LWB路線A33係唔係應該暫時縮短？

GU9338 發表於 2021-4-13 17:56
E33 益咗龍門居就無可能益埋屯碼
龍門居如果由 E33P 拉直做埋就肯定會嘈得返半日 E 車

無話益邊個，拎E33兜埋屯碼唔需要放棄龍門居，目的志在氹市中心部份人貪快上A33，而且兜埋碼頭都係多十分鐘左右，點都快過以前行屯公青馬。好過依家A33繼續運櫈市中心人繼續逼爆E33。
A33再拆？要幾多個鐘一班車？

美樂仍然未能左轉龍門路往屯赤的話 E33要兜屯碼都只有K52式 但都一樣做唔到美樂 （我個人認為美樂行去蝴蝶灣公園上都已ok)  唔兜好過啦嘛？

lsc04d11 發表於 2021-4-13 19:27
美樂仍然未能左轉龍門路往屯赤的話 E33要兜屯碼都只有K52式 但都一樣做唔到美樂 （我個人認為美樂行去蝴蝶 ...

咪就係話E33學依家A33碼頭行法，只係E33由海珠路轉入去海皇路。
不過我唔明點解依家A33碼頭行法點解機場方向要先湖景路直去再左轉逆時針兜碼頭，而唔係同市中心方向對調先兜湖山路碼頭後再右轉湖景路？

Man@MFHK 發表於 2021-4-13 19:14
無話益邊個，拎E33兜埋屯碼唔需要放棄龍門居，目的志在氹市中心部份人貪快上A33，而且兜埋碼頭都係多十分 ...

E33 已經洗濕個頭行龍門居
要比就要同而家走線比，同經青馬時間比較係無意思
你都唔會話以前元朗出入荃灣要行元荃古道，有 53 搭就會滿意啦

仲有其他版友講過 E33 行屯赤只係快以前 10 分咁上下
兜埋碼頭圈根本無快過，但價錢牌就由 $13.9 變 $12，收益仲衰過之前

唔知係我理解錯定咩
市中心要快一早上咗快 20 分既 A33X，同 E33 已經有清晰分工
A33 屯官個站又唔係就腳，無收視係好正常
而且 A33 現時行車時間過多 (屯轉方向比到 105 分鐘一單，但實際上 45-50 分左右已經行完)
執下個開車時間開碼頭短棍，分分鐘車都唔使加

Man@MFHK 發表於 2021-4-13 13:56
A36、A37停屯市都唔會有人上車，你當市中心人傻咩？E33車海乜客都清走晒啦，$12 vs $18.9仲要疏車邊個會搭 ...

E33都減埋就連大嶼山遊人都走哂去保鐵來往屯門都似
始終東涌市中心有大大個港鐵站極速既東涌線

GU9338 發表於 2021-4-13 20:02
E33 已經洗濕個頭行龍門居
要比就要同而家走線比，同經青馬時間比較係無意思
你都唔會話以前元朗出入荃灣 ...

所以話龍運一開始已經做左傻仔，咁好機會捧A33上位佢唔做，依家無架啦，你想再改市中心人實唔放過你。

paul2357paul 發表於 2021-4-13 20:05
E33都減埋就連大嶼山遊人都走哂去保鐵來往屯門都似
始終東涌市中心有大大個港鐵站極速既東涌線
...

屯門人保鐵去東涌？唔好玩啦⋯⋯
E33塞埋車都有可能快過坐鐵，仲要半個屯門既人屋企樓下有車直達，仲要平咁多，除左鐵路迷仲有咩人會咁坐？
去大嶼山玩，疏車咪預岩時間去等車囉，依家有晒ETA有幾難等？而且疏極咪半個鐘一班，無人叫佢一下cut到依家A線咁既班次。
繁時班次可以保留，非繁拉返疏到15至30分鐘一班好過份咩？
如果驚返工客無車坐，A33入埋後勤囉，上完離境層兜轉後勤先返GTC，回程出GTC後兜後勤先返屯門，寶有通勤客上車。

Man@MFHK 發表於 2021-4-13 20:16
所以話龍運一開始已經做左傻仔，咁好機會捧A33上位佢唔做，依家無架啦，你想再改市中心人實唔放過你。

...

我覺得龍運一開始係想借屯碼救起全條 A33 (市中心一早旨意 A33X)
但屯碼就唔賣帳寧願去蝴蝶站叫幾飛 AE 車就出事

坦白講 A33 真係無乜野可以做
雖然屯碼有能力全日拆短棍，但咁樣會間接累埋長線就繼續硬食 60 分班到永遠

身邊有朋友經歷緊夾唔到 A38 時間返放工而要係機場呆等既苦況
我就唔建議青公為咗 A33 想飛起屯碼而自己班次變到 A38 2.0
等到機場正常返之後開得返半日 30 都已經功德完滿

GU9338 發表於 2021-4-13 20:57
我覺得龍運一開始係想借屯碼救起全條 A33 (市中心一早旨意 A33X)
但屯碼就唔賣帳寧願去蝴蝶站叫幾飛 AE  ...

依家條A33要做得起，我相信除左兜埋市中心加後勤區幫E33分擔部份通勤客，真係無乜可以再搞既地方。
因為屯門好多人返機場工，條線入唔入後勤先至係大部份人上唔上車既原因。唔好話依家無人去旅行所以A車無運行，就算以前或者以後無疫情都唔可能日日都一車車客入機場搭飛機，唯有A33襯依家票價大幅降低至貼近E33水平，分擔返工客幫自己增值先係正路，就算要先上離境層後再入後勤區，兜少成個東涌已經快唔少，只係俾多$3大把人肯俾。

Man@MFHK 發表於 2021-4-13 21:41
依家條A33要做得起，我相信除左兜埋市中心加後勤區幫E33分擔部份通勤客，真係無乜可以再搞既地方。
因為 ...

作為A33沿線居民，A33開60分鐘一班認真唔開胃......我好多次要去東涌都係寧願E33<>K51/K53算數，而家多埋52X/61M雙向分段，就更冇理由用A33轉乘，尤其是回程往屯門方向，根本唔會預到轉A33，去東涌方向都尚算好少少，可以睇住ETA出門口，但A33又行置樂又行屯碼，個人寧願三聖落車去兆麟苑轉E33都好過A33屯碼區自轉，尤其係兆麟上E33可以有位坐，屯赤轉車站就難講。如果A33開到30分鐘一班會好少少的，不過未來華都花園有E36/E37轉的話，我會選擇A33去屯官落車過去華都花園轉E36/E37都唔想搭A33屯碼自轉。而且A33回程60分鐘一班，屯赤根本轉唔到車，我有朋友由東涌過來探訪我都唔敢推介E33/E33P轉A33，寧願同佢講搭E33去屯市轉番K51算數。
(暫時唯一一次搭A33係由屯門碼頭返黃金海岸，又真係方便過LRT/506<>K51/K53好多)