[建議]九龍5系重組，及開辦X2、83線[#15更新]

上述建議中共節省20部用車，現抽調部分作開辦X2及83線。
1. X2 慈雲山中－長沙灣（循環線）
針對2F需途經石硤尾、九龍塘、橫頭磡一帶令車速較慢，以及斧山道一帶欠缺前往九龍西北的全日交通服務，
現建議開辦X2線，在途經斧山道及沙田坳道、永光書院站後，沿龍翔道、呈祥道不停站直達長沙灣道，後經富昌、麗翠、東京街及青山道一帶，並沿大埔道及龍翔道返回黃大仙、斧山道及慈雲山。
班次方面，繁忙時間為12－15分鐘一班，非繁忙時間為20分鐘一班，
收費為$7.8，設有黃大仙站往慈雲山之$4.6分段收費，用車數為5輛，與2F共用。


2. 83 大圍站－慈雲山中（循環線）
現時慈雲山、斧山道欠缺開往新界東的直達服務，3M轉乘亦相對欠缺便利，因此建議開辦83線，往來大圍站及慈雲山中，沿途經沙田市中心、沙田圍、斧山道、鳳凰新村及鑽石山。
路線之開辦將能夠便利慈雲山、斧山道一帶居民前往大老山轉乘站、沙田市中心及大圍一帶。
班次方面，全日開15－30分鐘，收費$8.0，用車6輛。

xdxd 發表於 2021-8-13 11:34
2. 83 美林－慈雲山中
現時慈雲山、斧山道欠缺開往新界東的直達服務，3M轉乘亦相對欠缺便利，因此建議開辦83線，往來慈雲山中及美林，沿途經鳳凰新村、富山、小瀝源路、大涌橋路、沙田市中心及大圍。
路線之開辦將能夠便利慈雲山、斧山道一帶居民前往大老山轉乘站、第一城、沙田市中心一帶。
班次方面，全日開15－30分鐘，收費$8.0，用車6輛。

條83泊大圍站好過泊美林
美林真係冇位擺全日新線

xdxd 發表於 2021-8-13 11:34
上述建議中共節省20部用車，現抽調部分作開辦X2及83線。
1. X2 慈雲山中－長沙灣（循環線）
針對2F需途經石 ...

X2同我早前建議差唔多，都係做慈雲山特快落深水埗同時做埋長沙灣西一帶去黃大仙。但係用5架會唔會太少，深水埗區嘅路線係點？

同埋83喺慈雲山走線係點，如果唔做循環點樣同時做哂斧山及鳳凰新村？

typhoon_york 發表於 2021-8-14 15:28
X2同我早前建議差唔多，都係做慈雲山特快落深水埗同時做埋長沙灣西一帶去黃大仙。但係用5架會唔會太少， ...

X2西行其實係經蝴蝶谷道落長沙灣道，然後就經興華街落海麗、南昌，之後行欽州街、荔枝角道西行、東京街北行、青山道上返大埔道，呈逆時針走綫。
主要係針對返慈雲山去長荔一帶車程耐，同埋深水埗西冇車到，原本諗住經全段欽州街，但唔想塞元州街+想比青山道有兩飛返去，所以屈返入東京街。
至於5架車夠唔夠行，始終西行係近乎私牌過長沙灣道，來回大半程都係行緊龍翔道，唯一嘅主塞車位會係青山道，所以唔太擔心。有必要嘅都可以靠2F喺長沙灣踢車過去行荔枝角站起載班次。

至於83，晏少少會再做修訂。

現就83線作出修訂，改為大圍站－慈雲山中（循環線），將會繞經鳳凰新村，採取富山－慈雲山－雙鳳街－鳳德走法，非繁班次改為20分鐘。

xdxd 發表於 2021-8-14 19:18
現就83線作出修訂，改為慈雲山中－大圍站，將會雙向繞經鳳凰新村，採取慈雲山－鳳凰新村－慈雲山－斧山道的 ...

咁行法不如變循環線
大圍》沙市》大老山》富山》慈中》
鳳德》黃大仙》不停站直達》沙市》大圍

起碼富山/ 鳳德單邊「特快」
亦嘗試用有限資源做哂兩邊

P.S. 進取啲落山可以直接喺鳳凰新村落
然後經竹園，天馬苑後入獅隧
不過鳳德站位就唔會咁就腳，要行過去鳳凰新村上落

xdxd 發表於 2021-8-14 19:18
現就83線作出修訂，改為慈雲山中－大圍站，將會雙向繞經鳳凰新村，採取慈雲山－鳳凰新村－慈雲山－斧山道的 ...

點解唔改做循環線，慈中做循環點，簡單好多

JX9097 發表於 2021-8-14 19:56
咁行法不如變循環線
大圍》沙市》大老山》富山》慈中》
鳳德》黃大仙》不停站直達》沙市》大圍

已經修改咗建議，多謝師兄嘅意見。
不過我覺得唔應該開好多長途循環線，始終有個風險係公路塞車搞到甩哂班，有雙向總站兼其他線踢車比83用純粹買返個保險
即使計劃裡面，X2同3（原8P）都仲係循環，但各有各原因，
3係尖碼無位，加上而家係有乘客係搭倒頭車先落所以唔變雙向；
X2西行都係純粹運車去甘泉街起載，順手車埋班斧山道、慈雲山客直接去長沙灣而唔使慢慢熬2F。
但83可以雙向攪掂，最多係行車路線複雜少少，好似一開頭咁攞慈中放車，兜鳳凰、上返山再斧山道走人，
不過都改咗而增加覆蓋範圍。

至於大隧入獅隧走我個人麻麻地，始終行車時間嘅不穩定性比較高，同埋大隧轉車得半邊...

xdxd 發表於 2021-8-14 21:13
已經修改咗建議，多謝師兄嘅意見。
不過我覺得唔應該開好多長途循環線，始終有個風險係公路塞車搞到甩哂 ...

慈雲山循環唔算太長嘅
另外X2好似喺深水埗區兜好耐，而且荔枝角只係做單邊特快，呢個角色仲有40號做緊。倒不如專注做深水埗特快，搵海達做總站