住左咁耐, 簡單啲講幾句, 就係點解幾乎成個馬鞍山既線, 一開始好似同馬鐵抗衡到, 直至而家好似越打越殘咁由當年海旁區(即係77區啦)發展完, 馬鞍山就真正比人斬左兩邊,
山上市中人恆耀加埋後期發展既烏溪沙一堆, 海旁富安一堆, 然後其同做埋亞公角, 甚至大部份有埋濱景第一城
就咁睇, 分工係唔平均, 明顯地市中心呢一組會係最多客, 而海旁富安起碼會少啲客
到有左馬鐵之後, 效果就更加明顯, 海旁加富安用一個大水坑已經玩謝你,
相對市中心呢一組, 起碼耀安富寶錦英錦龍叫係比馬鐵站遠
而馬鞍山既線, 又係特別之中既特別, 兩組去唔同方向既線, 總會有啲唔同, 導致市中心呢一組路線, 廿幾年黎都係停富安亞公角沙田醫院
85K v 86K, 一個大涌橋一個源禾路
40X v 43X, 一個葵涌一個荃灣
85M v 286M, 一個剩到鑽石山, 一個有埋新蒲崗黃大仙
81C v 87D, 一個慢遊到大圍但有捷徑窩打老道直落油麻地, 一個第一城上公路但到太子旺角
89C v 89D,一個兜埋濱景上到翠屏, 一個兜上黃泥頭(當年)又去到藍田
咁樣就好易睇到, 點解一直以黎都執唔到啲線, 住馬鞍山或者熟馬鞍山既人可以自己比較一下
咁多年黎, 馬鞍山既線執左幾多次 ? 重點係執馬鞍山既走線, 最多個條咪又係利安延長到烏溪沙 only
每次想執都不外乎山頭主義, 每日有十個人由富安去藍田落車, 所以 89D 唔飛得富安
87D 到太子旺角所以唔飛得富安, 得條廿分鐘慢遊沙田區既 81C 又剩係到窩打老道
如是者, 先唔講沙田有咩要求, 單係馬鞍山自己已經玩死左自己
快 ? 點樣快 ? 講到口臭就係想 40X 耀謙樓尾站都好多人企出黎問幾個問題
富安去葵興? 我轉車會死咖, 馬鞍山去源禾路又點算, 有無人知, 呢條線係由馬鞍山去葵涌區, 比人接駁城隧車落荃灣
垃圾如 89S 都開到全日廿分鐘空載上黃泥頭咁款
86S 全日廿分飛埋同小巴,85K 有衝突既富安, 直到恆耀, 又有無可能 ?
富安大路有站正正就係判左海旁車死刑, 你把口去問下富安海旁人佢當然想有架車返到樓下
但實際係每日你又見到幾多人響大路落車行返入海旁 ? 海旁人又厭你部車兜富安, 厭你條線疏
如果市中心上公路前響錦泰出面加個站, 欣安加個站, 海旁車根本可以全部取消
口講自己每日都想有車返到自己樓下, 實際有幾多人真正係響大路落車行返入去 ?
就同當年 86C 入恆安一樣, 做調查話個個都想入恆安,
到你真正去問人個陣, 連個恆安人都答你其實佢都慣左出面落車行返入去
要搞好返海旁線無可厚非係要某部份市中心線飛富安, 再去執線分工
咁多年黎市中心恆安甚至山上流失既客, 可以話超過左富安一站落既客
海旁線唔係做唔起而係無優勢, 最有優勢既 43X 都只係因為自己第一城尾站同埋落到荃灣 only
班次疏啲人咪又係搭返城隧特快 49X 轉 40X 好過同你等車又要慢行石圍角
89C 286M 兩條海旁線累鬥累襯肺炎同你開足半粒一班, 根本就無哂意思
要快行出大路有85M 89D 上到大隧慢慢同你轉, 根本唔洗死等
就算 85M 開緊廿分, 起碼都仲有條開廿分既 89D 照住, 有埋 ETA, 無需要等半粒鐘
要 40X 43X 互轉唔扣錢有幾難 ? 問題係巴士公司自己肯唔肯做, 唔好講到城隧比錢轉車要一蚊雞
有幾多人城隧轉車真係比散銀, 有幾多人真係計較比散銀之餘佢要比多一蚊去轉車
你去做調查問我, 我都會答唔想, 但落實個陣, 一蚊半蚊拎去啦
要襯大隧道有差價轉乘個陣搞好大隧線分工有幾難 ?
你寧願要半粒鐘一班 89C, 定係穩定一條線接駁大隧 ?
同響其他post 講, 都係同一句
要累鬥累好易, 全港有好多線都累鬥累, 好多都係因為所謂獨市客, 有無人又諗過所謂獨市客有幾多
搭左十幾年返學既 85C, 聯合道美東東頭獨市少客 ? 貧如非繁全車得廿個, 每班執到四五個客既比例
我可以話, 有獨市仲咩要斬 ? 個陣轉 85X 又有幾多人行出黎嘈, 話聯合道行出富東等車會死 ?
咁有幾多人係真正聯合道落樓去等 85C ? 有無諗過用行去聯合道等車既時間去比較行去富東既時間 ? 無
而事實上係呢把聲音好快就已經消失左, 點解 ? 富東上車返到沙田, 10 分鐘, 聯合道上車返到沙田, 20 幾分鐘
你唔想行, 條線去到邊你都唔會想行, 你要死等個部車一粒鐘班你都唔想行, 去等
你想快, 你會寧願行多步買時間, 條線係吸引, 行多步你都會想行,
馬鞍山既線, 條線又唔係吸引又唔係密, 海旁車又疏又兜入富安, 我大路落車行返入去入埋門口佢都未兜到我樓下
我搭黎仲咩? 要執線呢度大把板友都好好既 IDEA, 其實都無用, 講完都無用, 山頭主義下大家安安樂樂趕時間搭返馬鐵
無辦法, 自己玩死左自己
|
樓主
