巴士醞釀加價 陳祖澤促市民「接受可能出現調整」

原帖由 kei_hk 於 2007-5-6 21:40 發表


平心而論﹐97年至今﹐10年都沒有加價﹐相反人工,油價維修保養的成本卻年年加﹐如果真係要加﹐我都想不到理由去反對。

至於加幅﹐一定是廣大市民所能負擔的﹐否則政府都會唔批准的﹐此點是令我效心的。 ...

我同意油價成本係上升當中，但另一方面，九巴大量聘請月薪制合約司機，
唔係正就係節流既一種措施？而且沙士後九巴經常有理無理收車，相信呢度
都已經慳返好多。畢竟人工係佔一間公司既支出好大部份。

維修保養成本增加，我對此就無意見，不過我好懷疑，係將車身和車型漸漸
歸一之後，減少珍禽異獸之後，維修成本會係加或減？

人工開支唔知高層佔幾多呢?
仲有roadshow 條數........

原帖由 053h4 於 2007-5-7 00:51 發表


新低地台車車價高, 自動化程度較高, 電子零件多
因此維修成本的確比過去多

電子化調番轉有個好處，就係用部電腦插落行車電腦度，
所有error code 都會一目瞭然，斷症快左，相對留廠時間
會否短左？

原帖由 053h4 於 2007-5-7 00:51 發表
新低地台車車價高, 自動化程度較高, 電子零件多
因此維修成本的確比過去多

想問下呢o的係你o既估計還是你真係知道成本多o左呢?

原帖由 kei_hk 於 2007-5-6 21:40 發表
平心而論﹐97年至今﹐10年都沒有加價﹐相反人工,油價維修保養的成本卻年年加﹐如果真係要加﹐我都想不到理由去反對。

10 年沒加假價不是理由。第一，10 年來的大部分時間，
香港經濟都處於谷底，油價亦是近年才漲得厲害。人工更不用說了。
第二，可加可減機制生效時，巴士票價不加反減 (優惠)，證明當時
的巴士票價是處於高水平。根據可加可減機制，計算加幅應該由
2006 年 1 月機制新效時開始計.....

可加可減機制方程式：0.5x工資指數變動 + 0.5x綜合消費物價指數變動 – 0.5x生產力增幅
前兩者都係政府數字。大家搵到可以計下。

原帖由 053h4 於 2007-5-7 00:51 發表

要避免九巴因經營不善亂加價
個人認為政府應引入競爭, 以提升整個服務質素
如規范化村巴\專巴

其實有 D 好客又服務中上既小巴、村巴公司早應升格，
俾佢地一部份專利公司優惠去做大 D。