九巴招標開發及提供九巴自家電子錢包服務

teddybus 發表於 2021-1-6 23:03
「出到qr code又點﹐你估有幾多人會用qr code 方式交易」問得即係我會，但而家除左你所講嘅的士外，都唔 ...

見過有食肆有，不過個交易速度比普通八達通機慢，甚至慢過普通信用卡機

試過幾次用qr code汽水機買野飲  （某服務商玩6減3）  我諗做一次qr code買賣 足夠嘟3次八達通去買3罐野飲嚕

lsc04d11 發表於 2021-1-7 06:34
試過幾次用qr code汽水機買野飲  （某服務商玩6減3）  我諗做一次qr code買賣 足夠嘟3次八達通去買3罐野飲 ...

的士這一些 "時間先決" 的交易情況﹐真係手慢少少都比司機啤﹐真係八達通拍卡好過啦。得罪講句﹐如果等online 驗證時司機被抄牌﹐都唔知邊個負責張牛肉干

用qr code 唔係唔好 (唔針對戶口有無餘額引起的問題)﹐只不過一般交易都需要 online 即時驗證﹐所以時間肯定長左。
如果去到網絡有問題的位置/網絡異常繁忙的區域﹐更加有機會出現交易失敗的情況。

你話去超市這一些店舖﹐慢少少都無所謂。
俗D講句﹐你等online 驗證時﹐你都要將貨品入袋﹐整體時間分別不大。
汽水機多數都唔會後面有人等候﹐慢D咪慢D囉﹐都係你自己吹西北風耐D之嘛﹐影響唔到人。
甚至乎﹐你在餐廳找數時﹐可以同店員吹幾句水﹐感覺會好得多。


在什麼情況下用什麼的交易方式﹐係一種人生學問。

現時﹐以我所知就只有alipay 的乘車碼係用offline 方式﹐佢唔會即時理你戶口有無錢﹐一律先 "放行"。
這個方式與拍八達通卡做比較﹐基本上無分別﹐唔係太需要睇環境去決定是否使用。

其他要即時online的交易﹐自己思考決定啦。

為左貪優惠﹐我都會在適當時間﹐用一些很慢的交易方法。
例如﹐google pay剛引進香港﹐唔同銀行都有不同的推廣優惠﹐我都去過7仔用google pay﹐每次交易仲要等足1分鐘才完成。
不過﹐成間鋪淨係得我一個客﹐唔阻人﹐無所謂啦。有人排隊付款﹐我一定係八達通啦﹐我真係介意比後面的人用45度角的眼光望的。


不過﹐我再講得清楚一點。
我上面講八達通個電子電包(qr code)﹐無講過唔會有人用﹐只係好少數的人才會用。
純粹基於運作模式及實際應用環境去講。

自家Pay系統咪即係學HKTVPay
終於明白點解要出九巴信用卡
好似用番HKTVMall買野用HKTVmall卡/門市HKTVPay俾錢
HKTV就可以直接同客收錢
HKTV唔洗食咁多重手續費
CITI又可以直接同HKTV Deal 手續費

053h4 發表於 2021-1-5 11:18
八達通唔到例如套票，日票，靈活性都差好遠。
品種一多變化大就難做到。
...

八達通先係最初有來回票同日票
記唔記得八達通機果四個制
當年上車先買來回票呢個Idea係幾好
可惜後期俾人Ban變咗自動折扣
而家堆制已經荒廢
除咗H12會用之外

dogdog002 發表於 2021-1-7 14:04
八達通先係最初有來回票同日票
記唔記得八達通機果四個制
當年上車先買來回票呢個Idea係幾好

其實佢係睇唔到一個重點﹐就係點去收費/套票包什麼野﹐根本唔關車票的媒體是什麼(qr code/磁帶/八達通卡/手機乜pay....)

根本個重點係在收費器及軟件。
車票/八達通卡本身係唔識計算車費的﹐亦唔知道套票/日票/月票是否符合使用細則﹐係要靠收費器去做計算及判別日票月票....是否有效的。


成個架構﹐只不過係收費器讀取/寫入一個code﹐作為票種/收費的記認。

而收費器係識得解讀這個code 係代表什麼﹐再去做對比是否符合相關票種﹐作出適當的收費。

這個code 係用qr code 又得﹐八達通卡入面一個record又得。



除非﹐八達通卡的儲存量問題﹐令到無空間寫入這一些code。
同一時間﹐又唔可以用另一種方式(收費器對比八達通卡號碼)處理。
這樣﹐才是八達通卡的極限﹐無法再增加多程車票的種類。


所以﹐佢話八達通卡唔夠靈活﹐只係軟件開發的問題﹐並不是真係做唔到。

dogdog002 發表於 2021-1-7 14:04
八達通先係最初有來回票同日票
記唔記得八達通機果四個制
當年上車先買來回票呢個Idea係幾好

B5 有來回票

其實我都絶對認同：用QR Code係論盡過直接拍卡既，但佢唯一最大既方便同優點：就係可以透過你既銀行户口增值或直接扣款，所以係唔會有話八達通卡負了值而不能乘車既極度尷尬場面！

kmbdennis 發表於 2021-1-7 19:24
其實我都絶對認同：用QR Code係論盡過直接拍卡既，但佢唯一最大既方便同優點：就係可以透過你既銀行户口增 ...

這個理由並不能夠支持的論點
成日都有人話自己戶口冇錢家嘛   一陣又好似某啲姐仔話1月1日新年俾人鎖左戶口。。。。

kmbdennis 發表於 2021-1-7 19:24
其實我都絶對認同：用QR Code係論盡過直接拍卡既，但佢唯一最大既方便同優點：就係可以透過你既銀行户口增 ...

純粹講技術性問題﹐戶口有無錢 "找數"﹐都係唔係太關是否用qr code。

其實只係關乎是否online 即時處理 及 信貸(承擔走數風險)﹐2者之間的關係。


八達通卡有自動增值﹐其實都係屬於信貸。
限每日一次自動增值﹐就係在走數風險作出平衡。
只不過﹐大部份自動增值都係綁信用卡﹐換句話說八達通公司已經將風險轉到信用卡公司之上﹐可以話係零風險。



普遍的qr code 交易﹐都係online 的。
佢即時在戶口扣數﹐無餘額又睇下有無其他自動增值的方法(eg. 綁信用卡/已授權於其他銀行戶口扣錢)﹐消除信貸問題。


而alipay hk 的乘車碼係建基於 offline﹐由於仲可以唔實名唔綁信用卡﹐係存在走數風險的。
不過alipay 就講明﹐可以出現負結餘坐車最少一次﹐而欠款會在信用卡(如有) 或下次增值戶口時扣回。
如果﹐有人真係坐完車兼戶口無錢﹐之後又一直唔增值﹐的確係可以走數的。

而alipay hk 好明顯就係自己承擔了這一部份的風險﹐所以做到offline 的交易。