【循環再造】234X自拆：兩條單邊特快主力服務油尖旺區

Ricky403 發表於 2021-9-14 20:41
你無解釋點解234X拆完線搶唔到鐵路客
之前kay兄都講咗好多次，根本鐵路客係交通大宗，佔大部分有鐵區域嘅 ...

咁我又想知有幾多客可以搶啦。可能我唔好彩，非繁去親連 96B 都係要小貓三四隻咁。當 34 連 34M 都係得廿幾三十人落鐵嘅時候，我唔認為以全日計會好過而家幾多。
34X 前面都有人講咗好多暫時唔講，但係你呢條 234X 除咗廣東道之外都無咩位係比鐵方便，去返油佐已經開始無咩客落。就算好似 287X 咁本身都唔使兜尖沙咀都有人話兜，時間上又係咪真係慳好多吸到好多客？

呢個TOPIC成日都係咁
自拆又話人自肥
搞人地區又假設人地比你搞

就黎拆無可拆

S3V1742C 發表於 2021-9-13 19:38
當然 你可以認同佢甘拆 或者維持現狀唔拆
但係我自己認為如果要拆
拆一條做晒長深荔 太子做總站或者循環 ...

即係你拆一條循環一條雙向就okay
人地拆兩條循環就叫西站霸王?

Ricky403 發表於 2021-9-15 20:38
而家AN紅小非繁一定黎先過234X去博班客轉軚
所以紅小同巴士而家係12-15+0-3咁嘅班次，完全無協同作用，得 ...

講幾句鐵路問題
我覺得呢度好多人對搶鐵路客嘅諗法同實際情況有少少出入
（講明先，至於實行起上來點樣，無人知，我都可以唔係主流諗法，我唔踩任何一邊）
234X 主要客源，基於西約係住宅區，油尖旺係商業行街區，所以一定係繁時出市區，夜晚入新界
而對返工客而言，朝早返工搭車穩定重要過速度好多，因為怕遲到
回程而言，巴士有位坐比較重要，而且唔少人會想快返到屋企，加上唔係全部車塞入市區而係向唔同方向行，同放工時間唔同，路況通常無咁差
所以回程快咗，先係吸引鐵路客過檔嘅做法，唔係嘅話都係逼 15 分鐘鐵算把
舉個例，我搭 960 屯公三站上車，過海返工平均一定快過搭輕鐵轉西鐵轉東涌綫轉港島綫，但我都揀咗後者，原因係怕塞車；所以依家屯馬先會爆到咁

荃灣西呢，上車其實從來唔係難事，因為大西北出城嘅有唔少會喺荃灣西落車，落車通常多過上車
回程尖東無錯係好多人，但都唔係上唔到車果種
真係上唔到車嘅，其實係夜晚美孚，屯馬通車前後都成日留後，當然有時有空車南昌上客，情況會好少少；不過美孚難唔難上車同 234X 似乎無太大關係，站位唔好加上巴士又有 $2 機，大部分人都等 40/234X，返荃灣市中心仲有 30X
你可能會話，屯馬通咗車多咗人搭 260X，但係返屯門同返荃灣西比，尖東上車用嘅時間全程差唔多係荃灣落嘅 double，有位坐自然比較重要

而返返你個循環走線方案，去程出旺角尖沙咀無錯係快咗，但係吸唔吸到返工客轉投巴士，我有疑問
至於回程，旺角以南係快咗，但係一來有返荃灣市中心嘅人（留意返有唔少人唔會直接返屋企，而係放工返咗市中心先，跟住食野買野）
呢班人除非見到你條循環線無甩班就到，否則我估依舊會搭荃灣線
至於真係旺角油麻地返屋企嘅，的確係快咗，呢度係大家口中嘅鐵路「回流」客
加上我上面所講穩定程度問題，你條循環線為咗要就美孚轉車問題，我嘅感覺係因為咁你將要快同慢少少都得嘅方向調轉咗

但計埋成個 pool，尖沙咀未必搶到客（因為可以行去西鐵，而且屯馬對來回荃灣西嘅人未必有上唔到車問題），旺角客係快咗（但回程又未必返屋企），但深長茘客倒走咗一邊，我個感覺係回流嘅新客只有旺角以南返屋企嘅人，同埋少數返工唔怕遲到嘅人
最後係咪 balance 到條數甚至有賺，我有少少懷疑

Ricky403 發表於 2021-9-14 17:13
其實朝早八九點嗰陣深長同旺角尖沙咀佔比係點樣？
老實講下繁回程計埋荃灣市，睇到深長客都係偏少，靠荔 ...

以前試過一排通勤搭唔到30X就行落山搭234X落旺角
通常九點幾上車
如果收一收車15分鐘一班
係荃景圍天橋都已經坐滿
比較固定都係美孚站+光昌街落十幾二十人
之後去到太子站通常都已經窗口位都坐唔滿

當然上面觀察係上繁尾尾甚至已經過左早繁既界線
同埋我認同加快到旺角-尖咀行程既客量會有所唔同
最起碼230X客量其實唔錯

要比較既話
我會覺得而家深長荔同油尖旺都係一棵樹
斬左一半深長荔棵樹希望佢唔會死
去搏油尖旺可以生多一棵樹
未必真係咁worthy

下繁回程以前係太子等車
反而234X算偏向穩定
跟住ETA唔會差好遠
係30X先嚴重海鮮班次
34X行一轉菜街會唔會玩到好似30X咁靚班次會係一大疑問

kay 發表於 2021-9-16 11:58
呢個TOPIC成日都係咁
自拆又話人自肥
搞人地區又假設人地比你搞

如果資源允許，至少自拆總好過夾其他區拆嘅
最大問題係而家234X資源都掹掹緊，客量又掹掹緊，而家深長荔 油旺 佐尖各自三分之一，無論旺角或佐敦分界實有一邊係唔太夠客
理論上如果有車加落去，夠做兩條雙總站，可以慢線去程經油麻地折返大角咀，快線去程跑西九廊甘肅街落橋，咁樣就可以快慢客量分配得當，又唔會出現真空
但係你我都知九巴喺荃灣有車多都會優先加落去過海934，或者九龍東33/33B/40/40P

ATSE40 發表於 2021-9-16 00:36
咁我又想知有幾多客可以搶啦。可能我唔好彩，非繁去親連 96B 都係要小貓三四隻咁。當 34 連 34M 都係得廿 ...

咁你未免太低估轉鐵人數
96B小巴本身都有兩條支線，非繁各自3-5分鐘坐滿出荃灣站，落半車以上，34M/234B麗城一車上20個起，荃灣站都落一半，仲未計翠豐臺荃德班客
呢度坐底一個鐘都三百人以上，當淨係1/5去油尖旺，每班34X+234X都可以多10個人出去
當時九巴直接將934拉長到每日一點尾班嗰陣，仲畀人笑吉車遊街笑咗好耐，點知其實單靠西約都二三十個，荃德上多十個，隨時唔輸畀做哂成個九龍西嘅234X

234X喺返轉頭之前除咗海港城之外仲有官涌，成個彌敦道以西佐敦都做得哂，除咗呢兩者仲有九龍公園同天星，全部都係巴士小巴有肉食嘅位黎
至於287X你話兜就真係好睇搭到去邊，落大角咀觀感當然唔好，但落油佐相信唔會有人嫌兜
而234X顯然係主做尖沙咀，回程旺角係行得彌敦道就順手做埋，去程旺角其實34X做嘅客係多啲，菜街個站可以話做到大半個旺角有客位

tonychow 發表於 2021-9-16 13:31
講幾句鐵路問題
我覺得呢度好多人對搶鐵路客嘅諗法同實際情況有少少出入
（講明先，至於實行起上來點樣， ...

234X仲有另一舊都幾緊要嘅客，就係柴灣角工商貿區班通勤客
下繁出深長荔自從得佢獨市之後，五點幾開始班班都接近企滿上公路，所以我都要由34X抽起三班車去特登開34P做直達深長荔，順手做埋回程返荃灣幫手儲客兼清客
而家有線出面有紅小直達旺佐，所以會走出去搭234X嘅人好少，但係跟呢個方案分拆做34X同234X之後就唔同了
234X改做直飛佐敦官涌，只要時間啱實有人唔會再畀貴上紅小而搭234X，雖然要行出去但時間隨時仲快啲，34X旺角停正菜街又平啲，無234X咁大優勢但都有吸引力

唔完全同意你所講
960其實朝早都撐得起密車加分支出港島，無錯會有客企喺你呢邊去諗塞車問題，但肯定都有一部分係唔介意塞車，或者會連埋其他因素考慮，從而認為960系係更好選擇
而荃灣朝早嘅特快一直都有價有市，以前NR30邨巴收$12，朝七至九送咗荃景圍278人出尖沙咀 (0815前後個客量甚至撐得起一兩班巴士)，230X坐得滿三班車出美孚旺角，234P長期企人出旺角
只係各線服務時間一直以黎停滯不前，限制咗需求，934延長服務時間之後，原先兩繁啲班次都無被分薄客量，而且下繁仲多咗人
如果而家灣仔開五六點嗰陣仲有班次隔20分鐘，上環站實上唔哂

Snoopy@FB8617 發表於 2021-9-16 13:34
以前試過一排通勤搭唔到30X就行落山搭234X落旺角
通常九點幾上車
如果收一收車15分鐘一班

如果你話收車之後仲有15分鐘一班，就應該係灣景開0906左右嘅班次
當你坐得滿大約指85個，加埋福來邨祈德尊應該大約100個左近
過太子後坐唔滿窗口位，但其實呢個描述好難得出合理嘅大約數，遑論唔同路段嘅客量比例
但你指出最多係美孚光昌街，各落十幾二十個左右，咁34X朝早走線起碼都兜得番最大舊嗰三十幾個返黎，就算深長荔未計太子落到六七十個，都撈番一半以上番黎，係咪咁差呢我諗又未必

始終油尖旺市場潛力可以挖掘，但深長荔尤其非繁市場係萎縮緊，去程出長深同AN紅小直頭100%重疊，某程度上234X係畀紅小蝦大舊咁睇住黎食
加上234X本身貴，流水客甚少亦非獨市，去程因為九龍區分段多啲啲，但相比無論荃灣客定逆向客亦都非常少，所以都值得考慮拆線做大油尖旺

旺角塞車而家都好少因為菜街，通常洗衣街連埋旺角道東行上海街南行，同另一邊廂亞皆老街西行比較慢車，菜街都幾少暗紅色咁塞死，只係慢車停燈咁解，反而亞皆老街洗衣街上海街塞死就見唔少
所以慢線就有個dilemma：入親旺角，無論點行都好難避開旺角塞車，但全日唔入旺角只到太子又唔夠客，回程亞太中間又會真空
而家34X&34P個組合，造就下繁去程深旺有少少分開，雖然班次焗住拉疏，但係走線上效率係唔錯