建議九巴 14X 及 33 修改觀塘區走線

同219X重疊服務竟然冇人提？

平時215X觀塘道載唔晒都起碼有14X分流一下
而家拉走14X觀塘道果PART
走咗去茶果嶺果頭同條死死地既219X地頭爭飯食
一係就叫14X食埋219X
否則我真係唔建議14X行茶果嶺

其實茶果嶺果邊搵14B入去好過搵14X入去

AV296 發表於 2021-3-2 11:03
14X嘅意義應該係同11X差唔多，都係以東九特快掩飾，實際係想用7.5做觀塘區內線。
對九巴嚟講，14X鋰魚門 ...

唔同意

一條線可以有幾類客源，對不同位置既使用者，意義同功用都可以有分別

14X 當日取代 14C，對鯉魚門都仲可以話係一條貴價區內線；但原來當日已經早有計劃，下一階段就將 14X 改埋入尖沙咀，你見之後都改左上高超道而唔係鯉魚門道直去

根本 14X 對大部分油塘人而言都係一條尖沙咀線，道理就正如 11X 對部分乘客係電梯線，但大部分客源都係來往土瓜灣紅磡

當日唔做 14C->14X 的話，油塘而家會唔會有全日尖沙咀線都係未可知；而家搞到半粒鐘一班，好明顯係資源問題，當然半粒鐘一班對吸引力有負面影響

有 215X，14X 永遠註定做二奶。唔要求加到 6-10 分，但好似 213X 咁，做到基本廿分班，已經交足功課

你覺得而家 14X 唔理想，但潑左出去既水收唔返，你又有無其他可行建議？

SE7378 發表於 2021-3-2 12:25
記得上次樓主建議 14X 兜九商嗰陣，有版友講過海濱道可以留後，
所以 14X 應該無咁容易飛得走觀商，分分 ...

海濱道留後正正係我最終決定撤回上次 14X 上繁後加經宏照道既原因，因為既然留後，九龍灣都係上唔到車

不過 14X 要做返成個油塘往來尖沙咀既乘客，包括油麗、油塘邨、高超道，所以要油塘道兜返上去

油塘灣無咁快起好，第時唔想 14X 只做一頭一尾既話，可能係要 14X 改行油塘道兼高超道逆走、擺藍田廣田邨，然後 14 拉落鯉魚門。但未來五年應該都無乜可能發生


改 11D 做鯉魚門觀塘，我諗我暫時唔會考慮，反正鯉魚門可見將來應該都會得一條巴士線。而 11D 我直頭想改行偉業街同九龍灣商貿區，橫掂而家條線都係得兩繁有客，改入去有助換其他更應該擺落觀塘道既區外線真係做返觀塘道

kmb71k 發表於 2021-3-2 21:05
同219X重疊服務竟然冇人提？

平時215X觀塘道載唔晒都起碼有14X分流一下

同 219X 只係疊果一個站咁大把

成件事係 33 行觀塘道會好過行偉業街，但 14X 反正觀塘道都係執雞，同時單靠海濱道可以食飯時間坐滿、下繁留後，說明觀塘商貿區往來尖沙咀係有客。33 改行創紀出面一段觀塘道，前提係要換走一條觀塘道全日線既話，本身有齊替代品既 14X 會係一個幾合理既選擇，可以開拓觀塘商貿區往來佐尖客源

更何況而家觀塘商貿區、碼頭往來油塘既客量，雖然唔係多，但已經唔見得可以抽走而完全唔補償

14X 食 219X 係無可能發生，至低限度麗港城唔會想兜海濱道，然後佢地肯唔肯兜多少少茶果嶺都係問題

而 219X 點睇都唔會好蝕，一轉行車時間只不過等於 215X 一單多少少

S3BL100 發表於 2021-3-2 23:53
同 219X 只係疊果一個站咁大把

成件事係 33 行觀塘道會好過行偉業街，但 14X 反正觀塘道都係執雞，同時 ...

雖然建議中既14X同219X重疊只有偉樂街一個站
但不排除會有麗港城居民睇ETA走出去偉樂街14X 219X叫兩飛
對219X客量或多或少都會有些微影響

茶果嶺村係一個規模細既老人村
對尖沙咀需求根本不大
況且相比之下
14X在觀塘道雖然係執215X雞
但其執雞客量肯定遠比茶果嶺村好
仲有既係
14X背負著當年14C鯉魚門碼頭及崇德圍既接駁轉乘功能
如果改行茶果嶺村
部份路線轉乘就做唔到

所以如果要九巴做茶果嶺村一帶
我偏向搵14B好過搵14X去做
搵14X做茶果嶺村
客量肯定仲衰過做觀塘道

kmb71k 發表於 2021-3-3 01:50
雖然建議中既14X同219X重疊只有偉樂街一個站
但不排除會有麗港城居民睇ETA走出去偉樂街14X 219X叫兩飛
對2 ...

茜草灣/茶果嶺已鐵定會有新發展，14X 改路除左係換 33 出返創紀出面一段觀塘道，同埋做觀塘商貿區往來佐尖之外，就係要劍指未來人口增長

既然已經去到觀塘碼頭，行茶果嶺道油塘道出返油塘，係會穩定過學 33 上觀塘繞道

同埋我呢個版都講過好多次，重點從來唔係一條線做到幾多客，而係成組線做到幾多客，由其他非巴士交通工具手上搶左幾多客返來

14X 倒走觀塘道乘客，但反正觀塘道唔會有客特登等 14X，佢地全部都係會坐返 215X 或者 14，九巴角度係唔會有問題；同樣地，就算 14X 真係有能力𠝹走部分 219X 乘客都好，錢一樣係九巴袋，都唔會有問題

但觀塘商貿區會係獨巿位，至低限度穩袋左一班本來行出觀塘道就可能走左去坐鐵既乘客先。情況就好似 14X 當日兜入海濱道，結果食飯時間同下繁執多唔少客一樣

而 14X 揹住堆 BBI 既問題，其他回覆已有回應，不贅

反而 14B 作為區內線，要拉佢做茶果嶺，同時又要做返高超道同廣田邨，或者有少少難度；況且做唔到 14X 既跨區功能，就算 14B 做埋茶果嶺，都唔會同 14X 功能有衝突

S3BL100 發表於 2021-3-2 23:48
海濱道留後正正係我最終決定撤回上次 14X 上繁後加經宏照道既原因，因為既然留後，九龍灣都係上唔到車

...

樓主打算未來改 14X 廣田 > 高超道 > 鯉魚門道 > 油塘道咁行？
咁就唔止做唔到中間大半段油塘灣，係會連近崇德圍嗰段仔都無埋，
嗰段油塘灣咁近油塘站，照計唔會有幾多人行上鯉魚門道等車，
而如果係廣田 > 高超道 > 鯉魚門邨/大本型 > 油塘灣就 miss 咗油塘邨，
同時油麗邨上落站位亦無直入油塘道靚，各有取捨。

至於 11D 就志不在鯉魚門，擺大本型亦無所謂，
佢係要做油塘灣、彩虹道、東頭邨道同浸大來往觀塘嘅客源。

SE7378 發表於 2021-3-4 00:57
樓主打算未來改 14X 廣田 > 高超道 > 鯉魚門道 > 油塘道咁行？
咁就唔止做唔到中間大半段油塘灣，係會連 ...

其實係因為師兄你提到我既 14X 定線只做到油塘灣一頭一尾，所以我提出呢個可能性；但你都已經指出左咁做既困難所在，我亦睇唔到未來五年內咁改既可能

11D 西段係咪改彩虹道東頭邨道，同 11D 係咪搬離觀塘道，係兩個不同問題

S3BL100 發表於 2021-3-2 23:28
唔同意

一條線可以有幾類客源，對不同位置既使用者，意義同功用都可以有分別

Sorry，或者我太過語無倫次，我再試下講得具體啲。
14X撤走觀市，其實同11X撤走觀市，或者40X撤走源禾路，或者38/42C撤走青公大同小異
油塘可能會好開心，但九巴又點會輕易放棄7.5做鯉魚門去觀塘嘅客呢? 觀塘道又點樣去彌敦道呢?如果唔計1A，唔通真係步行也不算太遠?
咁樣做，似係一個一餸飯，攞走個餸，換番兩倍嘅飯。咁我又唔能夠斷定無人肯trade in，話哂唔同人有唔同需求，可能油塘人同九巴想要飯多過餸呢，係咪?
另外一個問題，14X單靠油塘客(同觀商)，撐唔撐到20分鐘一班? 213X做哂安達安泰(比油塘多2萬人)，半個秀茂坪，加埋非繁牛頭角特快，先勉強做到20分鐘一班。

以上係客觀因素

主觀嚟講，我覺得無客嘅地方，除非係「社會責任線」，如果唔係，根本唔應該燒幾架車。33號得巧明街個站係獨市(唔計唔係九巴嘅797)，而嗰個站行去觀塘道，有更多更密嘅車可以坐。所以我意思係，33無客嘅話，唔使執著要放另外一條線去觀商。換句話說，33撤出觀商同14X改行觀商，兩者無咩關係。

至於點解決33號嘅客量? 我呢到有個idea，喺唔影響觀塘道嘅前提下，提高33客量: https://www.hkitalk.net/HKiTalk2/forum.php?mod=viewthread&tid=1198370&extra=page%3D1&mobile=2
宏觀同微觀都要兼顧，先有可能實現出嚟