搭巴士 捨鐵路 = 變態??

原帖由 4056 於 2006-11-18 00:59 發表
話說前幾日我有野做要去天后，出發地係新浦崗，咁我搭116去啦(預左塞車時間)。 今日返工，有個當天同我一齊去天后ge女同事竟然講「你知唔知佢(指我)幾變態呀，去天后竟然唔搭地鐵，搭巴士」，我都唔知點回應佢呢 ...之前同同事吹水，講到我剛剛由灣仔返長沙灣，講搭車方法，個同事又係講「唔搭地鐵仲可以搭咩」，當時我剛剛搭完905

講真丫..唔怪得人地會話你,有時有D情況要清醒d啦...有時唔係人地遺唔遺忘...
係睇搭邊d線,去邊度同快唔快...你話如果係係坑口出尖沙咀,話搭地鐵快果個
就唔正常姐...灣仔去長沙灣,搭905o既就真係唔正路喇...一來慢...二來又side時
間,俾人話唔正常就唔奇wo..有時就算係鐘意一d野,都要分清楚係咪過度沉迷同
o岩o岩,唔好俾一d野蒙蔽左先得咖...如果唔係只會俾人歧事同杯葛咖乍...自己諗
下啦..有時做任何一樣野點都係實際d好.

原帖由 4056 於 2006-11-18 00:59 發表
話說前幾日我有野做要去天后，出發地係新浦崗，咁我搭116去啦(預左塞車時間)。 今日返工，有個當天同我一齊去天后ge女同事竟然講「你知唔知佢(指我)幾變態呀，去天后竟然唔搭地鐵，搭巴士」，我都唔知點回應佢呢 ...

乜咁似我個同學o既, 由觀塘入沙田(馬登)返學, 竟然係搭地鐵轉火車..........
仲要o向大圍落...........   之後話比佢聽可以搭 89 啦, 佢話好方便, 唔駛轉o黎轉去,
你話死唔死呀, 無O左地鐵火車佢地仲駛出街O既 ??!!
香港人..........都係比鐵路寵壞O西, 唔識變通o下, 用o下第 2 種o既方法囉...........

原帖由 KU_8278 於 2006-11-18 01:58 發表

講真丫..唔怪得人地會話你,有時有D情況要清醒d啦...有時唔係人地遺唔遺忘...
係睇搭邊d線,去邊度同快唔快...你話如果係係坑口出尖沙咀,話搭地鐵快果個
就唔正常姐...灣仔去長沙灣,搭905o既就真係唔正路喇.. ...

咁唔係淨係睇價錢因素，搭巴士多數有位坐，而且環境寧靜好多，論舒適程度一定高過鐵路。我揀果個方法係一程車過，又唔係特登玩野轉兩次車黎牛河，咁樣一程車過都唔正路？你地鐵一定要轉一次之餘，我次次果個時間搭地鐵由灣仔去長沙灣都要同人迫，咁揀搭905又有幾唔正路呢？ 如果見倒914仲好，去到海麗村唔駛行咁多。

我唔係只會搭巴士ge，係冇巴士可直接到目的地時，我會揀搭地鐵...   但如果有路面交通，我都係盡量用返路面交通，包括巴士小巴...

[ 本帖最後由 4056 於 2006-11-18 02:13 編輯 ]

原帖由 4056 於 2006-11-18 01:07 發表

問我「點解地鐵咁好坐都唔搭呀」果個女同事住荃灣福來村，佢晚晚由麗港城放工後可以搭直返到既40返屋企。假設40對佢來講真係太兜太慢，佢大可以搭小巴去觀塘轉官荃線，駛乜搭小巴上藍田地鐵跟住又搭返荃灣，比40差不多一樣時間(因為仲要上藍田地鐵)

乜一程車舒舒服服唔好咩，d人硬係鍾意"搭小巴轉地鐵"或者"行多幾步搭地鐵"，都唔搭點到點既巴士...

每人乘車習慣、心態不同
你覺得一程車好
唔代表其他人唔可以覺得一程車唔好
有人鐘意上車就坐低訓到落車
我自己食飽晚飯後情願搭地鐵轉下車當散步幫助消化、燒多幾個卡路里
企下反而覺得對身體更好
這樣的選擇又有甚麼問題？

你認為某人搭地鐵有問題
其實同某人認為你搭巴士有問題
本質上又有咩分別呢？
大家都只係攞住自己把呎去度人地既諗法

既然條條路線一樣去到目的地
又何必理會其他人作出甚麼選擇
任何人都不必一定要選擇最直接的乘車方法的

[ 本帖最後由 ahbong 於 2006-11-18 02:40 編輯 ]

原帖由 4056 於 2006-11-18 01:35 發表


你個fd就另類怪人，唔係「唔搭巴士ge怪人」，而係「唔搭點到點交通ge怪人」
話佢憎搭巴士，又唔係...佢搭98D，極度忠心
話佢憎搭鐵路...又應該唔係直接原因，佢唔搭鐵路大可以搭特快98C
可能佢係咪對98D ...

對呢個'超特快車程'忠心既仲有我
不過係296D,比98D 更加超

我個frd都住尚德,好鐘意搭地鐵出觀塘,死未!?

我都有屋企人係明明有直線巴士唔坐
要去先坐小巴再轉地鐵
初頭話巴士兜路
但個時間同小巴轉地鐵非常接近 甚至更快
價錢仲平D
有次陪佢收工特登去坐巴士
坐完佢係無聲出呀
但之後依然係固我 繼續貴D都小巴轉地鐵
不過佢話巴士一下塞一塞就...
咁又有道理喎 事實地鐵係準時
又有另一位屋企人覺得
坐巴士有位坐下 有得訓下 睇報紙
不知幾舒服 點都好過坐地鐵 又要行上行落

無論點啦 其實人人的觀點角度唔同
人地咁講你可以參考 但唔代表要跟 相反亦然
無理由人地講乜都信晒
無必要太過執著人地點睇
自己覺得岩去做就得

我以前有幾個親戚都係咁討厭, 由葵芳去沙田麗豪酒店, 死都不肯坐47x,

係都要坐地鐵, 轉火車, 去到沙田再轉小巴, 本來往6.60變成差不多$16,

而且車程仲慢過一程47x, 同佢地講多兩句又話您煩, 結果回程時我同我

阿媽坐47x, 他們自己慢慢轉車, 我們返到葵芳, 他們仍在長沙灣, 快他們

最少15分鐘, 車錢又少$10, 之後他們都無聲出.

另外, 好多年前初初出來工作, 由尖沙咀去小瀝源, 直線當然是281A(當時

火車仍以紅磡為終點站), 出左門口約30分鐘(公司在海港城)老闆就打電話

來問我去到邊, 我話坐緊281A去沙田, 當時剛剛出隧道, 我話仲有10分鐘就

到, 但竟然個老闆話我去坐巴士而被他無理取鬧, 他話去尖沙咀去小瀝源應

該坐地鐵轉火車, 去到沙田先轉巴士(極度無腦的做法). 講真由海港城出發,

30分鐘去到沙田出口, 算是不錯的時間, 仲話我好去坐巴士.

幾年前西鐵通車, 我在荃灣工業中心返工, 有個同事住將軍澳, 但他返工成日

遲到, 雖然他坐巴士返工(98A>42C), 但他遲到的原因, 跟坐巴士無關, 主要是他

無責任心, 遲出門口所至, 適逢當時西鐵通車, 個主管又有一個"不經大腦的建議",

佢叫我同事由寶林坐地鐵去美孚, 然後坐西鐵去荃灣西, 再由荃灣西行返去荃

灣工業中心, 我同事話行得太遠, 個主管竟然話, 叫您這樣坐就這樣坐, 仲要好

大聲咁講, 我聽到我自己都情不自禁地大笑出來, 個主管根本就唔識路

[ 本帖最後由 前KMB員工家屬 於 2006-11-18 05:17 編輯 ]

原帖由 4056 於 2006-11-18 01:16 發表

剛剛諗起我另一個學生ge例子，佢住鴨利洲，有時去麗港城上堂，佢一定搭小巴去銅鑼灣轉地鐵，唔搭671。我教左佢搭671，佢又話「唔識落車呀，又慢」   無奈晒...

呢個我就撐個學生喎
671 ?都唔知等到幾時
就算上車,兜銅鑼灣,北角
浪費唔少時間
搭小巴到銅鑼灣,再轉地鐵
肯定快過 671

原帖由 CardCaptor 於 2006-11-18 01:03 發表
先要知他們的背景
有極大可能是他們養成"鐵路嚴重優先"的"習性"...

個人認為，應該是當年政府取消學童半價證後，地鐵仍然實施「學童優惠」衍生出來的問題。
由於當時學生坐地鐵比巴士便宜很多，久而久之，他們養成一種「慣性乘車習慣」－－地鐵優先，以致畢業出來社會工作後，仍然保持這種習慣，以致對巴士甚為抗拒。

原帖由 4056 於 2006-11-18 01:11 AM 發表


我諗如果佢地搬左去新界鄉郊，佢地唔駛出街都得...
我個人覺得只識地鐵而唔識巴士先係怪人。巴士係交通中一個最基本既工具，有地鐵只係bonus(我覺得啦，因為任何地方都係有巴士出現先)。
我屋企行去地鐵都 ...

咁你咁講又唔係好啱喎，
有點盲目搭巴士...

我覺得選擇邊種交通工具好睇情況，
例如邊樣交通工具較快或較穩定。
有時如果時間唔係要太足夠，
但果樣野係幾urgent我都會選擇地鐵，
事關時間較巴士穩定，
唔會受交通情況有所影響。