建議修改新巴第X9線的走線及服務

xdxd 發表於 2021-8-2 15:40
你都戇居嘅
你所講嘅頭兩個例子本身就唔係鐵路優勝嘅服務（參考主線73X／962B），同時某程度上亦都起到疏 ...

咁，9同14 號互換總站好唔好？筲箕灣冇船搭但嘉亨灣有，過海更加方便

LauCT 發表於 2021-8-2 15:04
並非痴心妄想
9號平日唔好客不代表X9唔可以全日，因為9號係鐵路接駁，X9唔係啊！
事關75K平日好好客咩？點 ...

75K兩繁多客到要開單位數字班次，你9號開緊乜班次？
講到天花龍鳳都改變唔到9號平日客量不佳的事實。

LauCT 發表於 2021-8-1 23:16
支持修改新巴X9線的走線及服務，因作出以上改善措施後，X9的服務範圍仍然過於狹窄，故建議進一步擴展X9的服 ...

石澳 2016 年人口普查連 2500 人都唔夠
而使用私家車比率比赤馬更高
跟本 X9 開平日繁忙時間係多餘
假日因應遊客人數而提升 X9 或 9 都仲話有點道理

連紅 van 都只係做到去筲箕灣
X9 平日邊養得起？

LauCT 發表於 2021-8-2 16:08
咁，9同14 號互換總站好唔好？筲箕灣冇船搭但嘉亨灣有，過海更加方便

點解你認為石澳更需要駁船多過赤柱？
你覺得書展郎會俾你咁做？

LauCT 發表於 2021-8-2 15:04
並非痴心妄想
9號平日唔好客不代表X9唔可以全日，因為9號係鐵路接駁，X9唔係啊！
事關75K平日好好客咩？點 ...

乜原來北角同中環無鐵搭o架？

LauCT 發表於 2021-8-2 15:13
根本唔關多唔多人住事。大美督好多人住咩？掃管笏好多人住咩？赤柱炮台隔離好多人住咩？75K、252平日好密 ...

六個字贈你
"班次反映客量"

完

LauCT 發表於 2021-8-2 16:03
希望善巴唔介意周一至五抽調X15資源去試辦少量X9啦。咁少訪港旅客，而且人哋有差唔多嘅15號，平日調啲車 ...

人哋山頂沿線有人住都係一條線落山
石澳沿線得個石澳有人住仲想要有兩條線
我係加強都係加強山頂果邊啦

東行加停怡和大廈，不行繞道；西行加停太古廣場，已經方便不少西隧轉乘客啦，唔洗再拉去上環又要入中環內街，快快手清客走人好過啦

至於景隆街個站先係重點，方便D人轉紅隧線同去銅鑼灣食飯。

睇得出你完全唔知X9用黎做乜,我逐點回

1+2. X9作為旅遊線唔駛停太多站,停中交就入北角係因為中交多旅遊線,用你個logic,所有赤柱線同山頂線都應該要停怡和,咁星期日你要塞幾耐?
本身呢條線停得多站就唔會吸引,因為9號真係值d。你停多幾個站慢左,仲顯得唔值18.8

去港澳唔係唔得,但一定要係天星自轉,但新巴唔一定想,都係個句天星又係遊客線總站,搞咩姐?

星期日塞得幾多?唔停銅記比班客食飯你估點坐到咁多人?你唔停就真係倒米啦。

3. 港運城唔係唔人用黎轉地鐵,明顯用黎轉東隧線,轉得地鐵個d去晒9號啦,早幾個站落車比2倍價錢坐車?傻的嗎?你仲要叫架X9停埋筲箕灣?冇野下嘛,叫人比多幾蚊但你完全冇快過?你架X9坐面有架9號,大家都係9號黎架啦,定你唔想d客太快落車,鍾意佢地感受下筲箕灣總站燈陣?

4. 自己睇下X9多人坐成點.除非大浪灣有石澳三成人上車唔係唔會入,你仲有總站改個邊?一個唔小心上左廿個人,石澳就多左人要企,咁d客比18.8係黎做乜??
5. X9係可以睇情況開多一兩班但唔會係開超密,本身個時間已經幾好,2點鐘頭車?邊個會咁早到石澳然後兩點走?四點幾就真係差唔多啦
6. 呢個係唔make sense,你唔可能強行停,最多話少d車,頭尾車死都要死出黎

結論:唔好睇地圖開建議唔該。

PV4082 發表於 2021-8-2 16:10
睇得出你完全唔知X9用黎做乜,我逐點回

1+2. X9作為旅遊線唔駛停太多站,停中交就入北角係因為中交多旅遊線, ...

好高興同感謝你肯發表真正具建設性嘅意見, 而唔係啲咩X9全日服務呢啲不設實際嘅諗法. 我就你提供嘅points回應下, 有錯請指教：

1+2. 如果本身X9東行真係好多人坐, 咁當然喺中環只停1-2個站係ok. 但係而家X9東行經常吉車遊街, 咁我改行告士打道, 順路停多2-3個站, 唔會曬太耐時間, 又吸引多啲人坐, 何樂而不為？另西行喺告士打道加嘅2個站都係順路, 唔需要刻意繞路, 又唔會停多啲紅綠燈, 趕客程度不大.

如果唔去港澳碼頭嘅話, 可以參考#28師兄嘅建議, 都可以做到方便西隧客轉車嘅效果, 只不過最多人坐嘅西行會變得繞路, 同你嘅觀點不一致, 亦令X9成為假特快, 咁嘅話繼續停銅鑼灣好過.

3. 你睇下依家東行有幾多人去北角搭X9先啦, 好少東隧客會喺東行轉X9, 加上入北角時間同入筲箕灣時間差唔多. 與其繼續為咗咁少東隧客而入北角, 不如東行飛北角而改入筲箕灣, 試下昆9號乘客嘅水, 甚至新巴有良心嘅話, 可以將分段收費減到同9號全程收費相近（不過佢咁做嘅機率應該好低）, 幫手分流9號嘅客.

4. X9多人坐只會係回程, 唔會係去程, 我唔反對西行X9維持番喺石澳開, 但東行客量真係差, 肯定有足夠運量入大浪灣, 所以至少東行應該延長入大浪灣增加客源.

5. 所以, 你唔記得咗行山客嘅存在？龍脊好易行得完, 有啲人9點幾已經去到龍脊, 5-6個鐘已經夠曬行. 如果2點太早嘅話, 3點開西行都應該ok, 但絕對唔應該4點先開.

6. 我係寫“若天氣欠佳，服務或會在短時間通知後暫停或縮減班次”, 所以新巴有減少班次呢個option, 而唔係只係得暫停服務呢個option. 呢個安排本身九巴都用咗喺96R好耐, 我用番一樣嘅字眼, 有幾唔make sense？

再次感謝你對建議嘅分析, 歡迎更多有建議性嘅意見.

題外話, 我考慮下未來會唔會喺度出建議開新巴X14, 走線會再睇下呢度對X9嘅其他意見而決定, 不過應該只係開西行同埋由龜背灣開, 因為喺赤柱連260都會平過X14按新巴旅遊路線級別可收取嘅費用. 不過, 如果新巴未來真係開X14嘅話, 係好呃錢