運輸署擬將路線改經和宜合道解決北葵涌至觀塘交通

有少許資料更正....
該通告指運輸署可考慮用現有路線改經和宜合道，但無寫明是38和
(或)42C或者有可能40和(或)42呢﹗

原帖由 ricky 於 2006-9-27 22:55 發表
有少許資料更正....
該通告指運輸署可考慮用現有路線改經和宜合道，但無寫明是38和
(或)42C或者有可能40和(或)42呢﹗

但係40 42 都各自有問題
40  行葵涌道
42 行荔景山道
而如果要其中一條放棄原本個截
兜個大圈之餘仲有一大堆問題要解決
因為好多都係獨市位...
(40 經石埉尾 太子道
42 經長青 太子道
況且42 唔經觀塘
根本冇咩用)

照咁計, 都係 40 兜上和宜合道家啦, 順路 d,
咁咪即係無個半鐘都唔駛旨意返到觀塘 ??!!............

又證實左一個講都講到爛既道理：
諗呢個plan既人根本係坐私家車既...

以上所提及過既路本身已經兜到喊
家陣仲想佢兜埋梨木樹
究竟呢班人係咪同葵青區(甚至係荃灣區)乘客有仇呢？

咁搞法真係比起維持現狀更衰！

先行申報利益：小弟是居於石籬的。

當時建議的轉乘優惠當然是有不善之處，不是建議轉乘的車站距離較遠
便是繁忙時間難於登車以及需要付出較多車資，故區議員們已道明要求
開辦新路線，建議中的轉乘優惠固然無法得到區議員們的贊同。

但運輸署現在的建議卻實在是不敢恭維，與其要現有路線修改行車路線
達致繞經東北葵涌的目的，倒不如不作任何更改算了。

其實最低限度，開辦新路線（36B的往東九龍版本）於繁忙時間服務是應
該可行的。

原帖由 Ketsu 於 2006-9-28 09:10 發表
又證實左一個講都講到爛既道理：
諗呢個plan既人根本係坐私家車既...

老實講, 運輸署自己所''建議''的路線改動/新巴士線, 巴士公司最好就唔好聽佢up,
有幾多次運輸署建議出來的''巴士計劃''是會令大家叫好? 區議會話no problem? 而實行到又相當成功的路線呢?

運輸署大多數人日日開私家車返工, 當然不會真正明白市民的需求啦, 我懷疑佢地究竟有無坐過巴士出街tim......
運輸署對巴士的政策好似''與民為敵''咁, 無果樣整果樣, 連調查都無乜點做過就話''開呢條巴士線會客量不足'',
試都唔試就話唔夠客, A10就已經是好例子, 而家有D班次要指定出雙層tim......
有鐵路開通就建議cut D地位重要的路線(eg : 681), 邊個話鐵路開通後D人一定會唔坐巴士ga ? 會變左無客ga?

究竟運輸署你地知唔知香港市民對交通的真正需求是什麼嗎?

原帖由 S3N92 於 2006-9-27 20:51 發表


點解一定要削其他線先有得傾？
好本末倒置.......區議員提出黎係為改善服務.........如果學你咁做.....開條新線黎無意義
另外38,42c盈利不好嗎？
日日放工排晒長龍....小弟住左十幾年有眼見.......反而我仲 ...

完全同意，根本班區議員係企硬想開新線，即使調38/42c入去行
佢地亦唔會妥協。

倒不如搏一舖開條兩味線先啦，若果真係有得做，非繁時可以
試下調38/42c部份班次兜入去，例如兩班中有一班兜入去囉。

如果將40這樣拉入經北葵涌，然後再依下列街道行又可不可行?

荃灣開，先沿43X行法(即過荃豐後轉入綠楊去石圍角、三棟屋村)，然後經梨木樹。
經和宜合道運動場、昌榮路入葵涌道。接著沿40原線入美孚，過美孚後改經蝴蝶谷道
轉上呈祥道及龍翔道(或不經美孚，由葵涌道直上呈祥道)。
之後到九龍灣的行法與38相若，到九龍灣後再依40原線入麗港城。

至於回程，出觀塘後便依38路線行走，但會直行呈祥道入葵涌道、昌榮路，然後
直上和宜合道經梨木樹及和宜合交匯處。最後沿43X路線返荃灣。

受影響的乘客：
石梨貝、安蔭：增設31M、235M和新40的轉乘優惠
長沙灣、深水埔、九龍城：可乘2A、12A及6D，另類少少可坐296C
石峽尾：乘地鐵、2D或6D

坦白講，夾硬將38/42C拉入北葵根本就是雙輸。兩線本身在原有地方已載滿不少客，
入埋北葵涌只會令該區居民難以登車。反觀40自機場搬遷及過於兜路致客量下降，
倒不如將它來個「改革」也許是件好事。

原帖由 volvo_chan 於 2006-9-28 09:57 發表

究竟運輸署你地知唔知香港市民對交通的真正需求是什麼嗎?

算吧！冬姑姐0既格言就是如此→「保鐵！保鐵！保鐵！
」

佢梗係想你地走哂去搭 31M 轉地鐵架......

俾著0係十幾年前，呢條線可能早就同 38 / 42C 並駕齊驅
Lu~

所以對住運吉，都係呢句：別怪他......別怪他......

原帖由 Fuko 於 2006-9-28 12:46 發表

如果將40這樣拉入經北葵涌，然後再依下列街道行又可不可行?

荃灣開，先沿43X行法(即過荃豐後轉入綠楊去石圍角、三棟屋村)，然後經梨木樹。
經和宜合道運動場、昌榮路入葵涌道。接著沿40原線入美孚，過美孚後 ...

好難咁樣改動，因為受影響居民太多，好難過到深水步和九龍城區議會的同意