九巴數條馬鞍山路線改時間表

唔通減車來開將馬線？

ccchhhuuunnn 發表於 2021-5-10 22:42
無錯，堆單層轉雙層線拉疏咗好多。城隧全冷大部份水塘12米熱狗，就算轉返3+2 11米冷馬都加咗唔少車。
撇 ...

呢啲例子都係SARS前仍會因應客量增加而安排路線加班、請人、買車嘅年代
嗰個年代連我上文舉嘅11C都有唔只一次加車加班

呢十幾年邊度仲有呢支歌仔唱
疏車趕客？巴士公司幾時在乎過，會在乎嘅就唔會咁多線減到咁啦
雖然仍有路線加班，但大部分時候背後都有路線減班，仲有啲時候係純減班
只有大手投到新區路線時，車隊數量先稍有增加

喺呢個格局下，就算過去十年繼續買2千架直梯車，都唔見得唔會對舊路線開刀
市區大把例子講咗俾你知，只要巴士公司要拎車，同用車大小根本無關
幾年前AV退役，91 91M由11米同短金混合，變全短金，有無加班？sorry好似兩條都減過班
103例子相若，結果？九城各減一架車
就算係211，呢幾年都比以前疏咗唔少，用車有無大到？要計AAU比長dart細架少少
返入沙田搵例子，啲區內線夠用直梯啦，好密車？唔會減班？
284轉番單層，加班？開15分俾區議員鬧就見過

User12345678910 發表於 2021-5-11 07:14
唔通減車來開將馬線？

啊生，瞓咗十年？傳聞將馬線邊間做都唔知？仲有，減車嚟開招標線？第一日新嚟㗎？

43B 和 44M 都掛過 12.8 米車，最後咪又係全線換返晒低載車又減班 CUT 車

根本沙田區巴士服務在倒退緊

HV7025 發表於 2021-5-11 07:46
呢啲例子都係SARS前仍會因應客量增加而安排路線加班、請人、買車嘅年代
嗰個年代連我上文舉嘅11C都有唔只 ...

大車增加咗減班嘅可能性同幅度，但唔可以掉轉推論細車就要加班或唔使減班
正如阿媽係女人，女人又唔一定係阿媽
你未上唔曬人（特別係非繁忙時間），都唔使旨意唔使減班

SARS太短暫都冇乜大影響，反而前後撞正直梯年代，
就算有西鐵同馬鐵通車，嗰期各線嘅加班反而比較多

疏車趕客只限273呢啲可以唔搭車就去自己行嘅特殊例子，其他咪又係硬食
284轉雙層印象中冇減過班，當年雙層，特別係短雙層過剩
大把區內線拎嚟雙層當單層用，又方便拎嚟攝其他線
而且成日下層頂閘，上層冇乜人

始終以前冇拎曬所以big data去計客量計要幾多車，加上網絡冇而家咁流通
車唔夠載，會上報紙雜誌投訴版，甚至上新聞，例如欖隧通車
但車多/大得滯，大把位剩基本上冇人理，就算間唔中有人人手數下客都只係杯水車薪
而家big data 年代，無論繁忙時間非繁忙時間計到你啱啱好夠載

HV7025 發表於 2021-5-11 07:46
呢啲例子都係SARS前仍會因應客量增加而安排路線加班、請人、買車嘅年代
嗰個年代連我上文舉嘅11C都有唔只 ...

唔計疫情同加時，真係唔多減班
所謂加時減班通常只係應乎民間關注車長工時而做，好多時一架車都無cut
就算西/南港島線減車都比預期輕手

tunghang 發表於 2021-5-11 11:04
唔計疫情同加時，真係唔多減班
所謂加時減班通常只係應乎民間關注車長工時而做，好多時一架車都無cut
就 ...

點會唔多減班
我以前住竹園，呢十幾年，巴總條條線連埋211都交過車出嚟，加埋無咗超過十架
1號以前5-10分班，而家表列得番好少時段仲有個位數，疫情時間表都見到20分班
其他線更加唔好提

ccchhhuuunnn 發表於 2021-5-11 10:32
大車增加咗減班嘅可能性同幅度，但唔可以掉轉推論細車就要加班或唔使減班
正如阿媽係女人，女人又唔一定係 ...

只能講高載車的確會令減班幅度增大
但喺唔少路線嚟講，係唔係都會減班
我就寧願要架多位啲嘅，有位坐、尾站攝到上車嘅機會大啲先

AVBWU291 發表於 2021-5-11 08:06
啊生，瞓咗十年？傳聞將馬線邊間做都唔知？仲有，減車嚟開招標線？第一日新嚟㗎？
...

傳聞咪新巴，但你都話係傳聞，同埋我真係近日新嚟㗎
另傳聞亦有話運輸署直接委派巴士公司營運，即係唔係招標線啦