【三部曲之一】建議234X、30X二拆三改循環 [已修改]

Waiyin12 發表於 2020-11-28 21:47
唔反對以上建議
但我覺得入西洋菜南街停個站會更就腳，雖然一樣會塞

菜街最大問題係塞車無定向
30X/234X要聯合班次做番回程，揀條相對穩定嘅路行好重要
荔枝角道上海街算係咁多條擦旺角邊最穩定嘅路
再唔係就南昌街>大角咀道>櫸樹街>晏架街>旺角道，連朗豪坊倒塞都避埋，仲可以做埋大角咀，不過太子就要兜個圈先落到車

Ricky403 發表於 2020-12-1 12:35
荃灣市中心我始終覺得有天橋網加一南一北兩個鐵路站包抄，除非巴士做到頻密班次 (10分鐘以下)，否則大部 ...

留意返我個方案荃威只係多咗 1 條線，因為 30X 變咗 238X，真係多咗嘅得尖沙咀特快
然後呢，麗城又真係多咗 2 條線，但係仲有個海安路 40 總站可以塞條 12 落去，本身都係泊街
海濱因為 238X 變咗中途站，反而多咗個機會等其他線兜入去

至於時間，我一直鐘意用 75% 做標準（當然每人唔同），即係等車時間 *0.75 快過搭鐵就開特快線
眾安街尾二站仲要一直算係荃灣區客倉下，Google Maps show 13-16 分鐘私家車夠跑到落旺角 TOP 對出，當然實際上巴士會慢少少，但留意返上路加飛橋，唔使點等燈下真係塞嘅得西廊落橋，但呢個位避唔到，除非用 272X 走法
紅線荃灣 - 旺角 21 分鐘，等車 3 分鐘，行去地鐵站 3 分鐘，旺角站出閘 2 分鐘嘅話，如果巴士跑到落鴉蘭街可以喺 21+3+3+2-15=14 分鐘內，算係勉強吸引。當然實際上仲會有其他變數，例如如果夠車開 15 或者 15-20 嘅話，又或者吸到荃富街果頭嘅客嘅話，乘客應該可以接受到慢 3-5 分鐘到步甚至同鐵打和（例如去信和等地巴士有站位優勢），真係慢過鐵嘅得回程。但係我嘅方案係佐敦上公路，即係兜少你一個尖沙咀。當然另一個原因係我心入面係想做少少大窩口，所以先提出呢種行法。

尖沙咀用同一個計法計，唔重覆，而大河道不論行去西站定搭紅線，等車等 15 分鐘嘅話非繁應該打和甚至巴士快少少。
最後係咪一定要夾海濱做，我無意見，但係不論西約夾海濱定係荃景圍夾，都可以做到少少荃灣市中心，荃景圍夾西約無咗市中心，即係區外人唔會搭呢條線，條數肯定差咗。

tonychow 發表於 2020-12-1 14:23
留意返我個方案荃威只係多咗 1 條線，因為 30X 變咗 238X，真係多咗嘅得尖沙咀特快
然後呢，麗城又真係多 ...

海安路個站不時泊到好滿，無位塞多一條，荃威塞多條密車線都好勉強
灣景麗城條線如果只到佐敦，車程同覆蓋合理，其實麗城角度唔拆都得，甚至情願你唔好拆
再搵12拉入麗城，其實變相成個pool係倒多咗車落去
再者，海濱都只係爭A31，其他長線拉入去 (33、930X) 可能同時打殘邨巴，有好有壞

荃灣鐵路網絡尤其來往九龍西相當發達，仲有紅小爭食，荃灣<>九西巴士其實長遠趨勢都唔會點大紅大紫
我個plan係主打鐵路最吊腳嘅荃威麗城，且照計劃實行後，230中段會有兩架蛇可以拉去開至少五班934 (四班延時、一班下繁)

巴士同鐵路正面對打，始終有兩大問題：兩繁塞，非繁疏
除非足夠長途 (荃旺點睇都唔算長途)、全日客源足夠支持，否則多數都因為「巴士要等」「巴士要塞」打唔過
單就荃旺黎講，要做大全日班次的確應該上到15分鐘一班以上，先有啲機養到客
放車落荃灣市中心<>九龍西相當冇效率，順路經過還可以，主打就唔太值得
30X開密車嗰陣都做唔出好好成績，到而家天橋起哂，成村人落哂鐵，再搞條荃旺特快加934式舖天蓋地宣傳都未必吸引
楊屋道<>尖沙咀都係同一情況，西鐵站幾步就到，15分鐘落到尖沙咀，實在太快，巴士要等15分鐘感覺已經難頂

Ricky403 發表於 2020-12-1 17:43
海安路個站不時泊到好滿，無位塞多一條，荃威塞多條密車線都好勉強
灣景麗城條線如果只到佐敦，車程同覆 ...

明白呢個位真係好睇觀感。楊屋道 5 分鐘行落西鐵站，但同時西鐵非繁要等 6 分鐘（疫情期間仲要 7 分鐘），然後西鐵 15 分鐘，行到目的地多 3-5 分鐘，加埋已經接近半個鐘。預期就算巴士等 15 分鐘，只要巴士用 5 分鐘上公路，跑三幹直落（留意返跑三幹唔使停站下，巴士淨計車速係會快過西鐵少少嘅），除非去正尖東站出口附近，否則都算打和，當然有無人肯等就係另一回事，因為觀感好難講
加車落 12 無錯係加大咗個 pool，但同一時間南昌大角咀 - 荃灣一段其實 9 成人都會搭鐵，加上其實我講嘅重組只係攞咗 34M 3 架車甚至更少，視乎快線可唔可以用 6-7 架車跑完，即係將 30X 2 架分落 238X 唔加班，6 架開全日 20 嘅尖沙咀特快，西約兩條線分別用 6 架但只開到全日 20 甚至更疏，3 架落 12，當然呢個方案係唔理想嘅

Ricky403 發表於 2020-12-1 12:42
菜街最大問題係塞車無定向
30X/234X要聯合班次做番回程，揀條相對穩定嘅路行好重要
荔枝角道上海街算係咁 ...

上海街塞起上嚟可以好恐怖(仲差過彌敦道)

Waiyin12 發表於 2020-12-1 21:30
上海街塞起上嚟可以好恐怖(仲差過彌敦道)

咁可以先入大角咀再出番旺角

tonychow 發表於 2020-12-1 18:16
明白呢個位真係好睇觀感。楊屋道 5 分鐘行落西鐵站，但同時西鐵非繁要等 6 分鐘（疫情期間仲要 7 分鐘）， ...

究竟具體個時間贏唔贏到好難講，不如又搬下其他區例子
沙田280X有穗禾、青沙、西隧包底，都係15-25分班，你建議嘅荃威楊屋道尖沙咀特快，可能更加難做，西鐵等6-7分鐘，都係非繁，非繁尖沙咀特快太近西鐵，可能開20分班都成問題，但開疏車客又唔等
至於荃旺，想做起應該有同81相若package
但長遠去睇，當81/280X都唔係好搵得，荃灣九西無必要模仿沙田行哂市中心先上公路

12拉入荃灣叫做慳車，但對各區都唔算好有用
南昌<>荃灣，有西鐵唔重覆，道路網問題好難夠西鐵競爭
大角咀<>荃灣需求都係以繁時為主，繁時車程都係15-20分鐘，只係衰在要轉一次車，但唔駛迫最多人路段，唔見得好趕客
所以純粹係海麗<>荃灣會吸到新客，但信和做過幾年荃新<>海麗<>奧海城穿梭巴士，而人係唔算多
尖沙咀<>荃灣兩繁行車時間可能快少少，但沿路都係多燈觀感差，始終比唔上西鐵，唔肯定會唔會多番客

Ricky403 發表於 2020-12-2 21:16
究竟具體個時間贏唔贏到好難講，不如又搬下其他區例子
沙田280X有穗禾、青沙、西隧包底，都係15-25分班， ...

重點係，荃威楊屋道特快同其他方案例如荃威西約特快相比，點都經多咗一個市中心。
你用沙田比有個唔同嘅地方，就係荃灣都算係半個遊客區，例如有路德圍食街同一大堆商場，從區外客計去荃灣應該會多過去沙田
而我不論旺角特快定尖沙咀特快走線都係經市中心，就算尖沙咀去程最後只停到滿樂，5-7 分鐘都行到去路德圍，旺角線仲可以做埋眾安街
如果特快線只係經住宅區，區外人好難會搭條線入去，基本盤少咗一半咁滯。
12 其實我就只係想拆開旺角同尖沙咀處理，固然可以唔延長，但係西約會無咗尖沙咀直達線。當然我有諗過呢 3 架車仲可以將長沙灣道線經欽州街連翔道落尖沙咀，但係亦唔會好得過加落 12。如果夠跑嘅話其實可以單邊經市中心，好似 234X 咁，但係 3 架車就有少少勉強了，亦唔覺得轉循環係可行方案。而留意返尖沙咀返荃灣，正路乘客係會搭我條尖沙咀特快而唔係搭 12，除非想直車去西約。

Ricky403 發表於 2020-11-29 23:59
雙向線嘅「不對稱班次」，除非間距係車時十分一以下，否則效果唔明顯，不如大循環直接慳番出入總站路段同 ...

一般來講非繁忙時間會大循環較好
繁忙時間班次較密就會到雙向不對稱較好
特別大問題係下繁南行彌敦道大量中招位
去到尖咀無咩班次可言

而家大涌道又唔係交唔出成績
唔做仍然係講唔通?

tonychow 發表於 2020-12-3 11:06
重點係，荃威楊屋道特快同其他方案例如荃威西約特快相比，點都經多咗一個市中心。
你用沙田比有個唔同嘅地 ...

咁我要再adress多一次我個論點
我唔認為巴士可以做到荃灣市來往旺角以南乘客嘅top priority，哪怕係荃灣客定九龍客，除非投放不成比例嘅資源
但係喺九巴眼中，我要攞咁多車出黎做個無保證嘅荃灣市<>油尖旺，點解唔調去麗城/荃景圍，或934，甚至屯門/元朗/西貢？起碼就算吸唔到新客，都可以食老本
但荃灣市<>油尖旺老本就得而家30X嗰千幾客嘅三分之一左右，夠唔夠養？點都唔夠

30X/234X逆向客，從來唔係以旺角以南為主
相反，多數人喺旺角站後先上車/前已經落哂，後面幾乎全部都係執2/6/6C嘅流水客
留番最多人用嘅來往太子夾深水埗區畀荃灣市，分支去荃景圍/麗城，重疊段聯合班次
油尖旺重新打包，串連荃景圍同麗城做密車，效率必定好過顧埋荃灣市