建議962B/962X服務時段內部份重組

kay 發表於 2021-8-27 20:40
但下繁後962B 962X怡和街客量差好遠

962X多數30-40人

962X客量其實係唔對稱，主要係因為屯門冇962系的小區出銅鑼灣係揀960/961轉968多，但回程好多時都係上左962X先去屯轉/屯市轉車而唔係968轉960/961。962B則好穩定地反映緊深井青龍頭的所有需求，而夜晚青山灣亦都會上962X去屯轉先再轉番962B/九巴，所以962X回程夜晚係多客。下繁情況係因為放工客返深井青龍頭962B全數吸收，但因為下繁時段中上環金鐘返碼頭962X唔係首選，所以客量係差。至於上午出港島，的確962B客多啲，主因係上午出港島去銅鑼灣的係少數，碼頭出中上環有唔少客去左九巴度。

基本上如果拆番962出來，962B調疏一級(15->20, 12->15)，就係合理班次。而城巴本身冇能力用速度搶到龍門居客，如果龍門居有聯合10分鐘一班，或者首選九巴的人係會少啲。

另外當年962/962B/962X拆法失敗主因係兩條只去金鐘，加上班次係12-15/30/20，完全沒有協同效應，深井青龍頭又太疏趕客，但今時今日隨屯門人口增長，係有條件大兩味拆番。當年962唔駛入屯轉，其實仲快過現時962X的速度。

kay 發表於 2021-8-27 12:46
咁唔怪得962B早上可以10-12分一班
但962X 1010後已經15分一班

962B行曬青公咁多個站又多人上落的話的確要30分鐘  就算依家呢個時間出去冇乜人上落都要25分鐘

2076 發表於 2021-8-27 21:11
962X客量其實係唔對稱，主要係因為屯門冇962系的小區出銅鑼灣係揀960/961轉968多，但回程好多時都係上左9 ...

你所講朝早下晝去銅鑼灣唔同路線需求 99%都係因為有位坐情況而選擇 好似夜晚啲人坐962X轉九巴都係想銅鑼灣上車坐到夠先再返去慢慢轉

至於碼頭區特別龍門居搶客問題就真係冇得搞 始終九巴有月票就算城巴玩直出佢哋本身已經習慣咗平車費，所以可以放棄市場

kay 發表於 2021-8-27 20:40
但下繁後962B 962X怡和街客量差好遠

962X多數30-40人

你忘記左仲有村巴番碼頭。