屯馬綫全綫通車重組建議 (Part 9 - 取消11B[#59], 7/2更新)

boco1211 發表於 2021-2-7 17:18
係細節位俾啲意見

建議放工時間前都行和樂邨果邊落裕民坊新總站，唔使行迴旋處，放工時段先考慮行成業街 ...

其實成業街公園隔離就係法院，果度已經有15可以去到紅土。但係問題就係15號收緊$6.8，恐怕區議會反對由$5.1加價去到$6.8。
另外一個問題係本身和樂邨落九龍城有收$7.2的1A，以及收$6.8的13D，擺條咁密的17去和樂邨，變相將呢班客降價去$5.8。加上本身和樂邨都沒有去上路的服務，我個人認為多一事不如少一事，17行番成業街公園去裕民坊。
至於宋皇臺道加站，十分合理，已修改建議。

觀塘<>紅土都係有得做，但現時11B+14+15+17+11X+紅小+101半條+A22半條，明顯在鐵路通車後服務過剩，加上其實除17外，每條都開緊15分鐘一班開外，如果鐵路通車要交數，11B+14+15+11X齊齊跌落20分鐘一班，乘客只會更不願乘搭巴士。減少路線數目，換取主要路線不減班甚至加班，對吸引力來說應該不跌反升。而回程上路回觀塘更加有101+A22，所以服務水平算是恰當。(當然，15我建議緊非繁開12-15分鐘一班，或者可以考慮延長12分鐘一班時段，甚至只在101新巴時段內開到10分鐘一班搶客)

諗過一輪，覺得直接殺15X+14X行晒藍田油塘同埋紅磡尖咀始終唔太好。14X 15X值得分家，merge埋一齊其實麻煩過兩條留低。

企喺紅磡人嘅角度，內外各一條觀市線啱啱好。（內係下路、外係紅磡道）
而家師兄你改到11X行內線，家維下路包到晒，但外圍條14X無論係觀感定走線都唔及現有條11X。協和街即使停唔正觀市中心，但點都好過觀碼行入去。
15X客量好，但新14X經外圍而非家維，會跌一定數量嘅下路客，粗略估計每班二、三十個（之前搭12A嗰陣略略望過條15／15X隊），11X食得晒？
而家新柳街以南下繁係講緊兩條線去做紅磡－觀市，即使有鐵，但未至於跌走一整條線嘅客量（希望啦），況且該段係相對而言較遠離鐵路嘅位置，一條開15嘅線冇乜可能應付到。
紅磡道等11X嘅並唔係小貓三兩隻，但一條由油尖出嚟嘅線喺繁時仲有冇能力去再食紅磡道上嘅客？
我就冇咁樂觀，所以我覺得單靠11X同14X做唔嚟，會趕客落鐵。
留意返，唔係地鐵吸引力大，而係11X太滿，趕走部分留後嘅乘客。

另一方面，係油塘角度嚟睇，一條經藍田山同上路、紅磡道嘅線係咪會仲多客過而家？
我知14X做得唔好，油塘－佐尖巴士市佔率係低，但呢個有少少進一步趕客嘅意味。

講真，交數你斬得成5A、8A、11、14，5同3B又抽走唔少，淨係呢抽線都夠數，留返幾部車比紅磡、黃埔換返條15X似乎合理啲，條線循環／雙向亦可，去程九展直飛庇利街。
14X再改廣田開，去程唔大改，回程改行成段下路，紅磡段全飛，下路半直通，未必話快好多，但係我個人覺得會略略好過師兄你咁改。

簡單嚟講，我覺得14X食14嘅油塘／土瓜灣客而掟返藍田+紅磡外圍比15X會理想啲。

另外今日睇到17下繁返何文田嘅客量，覺得17有時非繁開下10分都得

xdxd 發表於 2021-2-7 23:03
諗過一輪，覺得直接殺15X+14X行晒藍田油塘同埋紅磡尖咀始終唔太好。14X 15X值得分家，merge埋一齊其實麻煩 ...

睇番現時非繁忙時間紅土區去觀塘，有15以及11X，一條行家維邨一條行紅磡道。本身15X其實係沒有非繁服務，所以我見唔到11X、14X、15X一齊全日的理由。
現時黃埔去觀塘，除了前往觀工會考慮搭11X成業街行過去之外，11X和樂邨行去APM係咪真係咁吸引就係我考慮的地方。黃埔去APM其實搭鐵會係吸引過搭11X好多，尤其現時的11X係假特快......反而觀工區，搭11X係非常吸引的。
新11X的走線就是參考15X的走線，希望全力服務家維邨+下路客，加上拉埋上安泰，其實未來絕對有望加班，我重組就是希望集中所有紅土<>觀塘的客源，做大一條新11X，希望未來11X會夠客開到繁時10-12分鐘一班，非繁12-15分鐘一班。14X在紅土的角色反而就會偏向輔助新11X，以及換取新11X唔需要再行觀塘繞道，可以改為行半直通直達九龍灣站。
下繁的問題，謝指正，其實班次果度係計少左，得返15分鐘一班新11X+20分鐘一班新14X，應該係唔夠載的。解決方法我會建議只在下繁開返15X，每20分鐘一班，加上新11X加到去12分鐘一班，柯打由15抽調。15X服務時段內，新14X不經藍田山，改經鯉魚門道直達聖安當女書院後，經高超道返回油塘。

至於油塘方面，我預左新14X往油塘方向只是提供直達服務，而客量則沒有甚麼期望，主要是希望紅土->觀碼/藍田/碧雲道的客可以幫補一下新14X。現時14X無定向班次已經嚇走晒佐尖回程客，反正都只是執215X雞，何不改一改佢，試下補洞，順便放走11X，令11X唔駛再行奇怪假特快走線。至於往尖沙咀方向，新14X絕對有可能快過現時的14X，尤其是早晚繁時段，當東九龍走廊塞車/觀塘道塞車，新14X的走線就能完美避開塞車位，加上可以幫215X全日飛走曲街，個人認為很值得改。油塘<>佐敦，個人認為很不值得做，因為有油佐紅小，加上客流唔算多，再加上要經加士居道死亡交叉。

紅土cut出來的車，估計要交100部出來，如果重組成功，令路線吸引力上升，保住載客率，未來再加番班就比較容易，例如是5C、11X、15、17、26、28，集中谷客落這堆路線，將班次推番上去10-15分鐘一班以內，好過保留大量路線，但條條都20-30分鐘一班。

另外，新11X其實是有可能改為服務黃埔/紅鷥道，但15往佐敦要加停紅磡站，以補償觀塘市中心往紅磡站的乘客，以及13X需要搬到紅磡站作為總站，以補償秀茂坪來往紅磡站的乘客。這樣一來，亦可補償紅鷥道工商區失去了15的漏洞。問題是如果新11X需要同時做黃埔/紅鷥道，就需要行循環。但11X循環應該一單超過100分鐘，如果不做循環，個人傾向擺黃埔。紅鷥道客由黃埔總站行過去的吸引力會大過黃埔客行去紅鷥道總站上車。但同時8A/8P重組就需要落實以騰出坑位，不知道黃埔居民有甚麼看法?

2076 發表於 2021-2-7 01:23
Part 9 - 翠屏路線重組
(11B/17)->(17)

取消11B嘅話唔該15行曬成條下路（跟85X）

11B其實似15嘅區間車，唔傾向大改，15落下路，同11B做協同效應好過

HM3044 發表於 2021-2-8 02:55
取消11B嘅話唔該15行曬成條下路（跟85X）

11B只到九龍城碼頭，為甚麼15要行曬成條下路?

觀塘<>九龍城碼頭有新11X

輔助15的角色還有17，半條A22，半條101，加上又有建議中的11X，服務十分足夠

2076 發表於 2021-2-8 01:54
睇番現時非繁忙時間紅土區去觀塘，有15以及11X，一條行家維邨一條行紅磡道。本身15X其實係沒有非繁服務， ...

事實上我並唔擔心11X嘅客量又或者走線點樣點樣，我認同你嘅改法絕對夠做，隨時食唔晒
反而我比較注重係入下窿罅、執下其他客嗰條，而我覺得14X唔係一個好選擇。
黃埔去觀塘嘅話，而家的確11X唔就腳，亦會係佔市場最少嘅選擇（15／鐵大致差唔多），但新14X一嚟連11X本身嘅協和、秀茂坪都做唔到，連淨嘅少少客都做唔到；二來換返藍田山、油塘？
新14X未必啱呢堆客口味，佢哋未必咁順攤行返落下路上返晒新11X。
藍田固然有返一定數量，但唔經下路都係如上述會少咁啲；但油塘－紅土一來競爭大，而導致巴士競爭力低啲，同時14／15嘅存在令紅磡去油塘嘅客會少過去藍田；二嚟回程反而更應該改行下路去cover返A22／紅小食唔到嘅客，行承啟道再出觀繞／啟福道速度都唔會好差（11X咁行應該會快過十三街+太子道半直通，但就做唔到九龍灣客）；三、停完觀碼、上完碧雲道先再落返油塘...我認為乘客會選擇保鐵多尤其是觀碼嘅路況真心趕客。
同時，現有11X都有啲轉乘客，8P同115無論繁時非繁，都有客等轉11X（8P轉115就下繁大約每班車10個度）。
我唔太認同新14X會做得返呢堆客。

講返自己諗／改嘅215／15X先。
要定線都幾高難度，想經晒碼頭、黃埔同紅磡道北行又可以盡量疏導下新11X，家維南行仲有條15喎...紅磡啲路又奇奇怪怪咁，好難砌得靚。
另外師兄條14X行得太開，其實幫唔到215X飛曲街，15X照有價值。
喺下繁會有15X開東行嘅情況下，我會建議215東行跟15X，再經紅磡灣、黃埔、紅磡道，盡力掃晒各區，但依然入唔到黃埔總站。
另一個方案，係15X直接加停黃埔同碼頭，而唔搞紅磡道，咁就唔會有215。
兩個方案都係九展後直達庇利街，下路不停站。
雖則11X同15X／215返觀塘站位掉轉，但係唔使好似11X咁塞十三街，而且觀感上都係快，係可以疏導到紅磡一帶嘅客。
但無論邊個方案都好，14X都好似我之前所講，應該雙向經下路同紅磡道，去程經承啟道上觀繞，唔好比紅磡內街影響油塘－下路－彌敦道呢段。

師兄嘅谷密部分線而斬其他我認同，喺地區嚟講，我覺得喺你嗰堆線入面加多條12A就啱數。
至於如果真係淨係攞11X去頂黃埔紅鸞道嘅位而唔係我提出嘅15X／215亦無不可，而黃埔－紅鸞道－紅磡南道呢個走線亦都可取，值得留用。

xdxd 發表於 2021-2-4 22:09
正常班次8P係三個字一班喎…武肺班次先跌多級啫

我搭嘅偏少客班次就差極都有雙位數喎…

唔係，聽講九巴武肺前有諗過將8P減到20分鐘一班，2月更加名正言順地cut咗車；係之後6X取消先加番15，不過7月又借啲意減到20分鐘一班；朝頭早更加係最難預時間嘅17分鐘一班

4分鐘? 我有搭過，6點頭班車。不過就算係7點幾嗰啲，都係基本6-8分鐘。
唔知你搭8P係幾時，不過非繁嘅時候，的確係5-6個，就算計埋武肺累九巴平均跌咗25%客，都係7-8個。呢個係比較近期嘅數字，一年前肯定唔係咁。

至於話8A少人過8P嘅，建議過嚟紅磡搭下。8A係少人由黃埔去尖沙咀，但係佢喺尖東同紅磡中途站嘅表現係好過8P，因為佢20分鐘由紅磡去尖沙咀，雖則可以行，但係仍然有啲人會唔想行，見4.3咁啱有車咪上囉。非繁全架車唔會超過10個人，但佢每個站都有人上/落。

AV296 發表於 2021-2-8 17:01
唔係，聽講九巴武肺前有諗過將8P減到20分鐘一班，2月更加名正言順地cut咗車；係之後6X取消先加番15，不過 ...

前幾日搭8P嗰陣數客，出到咁嘅數。
當然，你可以話係就嚟新年多人放假，我都覺有少少關事。
但我見親都冇試過個位數喎...
近呢半年我搭兩、三點打後嘅班次最少都車緊廿個人出入。

8A就...我唔會講到佢全程冇人上落，事實亦都唔係咁，但同8P比真係遜色咗啲咁囉

xdxd 發表於 2021-2-8 13:43
事實上我並唔擔心11X嘅客量又或者走線點樣點樣，我認同你嘅改法絕對夠做，隨時食唔晒
反而我比較注重係 ...

14X真係只係一條輔助線，都係建議繁時20，非繁30。黃埔去觀塘APM我真係唔會考慮11X，15就因為抽走左行上路，所以11X在家維邨就可以補到15的空位。新14X做到的位，同現時11X會比較類似，主攻黃埔去觀塘工業區，尤其係開源道。至於11X本來做緊的黃埔去協和、秀茂坪，14X改為做黃埔去藍田、藍田山、油塘，其實本質上係冇分別，都是唔近鐵的東九龍半山住宅區，但油塘反而會有黃埔居民啱用，協和秀茂坪對黃埔居民來說沒有甚麼用。11X本來做緊的紅磡道工廈，就算11X改行家維邨，個人認為紅磡道->協和秀茂坪都一定會行番入去搭新11X。當然，如果配合13X改去紅磡站、15加停紅磡站，將11X改為擺黃埔，其實問題自然迎刃而解，因為黃埔就變左可以去晒成個東九龍半山。15係去平田，14建議斬，所以新14X我建議行上路，填補上路去油塘的空缺。下路本身冇去油塘的服務，可以唔駛理。新14X行觀塘繞道，14由新蒲崗起去油塘的流水就有259D完美補位。我的看法是盡可能滿足到舊客，減少受影響人數，尋找新客源會是有餘力的時候才建議。所以新14X的作用係補番舊11X的紅磡道/上路->觀塘工業區，以及14的上路->油塘的同時，開拓紅土前往碧雲道的服務，以及食埋半條216M，爭取多一部車，因此，由於觀塘繞道->觀塘碼頭/成業街休憩公園的舊11X走線一定要有線去做，新14X這樣落一落觀塘碼頭實在無可厚非，14X油塘客本身就唔多，加上又紅小又MTR，我建議半放棄，反正高超道高俊苑高怡邨唔想行上山都一定焗搭新14X，高超道由碧雲道落的觀感都唔算太差，以及因為拉左16落鯉魚門邨，其實高怡高俊是有著數的。新11X建議的太子道半直通的原因，主要有3個：1) 要照顧11B取消後，下路以至十三街前往九龍灣段觀塘道的乘客 2) 運輸署對於九巴入承啟道睇得好緊 3) 11X/14X要在家計會互轉


11X的轉乘客，首先要知道佢地的起點和終點，因為我諗唔到在甚麼情況下會走去轉呢架假特快。尖碼去和樂邨秀茂坪何不搭1A/13X? (雖然1A係幾慢，但唔見得11X假特快好快) 尖碼去觀工有機會咁搭，但新14X其實比8P->11X更方便，因為新14X一樣係尖沙咀經紅繞、紅土、觀繞入觀工，尖東站/永安廣場客仲可以轉少次車。至於115轉11X.....改搭101轉新11X、新14X都沒有問題，反正101同115在港島走線幾乎同路。

紅磡區道路網問題我都諗爆頭，14X其實唔會幫唔到215X飛曲街，藍田恨215X飛曲街好耐了。有14X補位就沒有問題。如果215X唔飛曲街，14X就會唔上碧雲道，慳返215X cut出來的1車。下繁11X+14X+15X足以應付需求，應該唔需要4條線去做紅土->觀塘區，尤其在屯馬綫通車後，服務不減反增有點奇怪。14X行紅磡道->上路->觀繞，回程係行啟隧+下路，速度上都差唔多最快。下繁服務15X只需行單向，現時15X西行都係靠觀塘打爆，加密新11X即可，比起11X+15X聯合到站，加密11X維持穩定班次間距，避免15X跟11X尾載空方為上策，加上有新14X，沒有需要開15X西行。15X單向東行用來比14X下繁飛走藍田山，我之前的建議係食盡紅土區工商業上班區，即係紅鷥道->紅磡南道->機利士南路->蕪湖街->紅磡道->上路，家計會後半直通往九龍灣站去廣田邨，包到晒新11X同14X飛走藍田山後的範圍。

對，漏左12A。12A視乎情況都可能可以加密到一級班次去到12-15分鐘一班。