【新機遇】建議30X/39A交換總站、39A/40P合併、234X改快

Ricky403 發表於 2021-6-29 15:46
荃威麗城大涌道大河道夾埋一齊做嘅必然結果
做到幾乎無原路出入，都算係咁啦
轉循環就畀人投訴班次會大 ...

為合併而合併

Ricky403 發表於 2021-6-29 16:00
荃景圍入麗城再出去，除非行海興路直接上公路，否則必定會原路出入
但係去程如果想掂下荃灣市邊皮，都係 ...

我本身想 30X 拉落去荃灣站，目的係補 39A 位，唔打算佢做荃灣站 - 深長茘
你呢種兜法，如果荃灣站上，分分鐘要 30 分鐘以上先上公路
真係只想補位嘅話，就算唔拉 238X，次選都會係 32 落西站

Ricky403 發表於 2021-6-29 15:42
Google計過，大涌道落車行返過荃灣街市，要800米左右
福來邨一段海壩街人唔算多，又有遮頭，個人認為算好 ...

對行路okay既當然無問題
不過有得揀邊個會想行
反正都要行咁多路既咪又係搭返鐵

其實而家不論30X定234X係荃富街都落唔少人
當然再分開埋深長荔出嚟未必真係好多人但未至於偏低?

油尖旺定深長荔
好似68X同268X咁單睇班次
已經好明顯客流量高峰係唔同位
無話一定要棄邊個而要做到邊個
左手多客右手跌客又唔見得真係會對成件事營運好有幫助
套車問題
老九有心既點都搵到車加
冇心既就算40P套39A都可以唔加密
又或者咁講可以唔使做咁多野
直接而家搵40P套39A都可以完成

Snoopy@FB8617 發表於 2021-6-29 17:52
對行路okay既當然無問題
不過有得揀邊個會想行
反正都要行咁多路既咪又係搭返鐵

可以唔行，不過再計番條數，遊勻荃威麗城車程應該係會多25或30分鐘左右
30X/234X唔停荃富街，只停祈德尊、滿樂同力生，就我觀察所得夜晚通常滿樂力生一半一半，日頭就各三分之一
滿樂落車班客大部分可以喺大涌道落，所以真係可能有問題嘅係力生，排除埋油尖旺有234X，真正受影響嘅根本好少

但係油尖旺返接近成個荃灣都有得特快穩固客源
而深長荔返荃灣本身都病入膏肓，同路計上座率只係好過45/46，同66X差唔多，有AN1/2搶客後部分時段客量更差
顯然係值得博

荃灣整體個情況比較似68X/268X，但區內道路網似青衣多啲，唔似得元朗乜野線只要大馬路形點一條過就客量保證
加上歷史因素，改特快必然要放棄一啲細位

hk20020062 發表於 2021-6-29 16:21
為合併而合併

起碼30X荃景圍至西站段路唔係完全無用
跨區唔搭都好，仲有區內客要佢照顧
亦做得番大涌道尾站、先荃景圍後麗城、無原路出入三大限制

tonychow 發表於 2021-6-29 16:34
我本身想 30X 拉落去荃灣站，目的係補 39A 位，唔打算佢做荃灣站 - 深長茘
你呢種兜法，如果荃灣站上，分 ...

咁樣資源運用上面好浪費
來回夾埋用多20分鐘，如果唔當補到荃灣市 - 深長荔，就唔值博

我個方案其實更追求資源運用方面效率
30X改走線食234X深長荔段，吸油尖旺客之餘唔使加車或改循環犧牲回程班次，順手搞掂大半30X/234X回程搶客問題
40P食39A，免去本身喺荃灣搵總站，由石圍角落如心段路，順手方便荃景圍來往象石同九龍東

Ricky403 發表於 2021-6-27 20:54
用30做有兩個缺點：
1. 搞循環出入西站一單平均120分鐘(未連休息)，太長；玩延長落西站至少增加10分鐘行 ...

老實講我對 39A/40P 真係冇咩意見，對於荃景圍黎講緊值係執到。

但係條  30X 定線左兜右兜, 尤其起荃灣市而言真係為擺車而擺車，就算你所謂做西站荃景圍特快都唔見得有幾快。反正 84 小巴個邊都出左條支線計劃出黎，意味 39A 改路計劃應該好大機會告吹。
站起荃景圍而言，你兜返入去麗城先再出市區同而家兜荃灣市其實相信就唔會話快好多，咁即係其實係冇分別，改同冇改都係咁上下。但係兜完麗城又會唔會可以幫到 30X 增客而可以加車? 如果可以，當然就好啦。唔得的話，放眼荃灣市區其實先更加正路，最少可以博到新區個邊多客坐 30X 而加密班次先。

不過你一開始個 topic 話要新機遇，
我其實有一刻諗緊將 32 逆走 (東北葵個邊大把車去西九龍，其實早就要處理下)，
大方向係: 32/36B 對調總站。36B 由石圍角開，32 起梨木樹開；之後 32 梨木樹開之後逆行經荃灣市、大涌道上荃灣路出市區。
咁就可以 replace 234X 要特快，而荃灣冇左條線去西九龍個問題。加上石圍角本身自己都冇車去愉景個邊。
其他細節位未諗，遲下有時間我先再慢慢諗下 。

Ricky403 發表於 2021-6-29 21:10
咁樣資源運用上面好浪費
來回夾埋用多20分鐘，如果唔當補到荃灣市 - 深長荔，就唔值博

搞清楚先，我唔係好明你個方案點 work

荃灣市不論點做都好，又經荃景圍又經西約絕對唔會係好嘅方案（不論同 238X 或者 32 比，又或者跟 AVD1 兄嘅方案），因為隨時半粒鐘都上唔到公路
拉 30X 落去，一來車務調動方便，減少脫班；二來可以補富華街 - 荃景圍街市 同埋 港安 - 荃灣站嘅位，咁 39A 就有得用荃威做總站循環
你條 30X 一野拉埋落去西站唔係唔得，但係本身明明荃景圍可以好快咁來回西站（不論用舊 34 方案，或者 39A 用 ATSE 兜入荃灣廣場停站、回程用 84 走線上山）又唔使經後門，唯一一個阻力只係落荃灣站少咗平車（但 30X 已經補咗）同埋我以上講嘅兩個空位（again 30X 都補咗）（當然用 84 走線上山就可能要無限循環或者愉景做總站）
但如果要經荃灣站去西站，吸引力實在有限

AVD1 發表於 2021-6-29 23:27
老實講我對 39A/40P 真係冇咩意見，對於荃景圍黎講緊值係執到。

但係條  30X 定線左兜右兜, 尤其起荃灣市 ...

老實講我係傾向放棄大河道個位，嗰頭出深長荔巴士無乜優勢，兜如心/行楊屋道都慢，唔咁做又唔夠客
30X拉落去西站 (其實個人更傾向如心)，純粹係利用荃景圍順走變逆走慳時間，可以由要兩架做變成只要一架做
之後西站街市大河道區內補哂，39A得番綠楊同熊貓 (後者其實都有30)，就可以直接畀40P食埋，仲有機會順手加班 (whatever，總之九巴係多咗車用啦)

搵32/36B對調總站32再逆走呢招又未諗過
不過搵32補荃灣市，可能問題就會變咗只到荔枝角道同最遠去到旺角，大河道落油麻地紅磡黃埔又會無咗巴士 (雖然鐵路相對吸引)
葵涌曾經唔過37改行荔枝角道，證明荔枝角道難以取代長沙灣道，呢個焗限某程度上都幾中要害

論補位，我地啲方法都各有利弊，某程度上都睇地區同九巴運署最關心啲乜

tonychow 發表於 2021-6-30 10:57
搞清楚先，我唔係好明你個方案點 work

荃灣市不論點做都好，又經荃景圍又經西約絕對唔會係好嘅方案（不論 ...

其實無論搵30X倒轉行、32加價倒轉行定238X拉長加價去補大河道，點都做唔返而家30X咁樣
32加價倒轉行，站位唔同，車程大致無變，做唔到長沙灣道油麻地黃埔
238X拉長加價，車程稍為延長，要搞埋238M亦做唔到黃埔
30X倒轉行，站位唔同，車程大幅延長，九龍覆蓋無變
某程度上，無一個方案完全照顧到大河道全部需要，只係睇大河道願意放棄車程定覆蓋，抑或50/50，抑或乜都唔肯放

荃景圍其實本身都無得好快來回西站
即使拉長30X去成就39A改西站特快，減走架得番兩架車頂盡15分/班
但係平日非繁西站使用率始終比荃灣站低，39M都係計埋區內客先有7/8分，撐唔撐得起一條巴士純玩接駁都成問題，淨係班次疏已經好易畀小巴玩死