20/9 大澳總站晚上八時許有超過 300 人輪候 11 號巴士離開

kei_hk 發表於 2021-9-21 10:50
根本就預左極多人﹐所以我就話大澳太細兼交通接駁問題﹐唔適宜攪大型活動。 ...

預左多人入就梗架喇，但係有冇做風險管理，
我唔知 主辦方，警方，嶼巴，民政局等，
如果人數達到上限，地方根本容納唔到咁多人，
大家有冇協調？呢個先係最大問題？
大澳已經夠多人，但一味就放人入去，
咁責任其實係誰屬先？
玩熄燈呢啲斬腳趾避沙蟲嘅舉措，我就不敢苟同。

andrewyl 發表於 2021-9-21 11:12
預左多人入就梗架喇，但係有冇做風險管理，
我唔知 主辦方，警方，嶼巴，民政局等，
如果人數達到上限， ...

大家可以點協調?

又唔駛封街﹐通知聲政府就可以。

交通方面就已經醒水﹐不停有加班﹐包括渡輪。


派人去東涌/梅窩截人?
最多咪做下廣播﹐邊有得阻止人入大澳呀。
唔通真係要check清楚﹐居民才可以上車咩。

你估有心入去的人﹐仲有無方法入到去?


根本﹐一開始就唔應該攪這些大型活動。
仲要比傳謀大幅報導﹐吸引更多的人去大澳﹐一定出事的。


真心講﹐大澳的情況有如長洲大平清照。
離開長洲一樣要排幾粒鐘﹐分別不大。

長洲就好在船的載客量比較高﹐快船密密開﹐慢船都有加班。
同埋大家散水的時間﹐比較上打散左﹐無大澳的過份集中的情況。

andrewyl 發表於 2021-9-21 11:12
如果人數達到上限，地方根本容納唔到咁多人，
大家有冇協調？呢個先係最大問題？
大澳已經夠多人，但一味就放人入去，
咁責任其實係誰屬先？

長洲嗰種情況勉強還可以
規定居民以外預購來回船票、
需乘搭指定班次去控制遊客量

大澳有水路陸路可至
嚴格嚟講步行也可到達
要做到封區/除居民外限制人數
就算不計成本,仲有遊覽氣氛可言嗎?

kei_hk 發表於 2021-9-21 10:50
根本就預左極多人﹐所以我就話大澳太細兼交通接駁問題﹐唔適宜攪大型活動。 ...

應該本身冇預咁多人
之前搞咗3年
舊年係就係試過腰斬
但印象中都冇今年咁誇張

巴士迷真係好恐怖
只不過係因為人多擠逼、難以搭車離開，就提議要截人唔畀人入大澳，睇嘢諗嘢個思維狹窄到

toby_tl10 發表於 2021-9-21 09:52
100部車每句鐘可以清到3000人，如果真係keep住有2000人排緊，就即係total有接近10000人要清
...

自己睇板友嘅相同報告
好過講啲咩50部車就夠令外果50部用黎運空氣咁不負責任嘅說話

kei_hk 發表於 2021-9-21 11:24
大家可以點協調?

又唔駛封街﹐通知聲政府就可以。

咁而家係封關時候，香港邊度有節目可以搞到，
市民就會湧過去睇架喇，又唔係新鮮事。
明知地方細，但要做到有特色，又咁多宣傳，
市民就會仆去睇。一係你就收費，憑票上車入場。
咁你咪好好管理，如果想做好件事就諗多幾步架喇。乜都唔諗嘅，一有鑊就熄燈。
我都同意唔好搞，返屋企訓覺好過喇，
都唔知搞嚟做乜。

kitarolo 發表於 2021-9-21 11:50
長洲嗰種情況勉強還可以
規定居民以外預購來回船票、
需乘搭指定班次去控制遊客量

就係要保持節日氣氛，大家開開心心玩，
先至要做好管理配套。唔控制人流一路比外區人入，之後逼到爆曬就話遊客影響大澳嘅居民生活 .
咁係邊個責任先？當然索性熄燈就唔駛入添。
咁係唔係最好嘅，就留番主辦方自己諗。

kei_hk 發表於 2021-9-21 11:24
大家可以點協調?

又唔駛封街﹐通知聲政府就可以。

夜晚先有燈，其實好難打得散人群

慈巴都積極試緊 AD 過山，仲未批到
車鏈級 11 加支援車都無問題

CKS 出哂 2 隻 300 人級船載客走，
大澳登岸設施問題容納唔到大船用船尾幾乎係今日硬件既上限

除非限制步行同水路陸路進入大澳否則無可能限制到人流

今年第4 年攪
其實有幾多人你估無人有數據咩
反而今年激增同武肺d 人唔可以出外旅行有關
舉辦既時間都夠長比人觀賞

反而要改善既係點解剩係講一度先
同大棠紅葉一樣道理
當其他地方都有分散人流
分散唔到都無其他方法

toby_tl10 發表於 2021-9-21 09:52
100部車每句鐘可以清到3000人，如果真係keep住有2000人排緊，就即係total有接近10000人要清
...

你見啲相咁墟冚，10000人有咩出奇？
仲有，你咁計真係有問題
一黎，100部車一個鐘係大澳上客
平均唔夠1分鐘開一架有冇可能
仲未計上客時間喎
二黎，就當真係咁勁100架一個鐘全部大澳開
第一架出到去東涌都要1個鐘
當佢即吉車入大澳快都要九個字
即係佢入到大澳之前嗰度要冇新客排隊？
有冇可能？
計我話，100架做條線
一半大澳出東涌，一半東涌入大澳
咁就差唔多