[建議] 73A, 新82K 合併改半特快，72 / 72A 半合併去西九龍

iseen 發表於 2021-1-24 07:20
73A 拉去聯和墟係等聯和墟多番少少選擇。

聯和墟去大埔本身都有 73B。73去聯和墟我講過，係要加車；而係 ...

冇錯聯和墟係有73B
但開咩時間你知唔知？

而家73同73A混合班次兼喺粉嶺同走一段路線先至令兩線客量重新有起息
是但只拉一條過去既話對客量就一定會有影響
尤其係聯和墟早晚只係得一條半小時既73A
聯和墟試問邊個會同你等？
有兩條線聯合有三個字一班車先至會有人有心同你等車
得番一條73A搵鬼同你等

kmb71k 發表於 2021-1-24 12:45
冇錯聯和墟係有73B
但開咩時間你知唔知？

先生，你要睇清楚一樣野:

1. 73會加到 15分鐘一班，同舊有聯合班次一樣。
2. 同舊73A / 73 唔同，新73A 行公路，會比舊 73A 快。
3. 聯和墟係新客區，同本身有幾密無關係。而舊路73+新路73A 都係聯合唔到到達大埔時間，聯合黎都無用，D人只會上快既73A。
4. 家陣有ETA，而直車比3次轉車會有吸引力。家陣唔係叫人係條街呆等，而係可以係屋企計幾時上車。
5. 聯和墟去舊路唔會有多客，而多數都已經上左紅小。

iseen 發表於 2021-1-24 21:02
先生，你要睇清楚一樣野:

1. 73會加到 15分鐘一班，同舊有聯合班次一樣。

聯和墟早晚只得一條半小時一班既73A往返沙田大埔仍然係不爭既事實
班次又疏之餘
去大圍又兜得耐
聯和墟只會繼續巴士火車往返

iseen 發表於 2021-1-24 02:29
今次72 所謂加班只係現有資源重新調配去造成既，
大埔公路已經實際由 每小時 8 車 跌落 7 車。
再減走架74 ...

分返清一件事係
每個鐘有幾多班車唔代表實際服務好與否
就算當年大窩西都係少左車一樣過到
講返以前大埔公路夠多班次
咪又係輸俾28K

kmb71k 發表於 2021-1-24 13:15
聯和墟早晚只得一條半小時一班既73A往返沙田大埔仍然係不爭既事實
班次又疏之餘
去大圍又兜得耐

其實新73A 都主要係會去大埔超級城、濱景、第一城、沙角呢D一程鐵去唔到既地方
巴轉鐵去到既地方，73A自然唔會搶到客。

其實W3都係25分鐘一班，而都唔係無北區客坐佢去沙田市中心。
73B 都係，大埔超級城都有人等三十分鐘一班去聯和墟 (記住仲要慢行大窩西)。
車疏唔代表搶唔到客，車夠直接既村巴班次自會有人夾時間等。家陣有ETA都唔洗怕唔知幾時有車。


不過，就係因為食左82K去食車，咁先需要拉到去美林咁遠。

首先，閣下嘅埔公一小時6班車論係咪指10分鐘一班有車去沙市、埔巿、埔工同深長荔，其他地方靠轉車解決？

第一，埔公去沙田有綠小28K
第二，我唔覺得埔公會樂意放棄粉嶺、第一城同東九龍直車
(那怕只係30/60分鐘一班)

其次，搞咁大坦嘢出嚟，作為大埔居民我相信會expect拆到條272E/P全日特快出西九龍
(佢同72一條20一條30都好，有咗ETA咁耐全世界都應該識睇app做人)
而唔係純粹10分鐘一班72但繼續過兩座山加一個沙田先出到到深長荔

大膽D將72拉入埔工兼南行入沙田市中心，加雙向分段$8.4(埔工 - 瀝源)同部分2字頭同K尾沙田區內線BBI，食埋72A我都認為有得諗

另外，閣下用72A取代86喺源禾沙市嘅地位，但收$6.4又同72一樣特快，九巴未必肯
72同72A夾埋10分鐘一班，唔排除有D精打細算又唔趕時間嘅客係會刻意等72A (仲未計72個司機碌下車/出部AVW，已經足以將個差距收窄去4 - 6分鐘甚至搞出拖卡)

Snoopy@FB8617 發表於 2021-1-24 16:24
分返清一件事係
每個鐘有幾多班車唔代表實際服務好與否
就算當年大窩西都係少左車一樣過到

個陣係執疏班次由不規制班次規制化 (23-27 變 30)，令班次易等左，有少少甜頭下，其實係正常會過。
但本身家陣大埔公路係用緊固定班次，係夾到時間等車，仲要家陣比7年前比，有ETA呢樣野。

今次做法會係直接搶左車但比唔夠甜頭，得好過無既轉乘既話，政治上點過呀?

Waiyin12 發表於 2021-1-24 17:48
首先，閣下嘅埔公一小時6班車論係咪指10分鐘一班有車去沙市、埔巿、埔工同深長荔，其他地方靠轉車解決？

...

轉乘要有效同吸引，係要轉落去個架車夠密先可以。
如果 72 食左 72A 但都仲做 20 分一班，係轉唔落手。 最起碼都要 15 分鐘一班先得。
本身源禾路等10 - 20 分鐘有車上埔公，減落 20 分唔係咁易搞。
太和去埔工連停車最少要行15分鐘。 新72 ，20 分一班要 加兩車，72A 得番 3架車可以比 272E / P。如果係 72 15分鐘一班就直情只能減一車。3架車係唔夠 272E / P 做 30分一班。最少佢要有5架車先夠做30分一班去西九龍中心。另外，72A 車比大埔私有化做 272E / P，沙田會唔出聲?

今次係 72A 做 30 分一班，72 班次不變先做到十分鐘一班埔公 - 沙市固定班次。

埔公去沙田係有 28K，但28K 要行火炭同埋北行班次無定向，而且只係停偉華，72 / 72A 夠密既話，睇ETA去沙市 / 希爾頓上車可以唔洗等車。對比同樣有小巴既大窩西，埔公人口比大窩西多，無理由埔公去市中心巴士班次可以少得過大窩西 (15分一班)。
74A 我無動埔公段，只係令佢縮去運頭塘同改行大隧直去九龍灣，去減一車但保班次。另外，要佢停多石就係用黎補一補埔公 - 醫院同小瀝源接駁。
另外再補多個沙田東九線原價轉乘密既 72 / 72A。
價錢問題方面，我剛剛改左 72 大埔道不停站，要72A停。

埔公去粉嶺係無人咁坐，就算係早繁南行都一隻手數得曬，另外仲要有紅小可以留位同收$9。
如果埔公 - 沙市 夠密夠吸引去轉車既話，再加區外線轉乘優惠呢個甜頭，應該都夠送走 73A。
北區同大埔都缺條特快城河東線，用73A 改兼食 82K 係最好不過。 73A 順手係咁姨做埋大埔 - 乙明同大圍漏洞。

iseen 發表於 2021-1-25 02:33
轉乘要有效同吸引，係要轉落去個架車夠密先可以。
如果 72 食左 72A 但都仲做 20 分一班，係轉唔落手。 最 ...

如果係72取代72A入埔工，我唔會要佢去返太和
而係埔中後直入埔工 (咁單程應該90分鐘以內)
太和比272E/P做

(而如果左改右改都比唔到一條全日深長荔特快全日開30, 咁不如72維持現狀，淨改73A 74A 82K嗰part, 72A經沙市去大圍站，用區內線轉乘解決河東)

Waiyin12 發表於 2021-1-25 01:43
如果係72取代72A入埔工，我唔會要佢去返太和
而係埔中後直入埔工 (咁單程應該90分鐘以內)
太和比272E/P做

問題係，你唔執好 72 同 72A 既班次協調問題，沙中 - 埔公既轉乘係唔會比人接受到。
72A 唔適宜加班到20分一班 (要加兩車)，埔工會太密； 咁只好加車比 72 去做 10 / 20 分一班 (8正 + 2 車)；去協調出固定10分一班。
當然，72A 可以唔洗出西九，但兩邊總站都唔同，聯合班次穩定度就會有問題。
以目前無協調班次不變，日間 5 - 20 分鐘沙中等車係無辦法做好有效轉乘。 20 分 同 30 分車係聯合唔到班次。

加車當然就會係 73A 同 74A 內部調配比72，換佢地飛快少少。

調車重點係埔公之內，其實同西九關係唔大。