙向線嘅「不對稱班次」，除非間距係車時十分一以下，否則效果唔明顯，不如大循環直接慳番出入總站路段同部分車時
FYR，90分一單，10分班要18架；順向10逆向20，私牌50分要16架
230個情況係，大循環可以90-100分就跑完，20分班出5架，15分班出6-7架搞掂
雙總站即使擺尖麼都要60-70分一單，20分班都要出6-7架，比大循環疏一格，用多兩架車

回程由油佐尖返荃灣市，除咗西鐵之外仲有佐敦紅小，選擇多而且可以同巴士競爭
荃威麗城搭鐵路要行一公里以上，紅小亦只做麗城，僅限油麻地長沙街同佐敦道站頭，荃威更加係得巴士返到樓下
既然荃灣市除咗巴士仲有唔少選擇，我唔認為要擺佢地喺第一位

Ricky403 發表於 2020-11-29 23:59
雙向線嘅「不對稱班次」，除非間距係車時十分一以下，否則效果唔明顯，不如大循環直接慳番出入總站路段同 ...

西約海濱荃景圍三區，荃景圍基本上唔會搭西鐵，除非行 20-30 分鐘去西鐵站或者搭架差嘅駁腳車
然後西約直上公路代表走線一定去唔到荃灣市中心，所以我咁拆線目的就係等西約自己搞掂，你可能會話西約無 so 但事實上荃景圍 + 海濱可以唔用西約資源
238X 非繁開 15，加 3 架車上荃景圍應該可以加密少少，另外荃灣站 - 海濱亦單邊多咗車
如果荃威總站唔成問題，兩條線都可以荃景圍 - 荃灣站 - 大河道 - 海濱 - 公路咁行，當然我心目中方案係尖沙咀特快只停環宇海灣，咁只要係行楊屋道 - 大河道 - 龍德街走線，假設等 15 分鐘，只要 6-7 分鐘到尾站，再用 7-8 分鐘跑落高鐵站，大河道上車應該快過搭紅線或者西鐵嘅（比較返紅線 27 分鐘，等車 3 分鐘，又或者搭西鐵但用多 10-15 分鐘行路），即係 75% 荃灣 - 尖沙咀乘客可以以唔慢過地底嘅速度搭巴士，算係吸引
用車計 30X 11 架車將 6 架分俾尖沙咀特快，3 架落 238X，2 架就算要送俾西約重組都無所謂，咁西約就會有 14 架車自拆，又或者如果可以偷到 34M 車嘅話就更好

如果唔介意天馬行空少少，我心目中嘅方案係半放棄麗城 - 尖沙咀客源
234X 拆 2 條，每條 7 架車，第一條正常長深茘走線，唔多講
另一條，西約開，經海邊 - 祈德尊 - 大涌道 - 愉景 - 荃灣站 - 眾安街 - 大窩口站 - 不停站行青公飛橋 + 西廊直落旺角，行到佐敦轉入佐敦道上公路，跑三幹返荃灣，頭站荃富街
34M 3 架車就要諗邊度食咗單層佢，換到雙層返來就用 934 走線拉落海麗邨同 12 合併，應該啱啱夠跑
呢個慳車方案西約雖然無咗尖沙咀彌敦道線，但係可以多咗南昌大角咀一帶客源（留意返其實本身佢地只可以行出大路搭巴士或者更多係落咗地底），而 12 嘅站位亦未算不能接受
實際運作起來，回程可以係上車照俾 $4.9，荃灣段落車再拍 $5，好似 B2 嘅做法咁。
同時旺角特快對西約而言重要過尖沙咀特快好多，因為西鐵唔到
最大機會反檯嘅其實得原有 12 乘客。如果可以再加 1 車去加密班次或者回程經荃灣市中心，可能會比較易入口

tonychow 發表於 2020-11-30 10:47
西約海濱荃景圍三區，荃景圍基本上唔會搭西鐵，除非行 20-30 分鐘去西鐵站或者搭架差嘅駁腳車
然後西約直 ...

荃灣市中心我始終覺得有天橋網加一南一北兩個鐵路站包抄，除非巴士做到頻密班次 (10分鐘以下)，否則大部分客有鐵就上鐵
龜記自己八九點後大減班，先至有多啲客回流巴士，荃灣市中心個人傾向半放棄，只留30X同234X回程來往亞皆老街以北，剩低畀西鐵紅線同小巴有啲甜頭

荃景圍係咪搭海濱好過麗城我無意見，但無論點拆，一個總站再多兩條線機會好渺茫，唔好話荃威，愉景都無乜位畀你玩逆走
荃威其實行荃德天橋半山街海角街就出到西鐵站，分分鐘比灣景行出去更快，當然回程要行上山就差啲
你個尖沙咀特快，做大河道楊屋道不如踏踏實實做番麗城，大河道楊屋道三寶離西鐵都係太近 (隔得個荃灣公園)，仲有荃灣線都會分走部分客
麗城旺角特快去程要直出先至快得過而家234X，冇快過麗城不如要番一條234X直出九龍，班次起碼密啲又唔駛同其他小區share，至於回程無太大意見，唔會迫到紅小出聲反對嘅定線個人都OK