報告屯馬線全線通車後巴士路線客量變化

RyanPun 發表於 2021-7-10 00:57
九記依家玩新界東玩到唔塞到爆炸唔安樂嘅，佢唔郁89D斷自己米路已經要還神，我唔會期望佢執好馬鞍山啲線 ...

但85X在屯馬線之前幾年已經精簡走線，否則仲用85C的走線就等執

Kaix 發表於 2021-7-10 12:17
條渠根本唔係荔灣道下面，除非你係要起到個站咁巨型，否則美孚站西鐵部分根本可以完全唔掂條渠

唔該用市 ...

其實成條荔灣道只係闊 12 米左右，
就算鑽石山月台，月台未計路軌部份都已經闊 12 米。

如果連埋路軌及結構更加係闊接近 24-25 米
根本就塞唔落。

重有，T 型站會導致人流過份集中，
(情況類似未擴建前的九龍塘站)

金鐘站做法係額外加一層轉乘層分散人流，
九龍塘做法係額外加一條轉乘通道分流，同埋儘量擴闊轉乘通道

但美孚站受制於條 box ，除非佢掘深幾層，
否則就冇可能做到呢個效果

重有，車站設備房遠比你想像中多，
類似規模(闊度)的新鑽石山站，
月台層係 -15m，天台層係 +25m，當中只有八層，
但講緊十幾層樓，接近四十米高度
用返美孚站，當佢有一半響地底起，
起碼都起到四五層樓高，即係成條荔灣道要抬高 20 米·

ricky 發表於 2021-7-10 19:23
但85X在屯馬線之前幾年已經精簡走線，否則仲用85C的走線就等執

不過佢喺未通車就已經減班呢，迎戰沙中線都唔知走咗去邊。唯一係佢下繁嗰幾班個位數班次、仲未打主意，都姑且都當佢重視嘅。

Quanta 發表於 2021-6-28 14:53
215X一日成萬人搭，原來香港咁多巴膠...
即係呢 世上除咗鐵膠巴膠 仲有大部分正常人㗎 ...

215x, 其實係九龍灣商貿區-尖沙咀特快線。
雖然呢個角色其實219x都叫做OK能做到，但唔知點解朝早東行方向，佐敦一帶唔係太多人去九龍灣商貿區。

mrm23 發表於 2021-7-10 19:35
其實成條荔灣道只係闊 12 米左右，
就算鑽石山月台，月台未計路軌部份都已經闊 12 米。

佢以為好似莫斯科地鐵咁站同站之間起條窄窄行人通道就算
完全無理會circulation嘅問題

以荔灣道個闊度塞得落個站都要起雙層側式月台
咁玩法隨時要係個box culvert同荃灣線隧道下面起
側邊美孚新邨棟棟樓都唔係高
隔離掘到咁深會唔會影響個地基?

Kaix 發表於 2021-7-10 13:34
其實就算係分兩鐵，我建議嘅美孚站T型大堂係足夠空間分開兩鐵範圍，荔灣道嘅擴建大堂(九鐵範圍)規模會同地 ...

如果唔係有中間條超長轉乘通道又點令地鐵容納到轉車客呢?

mrm23 發表於 2021-7-10 19:35
其實成條荔灣道只係闊 12 米左右，
就算鑽石山月台，月台未計路軌部份都已經闊 12 米。

補充多句，T 型車站另一個問題係要跨過美孚站荃灣綫路軌，
即係好似金鐘站咁要起個支架托住個荃灣綫路軌同月台，
仲未計葵涌道橋墩、機鐵路軌。

美孚新邨貼住個荃灣綫車頭，荔灣道又成條雨水渠，
淨係一邊做保護牆都無左幾米，邊度夠位塞個側式月台？

美孚站設計九鐵畫左幾十幅圖，九鐵點會無考慮過 T 型方案？
連葵芳站方案，成個站擺東面都諗過。
當年仲要比美孚新邨班人插，九鐵咪解釋左點解要咁起：
https://www.info.gov.hk/gia/general/199809/09/0909220.htm

地鐵當年投西北綫都要專登用東涌綫共用路軌依個方案直插荔景，去解決成個轉車站問題。

S3bl430 發表於 2021-7-10 12:56
當初九鐵和地鐵係2家公司, 接駁自然唔會搞得好好,九鐵可能心諗以後自己個鐵路網絡都可以直達中環,
咁自 ...

邊個話？當年九鐵投到西鐵，兩間鐵路公司做晒跨公司研究點起轉車站問題。
如果唔理接駁問題，當年出現既只有西鐵葵芳站，然後西鐵止步，
而唔會大費周章起個南昌站出黎。

與上星期同一時段（早上8點至8點15分）相比，85B出九龍方向客量進一步下降至不能坐滿窗口位，985B亦出現輕微跌客。另外，前往往顯徑站搭鐵的人流上升了2-3倍

暑假道路交通暢順，有助巴士客量回升